ಉಡುಪಿ: ರಾಮಮಂದಿರ ಶಿಲಾನ್ಯಾಸದ ಅಂಗವಾಗಿ ಉಡುಪಿಯ ಪ್ರಸಿದ್ಧ ಜ್ಯೋತಿಷಿ ವಿದ್ವಾನ್ ಹೆರ್ಗ ರವೀಂದ್ರ ಭಟ್ ಅವರ ನಿವಾಸದಲ್ಲಿ ಅತ್ಯಂತ ಅಪರೂಪದ ರಾಮಭದ್ರಕ ಮಂಡಲ ಪೂಜೆ ನೆರವೇರಿತು‌. ವಿದ್ವಾನ್ ಗುಂಡಿಬೈಲು ಸುಬ್ರಹ್ಮಣ್ಯ ಭಟ್ ,ಹೆರ್ಗ ಹರಿಪ್ರಸಾದ್ ಭಟ್ ಸೇರಿದಂತೆ ಅನೇಕ ಋತ್ವಿಜರು ಪಾಲ್ಗೊಂಡು ಪೂಜೆಯನ್ನು ನೆರವೇರಿಸಿಕೊಟ್ಟರು . ರಾಮಮಂದಿರ ನಿರ್ಮಾಣ ಕಾರ್ಯ ಅತ್ಯಂತ ನಿರ್ವಿಘ್ನವಾಗಿ ಅತೀ ಶೀಘ್ರ ನೆರವೇರಿ ಶ್ರೀರಾಮನ ಕೃಪೆಯಿಂದ ಲೋಕ ಕಲ್ಯಾಣವಾಗಲೆಂದು ಪ್ರಾರ್ಥಿಸಿಲಾಯಿತು.‌ ಇದೇ ಸಂದರ್ಭದಲ್ಲಿ ಶ್ರೀರಾಮನ ಕುರಿತಾಗಿ ವಿದ್ವಾನ್ ಅಮೃತೇಶ್ ಡಿ ಎಸ್ ಉಪನ್ಯಾಸ ನೀಡಿದರು. ರಾಮ ಜನ್ಮಭೂಮಿ ಆಂದೋಲನಕ್ಕೆ ಬಹುದೊಡ್ಡ ಮಾರ್ಗದರ್ಶನ ನೀಡಿದ ಪೇಜಾವರ ಮಠದ ವಿಶ್ವೇಶತೀರ್ಥ ಶ್ರೀಪಾದರ ಸ್ಮರಣೆಯೂ ನಡೆಯಿತು.