ಬೆಂಗಳೂರು: ಜೊತೆ ಜೊತೆಯಲಿ ಧಾರಾವಾಹಿ ಆರ್ಯವರ್ಧನ್ ಖಾತಿಯ ಅನಿರುದ್ದ ಜಟ್ಕಾರ್ ಇವರಿಗೆ ಅನಿರುದ್ದ ಜಟ್ಕಾರ್ ಅಭಿಮಾನಿ ಬಳಗದ ವತಿಯಿಂದ ‘ನ್ಯಾಚುರಲ್ ಸ್ಟಾರ್’ ಪ್ರಶಸ್ತಿ ನೀಡಿ ಸನ್ಮಾನಿಸಲಾಯಿತು.
ನಟ ಬರಹಗಾರ ನಿರ್ದೇಶಕ ಹಾಡುಗಾರ ಅನಿರುದ್ದ ಅವರ ಸಾಧನೆಯನ್ನು ಗುರುತಿಸಿ ಈ ಪ್ರಶಸ್ತಿಯನ್ನು ನೀಡಲಾಯಿತು.
ಪ್ರಶಸ್ತಿ ಸ್ವೀಕರಿಸಿ, “ನನ್ನ ಜೀವನದ ಅತ್ಯಂತ ಅಮೂಲ್ಯವಾದ, ಎಂದಿಗೂ ಮರೆಯಲಾಗದ ಸಮಾರಂಭ.ಈ ಗೌರವಕ್ಕೆ, ಪ್ರೀತಿಗೆ, ಪ್ರೋತ್ಸಾಹಕ್ಕೆ, ಬೆಂಬಲಕ್ಕೆ ಅನಂತ ಅನಂತ ಧನ್ಯವಾದಗಳು” ಎಂದು ಅನಿರುದ್ದ ಹೇಳಿದ್ದಾರೆ.
