ಉಡುಪಿ: ಕನ್ನರ್ಪಾಡಿ ಶ್ರೀ ಜಯದುರ್ಗಪರಮೇಶ್ವರೀ ದೇವಸ್ಥಾನದಲ್ಲಿ ಅಷ್ಟಬಂಧ ಬ್ರಹ್ಮಕುಂಭಾಭಿಷೇಕದ ತದಂಗವಾಗಿ ಎ.8 ರಂದು ಕೋಟಿ ಕುಂಕುಮಾರ್ಚನೆ ಸೇವೆಯು ನೆರವೇರಲಿದ್ದು, ಮಧ್ಯಾಹ್ನ ಹಾಲು ಪಾಯಸ ಸಹಿತ ಸಾರ್ವಜನಿಕ ಅನ್ನಸಂತರ್ಪಣೆ ನಡೆಯಲಿದೆ.

ಸಾಂಸ್ಕೃತಿಕ ಕಾರ್ಯಕ್ರಮದ ಅಂಗವಾಗಿ ಮಧ್ಯಾಹ್ನ 12:30 ರಿಂದ ಭಕ್ತಿ ಸಂಗೀತ, ಸಂಜೆ 6:30 ರಿಂದ ತಾಳಮದ್ದಳೆ, ರಾತ್ರಿ 9ರಿಂದ ‘ಆನಿದ ಮನದಾನಿ’ ತುಳು ಹಾಸ್ಯಮಯ ನಾಟಕ ಪ್ರದರ್ಶನ ನಡೆಯಲಿದೆ.

ಜಿಲ್ಲೆಯಲ್ಲಿಯೇ ಪ್ರಥಮ ಬಾರಿಗೆ ನಡೆಯುತ್ತಿರುವ ಕೋಟಿ ಕುಂಕುಮಾರ್ಚನೆ ಸೇವೆಯು ಮಾ.11ರಂದು ಆರಂಭಗೊಂಡಿದ್ದು ಎ.8 ರಂದು ಸಮಾಪನಗೊಳ್ಳಲಿದೆ.

ಎಂದು ಜೀರ್ಣೋದ್ದಾರ ಸಮಿತಿ ಕೋಶಾಧಿಕಾರಿ ಕೆ. ಕೃಷ್ಣಮೂರ್ತಿ ಆಚಾರ್ಯ ತಿಳಿಸಿದ್ದಾರೆ.