ಕೊಪ್ಪಳ: ಎನ್.ಡಿ.ಟಿ.ವಿ ಮತ್ತು ಫ್ರೀಡಂ ಆಪ್ ನಡೆಸುತ್ತಿರುವ “ಐಕಾನ್ಸ್ ಆಫ್ ಭಾರತ್” ಎಂಬ ರಿಯಾಲಿಟಿ ಶೋ ನಲ್ಲಿ ಜಿಲ್ಲೆಯ ಬಸಯ್ಯ ಹಿರೇಮಠ ಇವರು ರಾಷ್ಟ್ರೀಯ ಮಟ್ಟದಲ್ಲಿ”ಸರ್ವ ಶ್ರೇಷ್ಠ ಐಕಾನ್ ಆಫ್ ಭಾರತ್” ಎಂದು ಗುರುತಿಸಲ್ಪಟ್ಟಿದ್ದಾರೆ. ಬಸಯ್ಯ ಹಿರೇಮಠ ಅವರು ಅಪೌಷ್ಟಿಕತೆ ಪೀಡಿತ ಜಿಲ್ಲೆಗಳಲ್ಲಿ ಅಪೌಷ್ಟಿಕತೆ ನಿವಾರಣೆಗೆ ಶ್ರಮಿಸುತ್ತಿದ್ದಾರೆ. ಅವರು ಮೊರಿಂಗಾದ ಸಾವಯವ ಕೃಷಿ ಮತ್ತು ಸಾವಯವ ಮೊರಿಂಗಾದ ಮೌಲ್ಯವರ್ಧನೆಯಲ್ಲಿ ಕೆಲಸ ಮಾಡುತ್ತಿದ್ದಾರೆ. ಗ್ರಾಮೀಣ ಉದ್ಯೋಗ ಮತ್ತು ಮಹಿಳಾ ಸಬಲೀಕರಣದ ಮೇಲೆ ಹೆಚ್ಚು ಗಮನ ಹರಿಸುತ್ತಿದ್ದಾರೆ.
ಕೃಷಿ ಮತ್ತು ಸಣ್ಣ ಉದ್ದಿಮೆಗಳಲ್ಲಿ ತಮ್ಮ ಕೈಚಳಕ ಮತ್ತು ಸಂಕಲ್ಪದಿಂದ ಉತ್ತಮ ಭಾರತವನ್ನು ನಿರ್ಮಿಸುತ್ತಿರುವ ನಿಜವಾದ ಹೀರೋಗಳನ್ನು ಗುರುತಿಸುವ ಕಾರ್ಯಕ್ರಮದ ಇದಾಗಿದೆ.
ಭಾರತದ ನಿಜವಾದ ಐಕಾನ್‌ಗಳು ರೈತರು, ಗೃಹಿಣಿಯರು ಮತ್ತು ಇತರ ಸೂಕ್ಷ್ಮ ಉದ್ಯಮಿಗಳು ಸ್ವಾವಲಂಬನೆ ಮತ್ತು ಘನತೆಯಿಂದ ಬದುಕಲು ಲಕ್ಷಾಂತರ ಜನರನ್ನು ಪ್ರೇರೇಪಿಸುತ್ತಿದ್ದಾರೆ. ಸರಿಯಾದ ಪ್ರೇರಣೆ, ಕೌಶಲ್ಯ ಮತ್ತು ನೆಟ್‌ವರ್ಕ್ ಹೊಂದಿದ್ದರೆ ಯಾವುದೇ ಕನಸು ಅಸಾಧ್ಯವಲ್ಲ.
