ಉಡುಪಿ: ಇಲ್ಲಿನ ಹಳೆ ಕೆ.ಎಸ್.ಆರ್.ಟಿ.ಸಿ ಬಸ್ ಸ್ಟ್ಯಾಂಡ್ ಬಳಿ, ಸಿಪಿಸಿ ಪ್ಲಾಜಾದ ಎದುರುಗಡೆ ನೂತನವಾಗಿ ಪ್ರಾರಂಭವಾದ ಡಾ. ಥಲ್ಲಾನಿ ಸೂಪರ್ ಸ್ಪೆಷಾಲಿಟಿ ಡೆಂಟಲ್ ಕ್ಲಿನಿಕ್ ಇದರ ಉದ್ಗಾಟನೆಯು ಮಾ.17 ರಂದು ನಡೆಯಿತು.

ಕೃಷ್ಣಾಪುರ ಮಠದ ಶ್ರೀ ವಿದ್ಯಾಸಾಗರತೀರ್ಥ ಸ್ವಾಮೀಜಿಗಳು ಆಶೀರ್ವಚನ ನೀಡಿ, ಎಲ್ಲ ಬಗೆಯ ಹಲ್ಲಿನ ಚಿಕಿತ್ಸೆ ಲಭ್ಯವಿರುವ ಕ್ಲಿನಿಕ್ ಇದಾಗಿದ್ದು, ಅಗತ್ಯ ಉಳ್ಳವರಿಗೆ ಅನುಕೂಲವಾಗಲಿದ್ದು, ಸಾರ್ವಜನಿಕರಿಗೆ ಉತ್ತಮ ಗುಣಮಟ್ಟದ ಆರೋಗ್ಯ ಸೇವೆ ಲಭಿಸಲಿ ಎಂದು ಶುಭ ಹಾರೈಸಿದರು.

ನಿವೃತ್ತ ಡಿ.ಎಫ್ ಒ ಕೆ.ರಘುರಾಮ ರಾವ್, ಎಲುಬು ತಜ್ಞ ಡಾ. ಶಿವಕುಮಾರ್ ಸಮಯೋಚಿತವಾಗಿ ಮಾತನಾಡಿ ಶುಭ ಹಾರೈಸಿದರು.

ಡಾ.ಸಚಿನ್ ಥಲ್ಲಾನಿ, ಡಾ. ಶ್ರೀಕೃತಿ ಥಲ್ಲಾನಿ, ಗಣ್ಯರು, ಹಿತೈಷಿಗಳು ಉಪಸ್ಥಿತರಿದ್ದರು.

ನಿವೃತ್ತ ಸರಕಾರಿ ವೈದ್ಯಾಧಿಕಾರಿ ಡಾ. ಕೃಷ್ಣಮೂರ್ತಿ ಸ್ವಾಗತಿಸಿದರು. ಕಿರಣ್ ಪಾಲಿಕ್ಲಿನಿಕ್ ಆಂಡ್ ಡೆಂಟಲ್ ನ ಡಾ. ಶೇರೆಗಾರ್ ಸುಮಾ ಮಲ್ಯ ವಂದಿಸಿದರು. ನಿಸರ್ಗ ಚಿಕಿತ್ಸಕ ಡಾ. ಭಾಸ್ಕರ್ ಕರಣೀಕ ನಿರೂಪಿಸಿದರು.