ಮಂಗಳೂರು: ಸೈಬರ್ ಕಳ್ಳರು ಆಧಾರ್ ಬಯೋಮೆಟ್ರಿಕ್ ದತ್ತಾಂಶಗಳನ್ನು ಕದ್ದು ನಂತರ ಜನರ ಬ್ಯಾಂಕ್ ಖಾತೆಯಲ್ಲಿದ್ದ ಹಣವನ್ನು ಒಟಿಪಿ ಇಲ್ಲದೆಯೇ ಎಗರಿಸುತ್ತಿರುವ ಘಟನೆ ನಗರದಲ್ಲಿ ವರದಿಯಾಗುತ್ತಿದೆ.

ಹೊಸ ಆಸ್ತಿ ನೋಂದಣಿಗೆ ಅರ್ಜಿ ಸಲ್ಲಿಸಿದ ಕೆಲವೇ ದಿನಗಳಲ್ಲಿ ಹಲವರು ತಮ್ಮ ಆಧಾರ್ ಗೆ ಲಿಂಕ್ ಮಾಡಿದ ಬ್ಯಾಂಕ್ ಖಾತೆಯಿಂದ ತಲಾ 10,000 ರೂ ಕಳೆದುಕೊಂಡಿದ್ದಾರೆ. ಇಲ್ಲಿನ ಸಬ್ ರಿಜಿಸ್ಟ್ರಾರ್ ಕಚೇರಿಯಲ್ಲಿ ಆಸ್ತಿ ನೋಂದಣಿಗಾಗಿ ಬಯೋಮೆಟ್ರಿಕ್ಸ್ ಮತ್ತು ಆಧಾರ್ ಎನೇಬಲ್ಡ್ ಪೇಮೆಂಟ್ ಸಿಸ್ಟಮ್ (ಎಇಪಿಎಸ್) ವಿವರಗಳನ್ನು ತೆಗೆದುಕೊಂಡ ನಂತರ ಅನೇಕರು ಇದೇ ರೀತಿ ಹಣವನ್ನು ಕಳೆದುಕೊಂಡಿದ್ದಾರೆ

ತಲಾ 10 ಸಾವಿರ ರೂಪಾಯಿ ಕಳೆದುಕೊಂಡಿರುವ ನಗರದ ಶಕ್ತಿನಗರದ ಲೋಕೇಶ್ ಮತ್ತು ಅವರ ಪತ್ನಿ ಹಾಗೂ ಇನ್ನೊಬ್ಬ ಸಂತ್ರಸ್ತ ರೋಹಿತ್ ತಮ್ಮ ಆಧಾರ್ ಲಿಂಕ್ ಮಾಡಿದ ಬ್ಯಾಂಕ್ ಖಾತೆಯಿಂದ ಹಣ ಕಳವಾಗಿದೆ ಎಂದು ದೂರು ದಾಖಲಿಸಿದ್ದಾರೆ. ಈ ಸಂಬಂಧ ನಗರ ಸೈಬರ್ ಕ್ರೈಂ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

ಇದೇ ರೀತಿ ಜಾಗ ಖರೀದಿ ಬಗ್ಗೆ ಸಬ್ ರಿಜಿಸ್ಟ್ರಾರ್ ಕಚೇರಿಯಲ್ಲಿ ನೋಂದಣಿ ಮಾಡಿಕೊಂಡ ಬಹುತೇಕರು ಯಾವುದೇ ಸಂದೇಶ ಅಥವಾ ಒಟಿಪಿ ವಿನಂತಿ ಇಲ್ಲದೆಯೇ ತಮ್ಮ ಬ್ಯಾಂಕುಗಳಿಂದ ಹಣ ಕಳೆದುಕೊಂಡಿದ್ದಾರೆ. ಹಣವನ್ನು ಕಳೆದುಕೊಳ್ಳುವ ಕೇವಲ 10 ದಿನಗಳ ಮೊದಲು ಸಂತ್ರಸ್ತರು ತಮ್ಮ ಬೆರಳಚ್ಚು, ಆಧಾರ್ ಸಂಖ್ಯೆ ಮತ್ತು ಬ್ಯಾಂಕ್ ವಿವರಗಳನ್ನು ಹೊಸ ಆಸ್ತಿ ನೋಂದಣಿಗಾಗಿ ಉಪ-ನೋಂದಣಿ ಕಚೇರಿಯಲ್ಲಿ ಸಲ್ಲಿಸಿದ್ದರು ಎಂದು ಮಾಹಿತಿ ನೀಡಿದ್ದಾರೆ.

ವಂಚಕರು AePS ಮೋಡ್ ಅಡಿಯಲ್ಲಿ ಹಣ ವರ್ಗಾವಣೆ ಮಾಡಿಕೊಂಡಿದ್ದಾರೆ.

