ಸೋಮವಾರ ರಾತ್ರಿ ಸಿದ್ದಾರ್ಥ್​ ನಾಪತ್ತೆಯಾಗಿದ್ದರು. ನೇತ್ರಾವತಿ ನದಿಯಲ್ಲಿ ಸತತ 36 ಗಂಟೆಗಳ ಕಾಲ ಶೋಧ ಕಾರ್ಯ ನಡೆಸಿದ ಬಳಿಕ ಬುಧವಾರ ಬೆಳಗ್ಗೆ ಮಂಗಳೂರಿನ ಹೊಯ್ಗೆ ಬಜಾರ್​ ಮಂಜುಗಡ್ಡೆ ಸ್ಥಾವರದ ಬಳಿ ಅವರ ಮೃತದೇಹ ಪತ್ತೆಯಾಗಿದೆ.

ಮಂಗಳವಾರ ಬೆಳಗ್ಗೆ ಕರಾವಳಿ ರಕ್ಷಣಾ ಪಡೆಯ ಹೋವರ್ ಕ್ರಾಫ್ಟ್ ನೇತ್ರಾವತಿ ಸೇತುವೆಯ ಕೆಳಭಾಗ, ನೇತ್ರಾವತಿ ನದಿ, ಅಳಿವೆ ಬಾಗಿಲು ಮುಂತಾದೆಡೆ ಶೋಧಕಾರ್ಯ ನಡೆಸಿದ್ದವು.ನೇತ್ರಾವತಿ ನದಿಯಲ್ಲಿ ಮಳೆಯ ಒರತೆ ಹೆಚ್ಚಾಗಿದ್ದುದರಿಂದ ಕಾರ್ಯಾಚಾರಣೆಗೆ ತೊಡಕಾಗಿತ್ತು.ಆದರೆ ಸತತವಾದ ಕಾರ್ಯಾಚರಣೆ ನಡೆಸಿದ ಬೆನ್ನಲ್ಲೇ ಮೃತದೇಹ ಪತ್ತೆಯಾಗಿದೆ.