ನವದೆಹಲಿ:ಮಸ್ಕ್,​ ಮೆಟಾದ ‘ವಾಟ್ಸ್​ಅಪ್’​ ರೀತಿಯಲ್ಲೇ ವಿಡಿಯೋ ಕಾಲ್​ ಮತ್ತು ವಾಯ್ಸ್​ ಕಾಲ್​ ಫೀಚರ್ ಅನ್ನು ತಯಾರಿಸಲು ಮುಂದಾಗಿದೆ ಹಲವು ಹೊಸ ಬೆಳವಣಿಗೆ ಮತ್ತು ಬಳಕೆದಾರರ ಸ್ನೇಹಿಯಾಗಲು ಸಂದೇಶವಾಹರ ಎಕ್ಸ್​​ ಮುಂದಾಗುತ್ತಿದೆ. ಎಕ್ಸ್​ ಇದೀಗ ಮತ್ತೊಂದು ಹೊಸ ವೈಶಿಷ್ಟ್ಯವನ್ನು ಪರಿಚಯಿಸಿದೆ.

ಸಿಎನ್​ಬಿಸಿಗೆ ಈ ಕುರಿತು ಮಾತನಾಡಿರುವ ಎಕ್ಸ್​ ಕಾರ್ಪ್​ ಸಿಇಒ ಲಿಂಡಾ ಯಾಕರಿನೊ, ನಿಮ್ಮ ಫೋನ್​ ನಂಬರ್​ ನೀಡದೇ ಎಕ್ಸ್​ನಲ್ಲಿರುವ ನಿಮ್ಮ ಸ್ನೇಹಿತರಿಗೆ ಇದೀಗ ವಿಡಿಯೋ ಚಾಟ್​ ಮಾಡಿ ಮಾತನಾಡಬಹುದು ಎಂದಿದ್ದಾರೆ. ಇದೇ ವೇಳೆ ಅವರು ಜಾಲತಾಣದಲ್ಲಿ ದೀರ್ಘ ವಿಡಿಯೋ ಮತ್ತು ಬಳಕೆದಾರರ ಸಬ್​ಸ್ಕ್ರಿಪ್ಷನ್​ ಮತ್ತು ಡಿಜಿಟಲ್​ ಪೇಮೆಂಟ್​ಗಳ ಕುರಿತು ಮಾತನಾಡಿದ್ದಾರೆ.

ಅದುವೇ ವಿಡಿಯೋ ಕಾಲ್​. ಚೀನಾದ ‘ವಿ ಚಾಟ್​ನಂತೆ ಎವರಿಥಿಂಗ್​ ಆಯಪ್’ ಮಾದರಿಯಲ್ಲಿ ​ ಗುರಿಯಾಗಿಸಿಕೊಂಡು ಈ ಹೊಸ ಫೀಚರ್​ ಪರಿಚಯಿಸುತ್ತಿದೆ. ಅದರ ಅನುಸಾರ ಮೈಕ್ರೋಬ್ಲಾಗಿಂಗ್​ ತಾಣವಾಗಿರುವ ಎಕ್ಸ್​ನಲ್ಲಿ ಇದೀಗ ವಿಡಿಯೋ ಕಾಲ್​ ಆಯ್ಕೆಯನ್ನು ಬಳಕೆದಾರರಿಗೆ ಶೀಘ್ರವಾಗಿ ನೀಡುವುದಾಗಿ ಎಕ್ಸ್​ ಸಿಇ ಯಾಕೊರಿನೊ ತಿಳಿಸಿದ್ದಾರೆ.

ಹಕ್ಕಿಯ ಲೋಗೊ ಬದಲಾಗಿ ಎಕ್ಸ್​ ಎಂಬ ಲೋಗವನ್ನು ಡಿಸೈನ್​ ಮಾಡಿರುವ ಆಯಂಡ್ರೆ ಕೊನ್ವೆ ಕೂಡ ‘ಯಾರನ್ನೋ ಸುಮ್ಮನೆ ಎಕ್ಸ್​ ಕರೆದಿದೆ’ ಟ್ವೀಟ್​ ಮೂಲಕ ಈ ವಿಡಿಯೋ ಕರೆಯ ಆಪ್ಷನ್​ ನೀಡುವ ಸುಳಿವನ್ನು ಈ ಮೂಲಕ ನೀಡಿದ್ದರು. ಇದೀಗ ಸಿಇಒ ಯಾಕೊರಿನೊ ವಾಯ್ಸ್​ ಕಾಲ್ಸ್​ ಅಥವಾ ವಿಡಿಯೋ ಕಾಲ್​​ ಅಥವಾ ಎರಡನ್ನು ಎಕ್ಸ್​ ಮೈಕ್ರೋಬ್ಲಾಗಿಂಗ್​ನಲ್ಲಿ ಅಳವಡಿಸುವ ಸುಳಿವನ್ನು ನೀಡಿದ್ದಾರೆ.

