ಅಲೆವೂರು: ಸುಬೋಧಿನಿ ಶಾಲೆಯ ವಿದ್ಯಾರ್ಥಿಗಳಿಗೆ ಪುಸ್ತಕ ಮತ್ತು ಚಿತ್ರಕಲಾ ಪರಿಕರಗಳ ವಿತರಣೆ ಕಾರ್ಯಕ್ರಮ ಶಾಲೆಯಲ್ಲಿ ನಡೆಯಿತು. ಜೆನೆಸಿಸ್ ಇಂಡಸ್ಟ್ರೀಸ್, ನವನೀತ್ ಪ್ರಕಾಶಕರು, ಹಾಗೂ ಡೋಮ್ಸ್ ಕಂಪೆನಿ ಪ್ರಾಯೋಜಕತ್ವದಲ್ಲಿ ಮಕ್ಕಳಿಗೆ ಪರಿಕರ ವಿತರಿಸಲಾಯಿತು. ಜೆನೆಸಿಸ್ ಸಂಸ್ಥೆಯ ಸಿಎಫ್ಒ ಯು.ಎಲ್ ಆಚಾರ್ಯ, ಎಚ್.ಆರ್ ಮುಖ್ಯಸ್ಥೆ ಶ್ವೇತಾ ಕಾಮತ್ ಹಾಗೂ ನಿರ್ದೇಶಕಿ ನಿರಾಲಿ ಓರಾರ ವಿದ್ಯಾರ್ಥಿಗಳಿಗೆ ಶುಭಹಾರೈಸಿದರು.
ಎನ್.ಜಿ.ಒನ ಟ್ರಸ್ಟಿ ಅಮಿತ ಪೈ, ಶಾಲಾ ಆಡಳಿತ ಮಂಡಳಿಯ ಅಧ್ಯಕ್ಷೆ ವಾರಿಜ ಸುಂದರ ಶೆಟ್ಟಿ, ಶಾಲಾ ನಿವೃತ್ತ ಮುಖ್ಯ ಶಿಕ್ಷಕ ಶ್ಯಾಮರಾಯ ಆಚಾರ್ಯ, ಶಾಲಾ ಮೇಲುಸ್ತುವಾರಿ ಸಮಿತಿ ಅಧ್ಯಕ್ಷ ಶೇಖರ ಆಚಾರ್ಯ, ನಿವೃತ್ತ ಮುಖ್ಯ ಶಿಕ್ಷಕ ರಾಘವ ನಾಯ್ಕ್, ಶಾಲಾ ನಿವೃತ್ತ ಹಿರಿಯ ಶಿಕ್ಷಕ ವಸಂತ ಶೆಟ್ಟಿ ಉಪಸ್ಥಿತರಿದ್ದರು.
ಶಿಕ್ಷಕಿ ಮಮತಾ ಪ್ರಾರ್ಥಿಸಿದರು.
ಮುಖ್ಯ ಶಿಕ್ಷಕಿ ಪುಷ್ಪಲತಾ ಸ್ವಾಗತಿಸಿದರು, ಶಿಕ್ಷಕಿ ಶ್ರೀಲತಾ ವಂದಿಸಿದರು. ಶಿಕ್ಷಕಿ ರೇಖಾ ಕಾರ್ಯಕ್ರಮ ನಿರೂಪಿಸಿದರು.
