ಚಾಮರಾಜನಗರ: ಜಿಲ್ಲೆಯಲ್ಲಿ ಹೆಚ್ಚುತ್ತಿರುವ ಬಿಸಿಗಾಳಿಯ ಹಿನ್ನೆಲೆಯಲ್ಲಿ ಚಾಮರಾಜನಗರ ಜಿಲ್ಲಾಧಿಕಾರಿ ರೂಪಾ ಮುಖ್ಯವಾಗಿ ವಿದ್ಯಾರ್ಥಿಗಳ ಆರೋಗ್ಯವನ್ನು ಗಮನದಲ್ಲಿಟ್ಟುಕೊಂಡು ಸಮವಸ್ತ್ರದಲ್ಲಿ ಕೋಟು, ಟೈಗಳನ್ನು ಕಡ್ಡಾಯ ಮಾಡದಂತೆ ಶಾಲೆಗಳಿಗೆ ಸೂಚಿಸಿದ್ದಾರೆ. ಅಲ್ಲದೇ ಬೇಸಿಗೆಯಲ್ಲಿ ಮಕ್ಕಳ ಆರೋಗ್ಯಕ್ಕಾಗಿ ಆದೇಶ ಹೊರಡಿಸಿದ್ದಾರೆ.

ಈ ಆದೇಶದ ಪ್ರಮುಖ ಅಂಶಗಳು ಹೀಗಿವೆ

• ಶಾಲೆಗಳಲ್ಲಿ ಬ್ಲೇಸರ್ ಮತ್ತು ಟೈ ಕಡ್ಡಾಯ ನಿಯಮ ತಕ್ಷಣದಿಂದಲೇ ಸಡಿಲಿಕೆ
• ವಿದ್ಯಾರ್ಥಿಗಳು ಹಗುರ ಮತ್ತು ಆರಾಮದಾಯಕ ಉಡುಪು ಧರಿಸಲು ಅವಕಾಶ
• ಶಾಲೆಗಳು ಶುದ್ಧ ಕುಡಿಯುವ ನೀರಿನ ವ್ಯವಸ್ಥೆಯನ್ನು ಕಡ್ಡಾಯವಾಗಿ ಒದಗಿಸಬೇಕು
• ಬಿಸಿಗಾಳಿಯಿಂದ ಮಕ್ಕಳಿಗೆ ತೊಂದರೆ ಆಗದಂತೆ ಅಗತ್ಯ ಮುನ್ನೆಚ್ಚರಿಕೆ ಕ್ರಮಗಳು
• ನಿಯಮಗಳನ್ನು ಪಾಲಿಸದ ಸಂಸ್ಥೆಗಳ ವಿರುದ್ಧ ಕಠಿಣ ಕ್ರಮದ ಎಚ್ಚರಿಕೆ

ಇದು ವಿಶೇಷವಾಗಿ ಈಗಿನ ಬಿಸಿಗಾಳಿ Heat Wave ಪರಿಸ್ಥಿತಿಯಲ್ಲಿ ಬಹಳ ಉಪಯುಕ್ತ ನಿರ್ಧಾರ. ಹೆಚ್ಚಿದ ತಾಪಮಾನದಿಂದ ಮಕ್ಕಳಿಗೆ ದೇಹದ ದ್ರವ್ಯ ನಷ್ಟ, ದೌರ್ಬಲ್ಯ, ಹೀಟ್ ಸ್ಟ್ರೋಕ್ ಮೊದಲಾದ ಸಮಸ್ಯೆಗಳು ಉಂಟಾಗುವ ಸಾಧ್ಯತೆ ಇದೆ. ಆದ್ದರಿಂದ ಹಗುರ ಉಡುಪು, ಸಾಕಷ್ಟು ನೀರು ಮತ್ತು ವಿಶ್ರಾಂತಿ ತುಂಬಾ ಅಗತ್ಯ.

ಇಂತಹ ಕ್ರಮಗಳು ಬೇರೆ ಜಿಲ್ಲೆಗಳಲ್ಲೂ ಅದರಲ್ಲೂ ಕರಾವಳಿ ಜಿಲ್ಲೆಗಳಾದ ಉಡುಪಿ, ದಕ್ಷಿಣ ಕನ್ನಡ ಮತ್ತು ಉತ್ತರ ಕನ್ನಡಗಳಲ್ಲಿ ಕಡ್ಡಾಯವಾಗಿ ಜಾರಿಗೆ ಬಂದರೆ ಮಕ್ಕಳ ಸುರಕ್ಷತೆಗೆ ಇನ್ನಷ್ಟು ಸಹಾಯವಾಗಬಹುದು.