ಈ ಕುರಿತು ಪೋಡೊಕಾಸ್ಟ್​ನಲ್ಲಿ ಮಾತನಾಡಿದ್ದ ಅವರು, ಟ್ವಿಟರ್​​ ತಂತ್ರಜ್ಞಾನವನ್ನು ಮತ್ತಷ್ಟು ವೇಗಗೊಳಿಸಲು 3ರಿಂದ 5 ವರ್ಷ ಬೇಕಾಗಬಹುದು ಎಂದು ಏಣಿಸಿದ್ದೆ. ಆದರೆ ಇದು ತಪ್ಪು ಎಂದಿದ್ದರು. ಟ್ವಿಟರ್​ ಖರೀದಿ ಬಳಿಕ ಮಸ್ಕ್​ ಉದ್ಯೋಗ ಕಡಿತದಿಂದ ಬ್ಲೂಟಿಕ್​ ಚಂದಾದಾರಿಕೆವರೆಗೆ ಹಲವು ಪ್ರಕ್ರಿಯೆಗಳನ್ನು ನಡೆಸುತ್ತಲೇ ಬರುತ್ತಿದ್ದಾರೆ.ಮಾಸ್ಕ್​ ಯಾವಾಗಲೂ ಚೀನಾದ ವಿಚಾಟ್​​ನಂತೆ ಎಲ್ಲವೂ ಹೊಂದಿರುವ ಆಯಪ್​ ಆಗಿ ಟ್ವಿಟರ್​ ಅನ್ನು ರೂಪಿಸಲು ಇಚ್ಛೆ ಹೊಂದಿದ್ದರು. ಟ್ವಿಟರ್​ ಅನ್ನು ಖರೀದಿಸುವ ಮೂಲಕ ಅದರಲ್ಲಿ ಎಲ್ಲ ತಂತ್ರಜ್ಞಾನದ ಸೌಲಭ್ಯ ಬಳಕೆದಾರರಿಗೆ ಒಂದೇ ತಾಣದಲ್ಲಿ ಸಿಗುವಂತೆ ರೂಪಿಸುವುದಾಗಿ ಕಳೆದ ಅಕ್ಟೋಬರ್​ನಲ್ಲಿ ಘೋಷಿಸಿದ್ದರು. ಇದೇ ಕಾರಣಕ್ಕೆ 44 ಬಿಲಿಯನ್​ ಕೊಟ್ಟು ಮಸ್ಕ್​ ಟ್ವಿಟರ್​​ ಖರೀದಿಸಿದ್ದರು.

ಇನ್ನು ಇವರ ನಡುವಿನ ಕೇಜ್​ ಫೈಟ್​ ಕುರಿತು ಕೂಡ ಪ್ರತಿಕ್ರಿಯಿಸಿರುವ ಯಾಕರಿನೊ, ಕೇಜ್​ ಮ್ಯಾಚ್​ ಒಂದು ವೇಳೆ ನಡೆದರೆ, ಮೊದಲ ಸಾಲಿನಲ್ಲೇ ಕುಳಿತು ಮಸ್ಕ್​ ತರಬೇತಿಯ ಕುರಿತು ನೋಡಲಾಗುವುದು ಎಂದು ಚಟಾಕಿ ಹಾರಿಸಿದ್ದಾರೆ.ವಾಟ್ಸ್​ಆಯಪ್​ಗೆ ಠಕ್ಕರ್​: ಈಗಾಗಲೇ ಮೆಟಾ ಮಾಲೀಕ ಮಾರ್ಕ್ ಜುಗರ್​ಬರ್ಗ್​ ಮತ್ತು ಟ್ವಿಟರ್​ ಮಾಲೀಕ ಮಸ್ಕ್​ ನಡುವಿನ ಶೀತಲ ಸಮರ ವಿಚಾರ ತಿಳಿಯದ ವಿಚಾರವೇನಲ್ಲ ಬಿಡಿ. ಮಸ್ಕ್​ ಎಕ್ಸ್​ಗೆ ಪ್ರತಿಯಾಗಿ ಟ್ವಿಟರ್​ ರೀತಿಯಲ್ಲೇ ‘ಥ್ರೆಡ್’​ ಅಯಪ್​ ಅನ್ನು ಇನ್​ಸ್ಟಾದಲ್ಲಿ ರೂಪಿಸಲಾಗಿತ್ತು. ಇದೀಗ ಮಸ್ಕ್​ ಮೆಟಾದ ‘ವಾಟ್ಸ್​ ಆಯಪ್​’​ ರೀತಿಯಲ್ಲೇ ವಿಡಿಯೋ ಕಾಲ್​ ಮತ್ತು ವಾಯ್ಸ್​ ಕಾಲ್​ ಫೀಚರ್​ ಅನ್ನು ರೂಪಿಸುವ ಮೂಲಕ ಅವರಿಗೆ ಎದುರಾಳಿಗೆ ಉತ್ತರ ನೀಡಲು ಸಜ್ಜಾಗಿದ್ದಾರೆ.