ಬ್ರಹ್ಮಾವರ: ಮಂದಾರ(ರಿ.) ಸಾಂಸ್ಕೃತಿಕ ಹಾಗೂ ಸೇವಾ ಸಂಘಟನೆ ಬೈಕಾಡಿ-ಗಾಂಧಿನಗರ ಇವರು ಆಯೋಜಿಸಿರುವ “ರಂಗೋತ್ಸವ” ಕಾರ್ಯಕ್ರಮವು ನಾಲ್ಕು ದಿನಗಳ ಕಾಲ ಎಸ್.ಎಮ್.ಎಸ್ ಪದವಿ ಪೂರ್ವ ಕಾಲೇಜಿನ ಮಕ್ಕಳ ಮಂಟಪದಲ್ಲಿ ನಡೆಯಲಿದೆ.

‘ನಾದ ಮಣಿನಾಲ್ಕೂರ’ ಅವರ ಅರಿವಿನ ಹಾಡುಗಳೊಂದಿಗೆ ಎ.8 ರಂದು ಸಂಜೆ 6:30 ಕ್ಕೆ ಕಾರ್ಯಕ್ರಮವು ಉದ್ಘಾಟನೆಗೊಳ್ಳಲಿದ್ದು, ಮಂದಾರ ತಂಡದ ಕಲಾವಿದರು ಪ್ರಸ್ತುತಪಡಿಸುವ ಜಿ.ಎಸ್.ಭಟ್ಟ ಸಾಗರ ಅವರ ರಚನೆಯ ರೋಹಿತ್.ಎಸ್ ಬೈಕಾಡಿ ನಿರ್ದೇಶಿಸಿರುವ “ಕೊಳ್ಳಿ” ನಾಟಕವು ಪ್ರದರ್ಶನಗೊಳ್ಳಲಿದೆ.

ಎ.9 ರಂದು ಅರೆಹೊಳೆ ಪ್ರತಿಷ್ಠಾನ ಇವರು ಪ್ರಸ್ತುತ ಪಡಿಸುವ ರೋಹಿತ್ ಬೈಕಾಡಿಯವರ ನಿರ್ದೇಶನದಲ್ಲಿ ಶ್ವೇತಾ ಅರೆಹೊಳೆಯವರು ನಟಿಸುವ ಏಕವ್ಯಕ್ತಿ ನಾಟಕ “ಗೆಲ್ಲಿಸಬೇಕು ಅವಳ” ಪ್ರದರ್ಶನಗೊಳ್ಳಲಿದೆ.

ಎ.10 ರಂದು ಸಂಗಮ ಕಲಾವಿದೆರ್(ರಿ.) ಮಣಿಪಾಲ ಇವರ ಪ್ರಸ್ತುತಿ ಭುವನ್ ಮಣಿಪಾಲ ನಿರ್ದೇಶನದ “ಮೂಕನರ್ತಕ” ಹಾಗೂ ಎ.11 ರಂದು ಸಮುದಾಯ ಧಾರವಾಡ ಪ್ರಸ್ತುತಿಯ ವಾಸುದೇವ ಗಂಗೇರ ಅವರ ನಿರ್ದೇಶನದ “ಬುದ್ಧ ಪ್ರಬುದ್ಧ” ನಾಟಕ ಪ್ರದರ್ಶನಗೊಳ್ಳಲಿದೆ.

ಕಾರ್ಯಕ್ರಮವು ನಿಗದಿತ ಸಮಯಕ್ಕೇ ಆರಂಭವಾಗುವುದು ಎಂದು ಆಯೋಜಕರು ತಿಳಿಸಿ, ಸರ್ವರಿಗೂ ಆದರದ ಸ್ವಾಗತವನ್ನು ಕೋರಿದ್ದಾರೆ ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.