ಬೆಂಗಳೂರು: ನಗರದಲ್ಲಿ ಇಂದಿನಿಂದ ಆಟೊ ಪ್ರಯಾಣ ದರವನ್ನು ಹಾಲಿ ದರಕ್ಕಿಂತ ಐದು ರೂಪಾಯಿ ಹೆಚ್ಚಳ ಮಾಡಲಾಗಿದ್ದು, ಈ ಪರಿಷ್ಕೃತ ದರ ಇಂದಿನಿಂದಲೇ (ಡಿ.1) ಜಾರಿಯಾಗಲಿದೆ.

ಇನ್ಮುಂದೆ ಮೊದಲ 2 ಕಿ.ಮೀ ಗೆ 30 ರೂಪಾಯಿ ನಿಗದಿಯಾಗಲಿದ್ದು, ಒಮ್ಮೆ ಆಟೊ ಏರಿದರೆ 30 ರೂಪಾಯಿ ಕೊಡಲೇಬೇಕಾಗುತ್ತೆ. ಇಲ್ಲಿಯವರೆಗೆ 25 ರೂಪಾಯಿ ಕನಿಷ್ಟ ದರವಾಗಿತ್ತು. ಇದೀಗ 2 ಕಿಲೋ ಮೀಟರ್​ ಬಳಿಕ ಪ್ರತಿ 1 ಕಿಲೋ ಮೀಟರ್​ ಗೆ 15 ರೂಪಾಯಿಯಂತೆ ಚಾರ್ಜ್​​ ಬೀಳಲಿದೆ.

ಕನಿಷ್ಠ ದರ ಮೊದಲ 2 ಕಿ.ಮೀಗೆ ದರ -30 ರೂಪಾಯಿ (ಮೂರು ಪ್ರಯಾಣಿಕರಿಗೆ ಮಾತ್ರ)
ನಂತರದ ಪ್ರತಿ ಕಿಲೋ ಮೀಟರ್ -15 ರೂ (ರೂ.ಹದಿನೈದು ಮಾತ್ರ, ಮೂರು ಪ್ರಯಾಣಿಕರಿಗೆ)

ಕಾಯುವಿಕೆ ದರ: ಮೊದಲ ಐದು ನಿಮಿಷ ಉಚಿತ, ಮೊದಲ ಐದು ನಿಮಿಷದ ನಂತರ ಪ್ರತಿ ಹದಿನೈದು ನಿಮಿಷ ಅಥವಾ ಅದರ ಭಾಗಕ್ಕೆ 5 ರೂಪಾಯಿ ಏರಿಸಬೇಕು.

ಪ್ರಯಾಣಿಕರ ಲಗೇಜು ದರ -ಮೊದಲ 20 ಕೆಜಿಗೆ ಉಚಿತ. ಮೊದಲ 20 ಕೆಜಿಯಿಂದ ನಂತರದ ಪ್ರತಿ 20 ಕೆಜಿಗೆ ಅಥವಾ ಅದರ ಭಾಗಕ್ಕೆ 5 ರೂಪಾಯಿ ಹೆಚ್ಚಿಸಬೇಕು.

ರಾತ್ರಿ ವೇಳೆ ದರ: ಸಾಮಾನ್ಯ ದರ + ಸಾಮಾನ್ಯ ದರದ ಅರ್ಧಪಟ್ಟು ಹೆಚ್ಚು (ರಾತ್ರಿ 10 ರಿಂದ ಬೆಳಿಗ್ಗೆ 5 ಗಂಟೆಯವರೆಗೆ)