ನವದೆಹಲಿ: ಜೂನ್ 1 ರಿಂದ ತಕ್ಷಣಕ್ಕೆ ಜಾರಿಗೆ ಬರುವಂತೆ ವಾಣಿಜ್ಯ ಎಲ್‌ಪಿಜಿ ಸಿಲಿಂಡರ್ ಬೆಲೆಯಲ್ಲಿ 135 ರೂ ಕಡಿತ ಮಾಡಲಾಗಿದೆ. ಬುಧವಾರ ಬೆಳಗ್ಗೆ 19 ಕೆಜಿ ವಾಣಿಜ್ಯ ಎಲ್‌ಪಿಜಿ ಸಿಲಿಂಡರ್‌ನ ಬೆಲೆಯನ್ನು ಪ್ರತಿ ಸಿಲಿಂಡರ್‌ಗೆ 135 ರೂ ನಷ್ಟು ಇಳಿಕೆಮಾಡಲಾಗಿದೆ. ಮೂರು ತಿಂಗಳ ಸತತ ಏರಿಕೆಯ ನಂತರ ವಾಣಿಜ್ಯ ಎಲ್‌ಪಿಜಿ ಸಿಲಿಂಡರ್‌ಗಳ ಬೆಲೆಯಲ್ಲಿ ಇದು ಮೊದಲನೆ ಇಳಿಕೆಯಾಗಿದೆ.

ಪ್ರತಿ ಸಿಲಿಂಡರ್‌ಗೆ ಈಗ ದೆಹಲಿಯಲ್ಲಿ 2,219 ರೂ., ಕೋಲ್ಕತ್ತಾದಲ್ಲಿ 2,322 ರೂ., ಮುಂಬೈನಲ್ಲಿ 2,171.50 ರೂ., ಮತ್ತು ಚೆನ್ನೈನಲ್ಲಿ 2373 ರೂ ಆಗಲಿದೆ. ವಾಣಿಜ್ಯ ಎಲ್‌ಪಿಜಿ ಸಿಲಿಂಡರ್‌ನ ಬೆಲೆಯನ್ನು ಏಪ್ರಿಲ್ 1 ರಂದು 250 ರೂ., ಮಾರ್ಚ್‌ನಲ್ಲಿ 105 ರೂ., ಮತ್ತು ಮೇ 1 ರಂದು ರೂ 102.50 ರಷ್ಟು ಹೆಚ್ಚಿಸಲಾಗಿತ್ತು. ಇದೀಗ ಮೂರು ತಿಂಗಳ ಬಳಿಕ 135 ರೂ ಕಡಿತ ಘೋಷಣೆ ಮಾಡುವ ಮೂಲಕ ಬೆಲೆ ಇಳಿಸಲಾಗಿದೆ.

ಗೃಹಬಳಕೆಯ ಎಲ್‌ಪಿಜಿ ಸಿಲಿಂಡರ್‌ ದರದಲ್ಲಿ ಯಾವುದೇ ಬದಲಾವಣೆ ಇಲ್ಲ.