ಉಡುಪಿ: ಗಾಂಧಿ ಜಯಂತಿ ಪ್ರಯುಕ್ತ, ಕುಂಜಿಬೆಟ್ಟು ಇನಾಯತ್ ಆರ್ಟ್ ಗ್ಯಾಲರಿ ಸ್ಥಾಪಕ ಲಿಯಾಖತ್ ಆಲಿ ಇವರು ತನ್ನ ಆರ್ಟ್ ಸ್ಕೂಲ್ ನಲ್ಲಿ ತರಬೇತಿ ಹೊಂದಿದ 38 ಸೀನಿಯರ್ ವಿದ್ಯಾರ್ಥಿಗಳ ಫ್ಯೂಷನ್ ಆಫ್ ಕಲರ್ಸ್- ಚಿತ್ರಪ್ರದರ್ಶನವನ್ನು ಅಕ್ಟೋಬರ್ 2 ರಿಂದ 4 ರ ವರೆಗೆ ಬೆಳಗ್ಗೆ 10 ರಿಂದ ಸಂಜೆ 7 ರ ತನಕ ಆಯೋಜಿಸಿದ್ದರು.

ಬುಧವಾರ ಕನ್ನಡ ಸಂಸ್ಕೃತಿ ಇಲಾಖೆಯ ಸಹಾಯಕ ನಿರ್ದೇಶಕಿ ಪೂರ್ಣಿಮಾ ಇವರು ಚಿತ್ರ ಪ್ರದರ್ಶನವನ್ನು ವೀಕ್ಷಿಸಿ, ಕಲೆಯಲ್ಲಿ ನಿರತ ಮಕ್ಕಳ ಭವಿಷ್ಯ ಉಜ್ವಲವಾಗಲಿ. ಕಲಾಸಕ್ತ ಮನಸ್ಸು ಅಪರಾಧ ಮಾಡಲು ಸಾಧ್ಯವಿಲ್ಲ ಪೋಷಕರು ತಮ್ಮ ಮಕ್ಕಳಿಗೆ ಚಿತ್ರಕಲೆಯನ್ನು ಕಲಿಸುವ ಕೆಲಸ ಹೆಚ್ಚಾಗಬೇಕು ಎನ್ನುತ್ತಾ ಲಿಯಾಖತ್ ಆಲಿಯವರ ಚಿತ್ರಪ್ರದರ್ಶನವನ್ನು ಶ್ಲಾಘಿಸಿದರು.

ಈ ಸಂದರ್ಭದಲ್ಲಿ ಲಿಯಾಖತ್ ಆಲಿ, ನರಸಿಂಹ ಮೂರ್ತಿ ,ಅನಂತ್ ಶೇಟ್, ಮೊಹನ್ ಕೃಷ್ಣ ಸುಧೀಂದ್ರ ಭಂಡಾರಿ , ಕರಮತ್ ಆಲಿ, ಗುರುರಾಜ್ ಎಂ ಶೇಟ್,ಅಶ್ವಿನಿ ಭಟ್ , ಅಧಿಬ ಆಲಿ ಮತ್ತು ಕುಟುಂಬಸ್ಥರು , ಸಾರ್ವಜನಿಕರು , ನೂರಾರು ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು.