ಸಿಜ್ಲಿಂಗ್ ಗೈಸ್ ಡ್ಯಾನ್ಸ್ ಅಕಾಡೆಮಿಯ ಸಹಯೋಗದೊಂದಿಗೆ ಡ್ರೀಮ್ ಕ್ಯಾಚರ್ಸ್ ಈವೆಂಟ್ಸ್ ವತಿಯಿಂದ ‘ಮಂಗಳೂರು ಗಾಟ್ ಟ್ಯಾಲೆಂಟ್-ಸೀಸನ್ 2’ ಅನ್ನು ಆಗಸ್ಟ್14 ಭಾನುವಾರದಂದು ಡೊಂಗರಕೇರಿಯ ಭುವನೇಂದ್ರ ಸಭಾ ಭವನದಲ್ಲಿ ಆಯೋಜಿಸಲಾಗಿತ್ತು.

ಗೌರವ ಅತಿಥಿಯಾಗಿ ಭಾಗವಹಿಸಿದ್ದ ಯೂಟ್ಯೂಬರ್ ಶರಣ್ ಚಿಲಿಂಬಿ ಕಾರ್ಯಕ್ರಮವನ್ನು ಉದ್ಘಾಟಿಸಿದರು. ಸನ್ ಪ್ರೀಮಿಯಂ ರಿಫೈಂಡ್ ಸನ್ ಫ್ಲವರ್ ಆಯಿಲ್ ನ  ಅಮರೇಶ್, ಅರ್ಥ ಹೋಂಡಾ ಸಿಬ್ಬಂದಿ, ಸ್ಪೋರ್ಟ್ಸ್ ಡೆನ್ ಪ್ರೊಪ್ರೈಟರ್ ಗಣೇಶ್ ಕಾಮತ್, ಸಿಜ್ಲಿಂಗ್ ಗೈಸ್ ನೃತ್ಯ ತಂಡದ ಪ್ರೊಪ್ರೈಟರ್ ಶುಭಕಿರಣ್ ಮಣಿ ಹಾಗೂ ತೀರ್ಪುಗಾರರಾದ ಕಿಶೋರ್ ಅಮನ್ ಶೆಟ್ಟಿ, ಹೇರಾ ಪಿಂಟೋ, ಸೂರಜ್ ಸನಿಲ್, ಗೌರಿ ಸುಹಾಸ್ ರಾವ್, ಡಾ ವೈಷ್ಣವಿ ಕಿಣಿ ಮತ್ತು ಅರುಣ್ ರಾಜ್ ಶೆಟ್ಟಿ ಉಪಸ್ಥಿತರಿದ್ದರು.

16 ರಿಂದ 70 ವರ್ಷ ವಯಸ್ಸಿನ 200 ಕ್ಕೂ ಹೆಚ್ಚು ಜನರು ಬೀಟ್‌ಬಾಕ್ಸಿಂಗ್, ಗುಂಪು ನೃತ್ಯ, ಕಣ್ಣುಮುಚ್ಚಿ ಚೆಸ್ ಆಟ, ಸ್ಪೀಡ್ ಪೈಂಟ್, ರಾಪಿಂಗ್, ಮ್ಯೂಸಿಕ್ ಬ್ಯಾಂಡ್ ಸೇರಿದಂತೆ ತಮ್ಮ ಪ್ರತಿಭೆಯನ್ನು ಪ್ರದರ್ಶಿಸಿದರು.

ಮಹಿಳಾ ದೌರ್ಜನ್ಯವನ್ನು ಆಧರಿಸಿದ ಗುಂಪು ನೃತ್ಯ ಪ್ರದರ್ಶಿಸಿದ ಟೀಂ ಕೊಲಿಷನ್ ನೃತ್ಯ ತಂಡವನ್ನು ವಿಜೇತರೆಂದು ಘೋಷಿಸಲಾಯಿತು. ಕ್ಲಾಸಿಕಲ್ ಬ್ಯಾಂಡ್‌ನೊಂದಿಗೆ ಸ್ಪೀಡ್ ಪೇಂಟಿಂಗ್ ಪ್ರದರ್ಶಿಸಿದ ಆರ್ಟ್‌ಬೀಟ್ಸ್ ಮೊದಲ ರನ್ನರ್ ಅಪ್ ಪ್ರಶಸ್ತಿ ಗೆದ್ದರೆ, ತುಳು ರಾಪಿಂಗ್‌ಗಾಗಿ ಹರ್ಷ ಸಿಂಘಾಲ ಎರಡನೇ ರನ್ನರ್ ಅಪ್ ಪ್ರಶಸ್ತಿ ಗೆದ್ದರು. ಡ್ಯುಯೆಟ್ ನಲ್ಲಿ ಕ್ಲೈವ್ ಅಲೆನ್ ಲೋಬೊ ಮತ್ತು ಗ್ಲೆನ್ ಫಿಲಿಪ್ ಸಿಕ್ವೇರಾ ಹಾಗೂ ರಿಯಾ ಚಂದ್ರ ಮತ್ತು ಅನಘಾ ಸಮಾಧಾನಕರ ಬಹುಮಾನಗಳನ್ನು ಪಡೆದರು.

ನಿಖಿಲ್ ಶೆಟ್ಟಿ ಮತ್ತು ಪಲ್ಲವಿ ದೇವಾಡಿಗ ಕಾರ್ಯಕ್ರಮವನ್ನು ನಿರೂಪಿಸಿದರು. ಡ್ರೀಮ್ ಕ್ಯಾಚರ್ಸ್ ಈವೆಂಟ್‌ಗಳ ಪ್ರಾಪ್ರಿಟ್ರಿಕ್ಸ್, ಕಾರ್ಯಕ್ರಮದ ಆಯೋಜಕರಾದ ಪೃಥ್ವಿ ಗಣೇಶ್ ಕಾಮತ್ ವಂದಿಸಿದರು.

ಈ ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಲು ಸಹಕರಿಸಿದ ಪ್ರಾಯೋಜಕರಾದ ಸನ್‌ಪ್ರೀಮಿಯಂ ರಿಫೈನ್ಡ್ ಸನ್‌ಫ್ಲವರ್ ಆಯಿಲ್, ಸೇಂಟ್ ಜಾರ್ಜ್ಸ್ ಹೋಮಿಯೋಪತಿ, ಅರ್ಥಾ ಹೋಂಡಾ ಮತ್ತು ಪ್ರೊಫೆಷನಲ್ ಕೊರಿಯರ್ ಇವರನ್ನು ಅಭಿನಂದಿಸಲಾಯಿತು.