ಫ್ರಿಜ್ ನಲ್ಲಿ ಕೆಲವೊಂದು ಆಹಾರ ಪದಾರ್ಥಗಳನ್ನಿರಿಸಿದರೆ ಅವು ಆರೋಗ್ಯಕ್ಕೆ ಮಾರಕವಾಗುವ ಸಾಧ್ಯತೆ ಇದೆ. ಯಾವುದೆಲ್ಲಾ ವಸ್ತುಗಳನ್ನು ಫ್ರಿಜ್ ನಲ್ಲಿಡಬಾರದು, ಅಥವ ಇಡಬಹುದು ಎಂಬುದನ್ನು ನಾವಿಲ್ಲಿ ಚರ್ಚಿಸೋಣ.
ಅಪ್ಪಿತಪ್ಪಿಯೂ ಮೊಟ್ಟೆಗಳನ್ನು ಫ್ರಿಜ್ನಲ್ಲಿ ಇಡಬಾರದೆಂಬುದು ತಪ್ಪು ಕಲ್ಪನೆ. ವಾಸ್ತವವಾಗಿ, ಮೊಟ್ಟೆಗಳನ್ನು ಫ್ರಿಜ್ನಲ್ಲಿ ಇಡುವುದರಿಂದ ಅವು ಹೆಚ್ಚು ದಿನ ತಾಜಾ ಆಗಿರುತ್ತವೆ. ತಂಪಾದ ವಾತಾವರಣದಲ್ಲಿ ಬ್ಯಾಕ್ಟೀರಿಯಾಗಳ ಬೆಳವಣಿಗೆ ಕಡಿಮೆಯಾಗುತ್ತದೆ ಮತ್ತು ಮೊಟ್ಟೆ ಬೇಗ ಕೆಡುವುದಿಲ್ಲ.
ಶುಂಠಿಯನ್ನು ಫ್ರಿಜ್ನಲ್ಲಿ ಇಡುವಾಗ ತೇವಾಂಶ ಜಾಸ್ತಿಯಾದರೆ ಅದರ ಮೇಲೆ ಅಚ್ಚು ಬೀಳಬಹುದು. ಆದರೆ ಒಣಗಿಸಿ ಸರಿಯಾಗಿ ಮುಚ್ಚಿದ ಡಬ್ಬಿಯಲ್ಲಿ ಇಟ್ಟರೆ ಅದು ಸುರಕ್ಷಿತವಾಗಿರುತ್ತದೆ. ಶುಂಠಿಯ ಸ್ವಾದ ಮತ್ತು ವಾಸನೆ ಸ್ವಲ್ಪ ಕಡಿಮೆಯಾಗಬಹುದು, ಆದರೆ ಅದು ವಿಷಕಾರಿ ಆಗುವುದಿಲ್ಲ.
ಬೆಳ್ಳುಳ್ಳಿ ತೇವಾಂಶವನ್ನು ಬೇಗ ಹೀರಿಕೊಳ್ಳುತ್ತದೆ. ಆದ್ದರಿಂದ ಅದನ್ನು ಒಣ, ತಂಪಾದ ಹಾಗೂ ಗಾಳಿ ಹೋಗುವ ಸ್ಥಳದಲ್ಲಿ ಇಡುವುದು ಉತ್ತಮ. ಫ್ರಿಜ್ನಲ್ಲಿ ಇಟ್ಟರೆ ಬೆಳ್ಳುಳ್ಳಿ ಮೊಳಕೆ ಬಿಟ್ಟು ಅದರ ಗುಣಮಟ್ಟ ಕಡಿಮೆಯಾಗಬಹುದು.ಹಾಗಾಗಿ ಇಡದಿರುವುದೇ ಉತ್ತಮ.
ಆಲೂಗಡ್ಡೆಯನ್ನು ಫ್ರಿಜ್ನಲ್ಲಿ ಇಟ್ಟರೆ ಅದರ ರುಚಿಯಲ್ಲಿ ಬದಲಾವಣೆ ಆಗಬಹುದು. ಆದ್ದರಿಂದ ಅವುಗಳನ್ನು ತೆರೆದ ಬುಟ್ಟಿಯಲ್ಲಿ, ತಂಪಾದ ಮತ್ತು ಒಣ ಸ್ಥಳದಲ್ಲಿ ಇಡುವುದು ಉತ್ತಮ.
ಈರುಳ್ಳಿಯೂ ತೇವಾಂಶಕ್ಕೆ ತುಂಬಾ ಸೂಕ್ಷ್ಮ. ಫ್ರಿಜ್ನಲ್ಲಿಟ್ಟರೆ ಬೇಗ ಕೊಳೆಯುವ ಸಾಧ್ಯತೆ ಇರುತ್ತದೆ. ಅದಕ್ಕಾಗಿ ಈರುಳ್ಳಿಯನ್ನು ಗಾಳಿ ಹರಿಯುವ ಒಣ ಜಾಗದಲ್ಲಿ ಸಂಗ್ರಹಿಸುವುದು ಉತ್ತಮ.ಫ್ರಿಡ್ ನಲ್ಲಿ ಇಡದಿದ್ದರೆ ಬೆಸ್ಟ್.
ಟೊಮೆಟೊಗಳನ್ನು ಫ್ರಿಜ್ನಲ್ಲಿ ಇಟ್ಟರೆ ಅವುಗಳ ರುಚಿ, ವಿನ್ಯಾಸ ಮತ್ತು ಸುವಾಸನೆ ಕಡಿಮೆಯಾಗುತ್ತದೆ. ಆದ್ದರಿಂದ ಟೊಮೆಟೊಗಳನ್ನು ಕೋಣೆಯ ತಾಪಮಾನದಲ್ಲೇ ಇಡುವುದು ಒಳ್ಳೆಯದು.
