ದರ್ಶನ್ ತೂಗುದೀಪ Darshan Thoogudeepa ಮತ್ತು ವಿಜಯಲಕ್ಷ್ಮಿ ದರ್ಶನ್ Vijayalakshmi Darshan ದಂಪತಿಗೆ ಮೇ 19 ವಿಶೇಷ ದಿನ. 2003ರ ಇದೇ ದಿನ ಅವರು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು. ಈ ವರ್ಷ ಅವರಿಗೆ 23ನೇ ವಿವಾಹ ವಾರ್ಷಿಕೋತ್ಸವವಾದರೂ, ಪರಿಸ್ಥಿತಿಯ ಕಾರಣದಿಂದಾಗಿ ಆಚರಣೆ ಮಂಕಾಗಿದೆ.

ಅವರ ಮದುವೆ ಧರ್ಮಸ್ಥಳ Dharmasthala ಶ್ರೀ ಕ್ಷೇತ್ರದ ವಸಂತ್ ಮಹಲ್‌ನಲ್ಲಿ 2003ರ ಮೇ 19ರಂದು ಸರಳವಾಗಿ ನೆರವೇರಿತ್ತು. ಬೆಳಗ್ಗೆ 9:10 ರಿಂದ 9:50ರ ನಡುವಿನ ಶುಭ ಮಿಥುನ ಲಗ್ನದಲ್ಲಿ ವಿವಾಹ ನಡೆದಿತ್ತು ಎಂದು ಹೇಳಲಾಗುತ್ತದೆ.

ಆ ಸಮಯದಲ್ಲಿ ಕರಿಯ Kariya ಹಾಗೂ ಲಂಕೇಶ್ ಪತ್ರಿಕೆ Lankesh Patrike ಸಿನಿಮಾಗಳ ಮೂಲಕ ದರ್ಶನ್ ಜನಪ್ರಿಯತೆ ಪಡೆಯುತ್ತಿದ್ದರು. ಆದರೂ ಮದುವೆಯನ್ನು ಬಹಳ ಸರಳವಾಗಿ ನಡೆಸಲಾಗಿತ್ತು. ನಂತರ ಪ್ರತೀ ವರ್ಷವೂ ಈ ಜೋಡಿ ಕೇಕ್ ಕಟ್ ಮಾಡಿ ವಿವಾಹ ವಾರ್ಷಿಕೋತ್ಸವ ಆಚರಿಸುತ್ತಿದ್ದರು.

ಆದರೆ ಈ ಬಾರಿ ಪರಿಸ್ಥಿತಿ ವಿಭಿನ್ನವಾಗಿದೆ. ರೇಣುಕಾಸ್ವಾಮಿ ಪ್ರಕರಣದ ಹಿನ್ನೆಲೆ ದರ್ಶನ್ ಜೈಲಿನಲ್ಲಿರುವುದರಿಂದ ದಂಪತಿಗೆ ಒಟ್ಟಿಗೆ ವಾರ್ಷಿಕೋತ್ಸವ ಆಚರಿಸುವ ಅವಕಾಶ ಸಿಗಲಿಲ್ಲ ಎಂಬ ಮಾತು ಕೇಳಿಬರುತ್ತಿದೆ.

ಇದರ ನಡುವೆ ವಿಜಯಲಕ್ಷ್ಮಿ ಸಾಮಾಜಿಕ ಜಾಲತಾಣದಲ್ಲಿ ಭಾವನಾತ್ಮಕ ಪೋಸ್ಟ್ ಹಂಚಿಕೊಂಡಿದ್ದಾರೆ. ಲಂಕೇಶ್ ಪತ್ರಿಕೆ ಚಿತ್ರದ “ಇದು ಮರೆಯದ ಹಾಡು, ಮೌನಗಳೇ ಸಾಕ್ಷಿಗಳು, ಇದು ಮುಗಿಯದ ನೆನಪು, ವಿರಹಗಳೇ ಗುರುತುಗಳು” ಎಂಬ ಹಾಡಿನ ಸಾಲುಗಳನ್ನು ಬರೆದು ಪತಿಯನ್ನು ಮಿಸ್ ಮಾಡಿಕೊಳ್ಳುತ್ತಿರುವ ಭಾವನೆ ವ್ಯಕ್ತಪಡಿಸಿದ್ದಾರೆ. ಅವರು ಹಂಚಿಕೊಂಡ ದರ್ಶನ್ ಅವರ ಬ್ಲ್ಯಾಕ್ ಅಂಡ್ ವೈಟ್ ಫೋಟೋ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ವೈರಲ್ ಆಗಿದೆ.