ಸೈಬರ್ ಭದ್ರತಾ ತಜ್ಞ ಡಾ.ಅನಂತ್ ಪ್ರಭು ಅವರ ಪ್ರಕಾರ, ವಂಚಕರು ಭೂ ನೋಂದಣಿ ಇಲಾಖೆಯ ದಾಖಲೆಗಳಿಂದ ಬೆರಳಚ್ಚು ಪಡೆದು ನಕಲಿ ಮಾಡಿರುವ ಸಾಧ್ಯತೆ ಇದೆ. ವಂಚಕರು ಆಧಾರ್ ವಿವರಗಳು, ಫಿಂಗರ್‌ಪ್ರಿಂಟ್‌ಗಳು ಮತ್ತು ಬ್ಯಾಂಕ್ ಖಾತೆಗೆ ಪ್ರವೇಶವನ್ನು ಹೊಂದಿದ್ದರೆ ಹಣವನ್ನು ಸೈಫನ್ ಮಾಡುವುದು ಸುಲಭವಾಗಿದೆ. AePS ಮೋಡ್ ಅಡಿಯಲ್ಲಿ, ಮೈಕ್ರೋ ATM ನಲ್ಲಿ ಆಧಾರ್ ಸಂಖ್ಯೆಯನ್ನು ನಮೂದಿಸಲಾಗುತ್ತದೆ ಮತ್ತು ಬಯೋಮೆಟ್ರಿಕ್ ವಿವರಗಳನ್ನು ಸಲ್ಲಿಸಲಾಗುತ್ತದೆ. ಆಧಾರ್-ಲಿಂಕ್ ಮಾಡಲಾದ ಬ್ಯಾಂಕ್ ಖಾತೆಯಿಂದ, ಪಾವತಿಯನ್ನು ಮಾಡಲಾಗುತ್ತದೆ ಮತ್ತು ಈ ಮೋಡ್‌ನಲ್ಲಿ ದೈನಂದಿನ ಮಿತಿ 10,000 ರೂಗಳಾಗಿರುತ್ತದೆ.

AePS ಮೋಡ್‌ಗೆ ಎರಡು ಅಂಶದ ಪಾಸ್‌ವರ್ಡ್ ಅಥವಾ OTP ದೃಢೀಕರಣವನ್ನು ಸಕ್ರಿಯಗೊಳಿಸಲು ಸರ್ಕಾರಕ್ಕೆ ಮನವಿ ಮಾಡುವ ಬಗ್ಗೆ ತಿಳಿಸಿರುವ ಅವರು, ಹಣಕಾಸು ಸಚಿವಾಲಯವು ಪ್ರತಿ ಬಳಕೆದಾರರಿಗೆ ಸ್ಥಳ ಡೇಟಾದೊಂದಿಗೆ ಹೆಚ್ಚಿನ ರೆಸಲ್ಯೂಶನ್ ಫೋಟೋವನ್ನು ಖಚಿತಪಡಿಸಿಕೊಳ್ಳಬೇಕು. SMS ಬದಲಿಗೆ, ಖಾತೆದಾರರು ವಹಿವಾಟು ದೃಢೀಕರಿಸುವ ಮೊದಲು ತ್ವರಿತ IVR ಕರೆಯನ್ನು ಪಡೆಯಬೇಕು. ಆಧಾರ್ ಪೋರ್ಟಲ್‌ಗೆ ಲಾಗ್ ಇನ್ ಮಾಡುವ ಮೂಲಕ ಬಯೋಮೆಟ್ರಿಕ್ ವೈಶಿಷ್ಟ್ಯವನ್ನು ಲಾಕ್ ಮಾಡುವ ಆಯ್ಕೆಯೂ ಇದೆ ಎಂದಿದ್ದಾರೆ.

ಬಹಳಷ್ಟು ಜನರು ತಮ್ಮನ್ನು ಭೇಟಿಯಾಗಿ ಹಣ ಕಳೆದುಕೊಂಡಿರುವ ಬಗ್ಗೆ ದೂರು ನೀಡಿದ್ದಾರೆ. ತನಿಖೆ ನಡೆಯುತ್ತಿದೆ, ದತ್ತಾಂಶ ಉಲ್ಲಂಘನೆ ಎಲ್ಲಿ ನಡೆದಿದೆ ಎಂಬುದು ಇನ್ನೂ ದೃಢಪಟ್ಟಿಲ್ಲ ಎಂದು ಮಂಗಳೂರು ನಗರ ಪೊಲೀಸ್ ಕಮಿಷನರ್ ಅನುಪಮ್ ಅಗರ್ವಾಲ್ ಹೇಳಿದ್ದಾರೆ.

ಮಂಗಳೂರಿನ ಹಿರಿಯ ಸಬ್ ರಿಜಿಸ್ಟ್ರಾರ್ ಕವಿತಾ ಪ್ರತಿಕ್ರಿಯಿಸಿ ಇನ್ನೂ ಯಾವುದೇ ಲಿಖಿತ ದೂರು ಬಂದಿಲ್ಲ. ಆದರೆ ಮಂಗಳೂರು ನಗರ ಪೊಲೀಸರು ಸೆಪ್ಟೆಂಬರ್ 21 ರಂದು ಕಚೇರಿಗೆ ಭೇಟಿ ನೀಡಿ ದೂರು ದಾಖಲಿಸಿದ ನಂತರ ಮಾಹಿತಿಯನ್ನು ಪರಿಶೀಲಿಸಲಾಗಿದೆ. ಹಣ ಕಳೆದುಕೊಂಡವರಿಂದ ಲಿಖಿತ ದೂರುಗಳು ಬಂದ ನಂತರ ಪರಿಶೀಲನೆ ನಡೆಸುವುದಾಗಿ ಹೇಳಿದ್ದಾರೆ ಎಂದು ಮಾಧ್ಯಮ ವರದಿಗಳಾಗಿವೆ.