ಕುಂದಾಪುರ: ಶ್ರೀಲಂಕಾ‌ ಪ್ರಧಾನಿ‌ ರೆನಿಲ್ ವಿಕ್ರಮ್ ಸಿಂಘೆ ಇಂದು ಬೆಳಿಗ್ಗೆ 11.30 ಕ್ಕೆ ಕೊಲ್ಲೂರು ಮೂಕಾಂಬಿಕೆ ಸನ್ನಿಧಿಗೆ ಆಗಮಿಸಿದರು.

ಮಂಗಳೂರು ವಿಮಾನ‌ನಿಲ್ದಾಣದಿಂದ‌ ರಸ್ತೆ ಮಾರ್ಗದ ಮೂಲಕ ನೇರವಾಗಿ ಕೊಲ್ಲೂರಿಗೆ ಆಗಮಿಸಿದ ಅವರು ವಸತಿಗೃಹಕ್ಕೆ ತೆರಳಿ ಐದು ನಿಮಿಷ ವಿಶ್ರಾಂತಿ ಪಡೆದು ಬಳಿಕ ದೇವಸ್ಥಾನಕ್ಕೆ ಆಗಮಿಸಿದ್ದಾರೆ. ದೇವರ ದರ್ಶನ ಪಡೆದ ಅವರು ಈಗಾಗಲೇ ಯಜ್ಞಶಾಲೆಯಲ್ಲಿ ನಡೆಯುತ್ತಿರುವ ನವಚಂಡಿಯಾಗದ ಪೂರ್ಣಾಹುತಿಯಲ್ಲಿ ಪಾಲ್ಗೊಳ್ಳಲಿದ್ದಾರೆ.

ಪತ್ರಕರ್ತರಿಗೆ ನಿರಾಕರಣೆ:
ಹೆಚ್ಚುವರಿ ಭದ್ರತೆ ಹಿನ್ನೆಲೆಯಲ್ಲಿ ಮೊದಲು ಪತ್ರಕರ್ತರಿಗೆ ದೇವಸ್ಥಾನದ ಪ್ರವೇಶಾತಿಗೆ ನಿರಾಕರಿಸಿದ ಜಿಲ್ಲಾಡಳಿತ ಬಳಿಕ ಪತ್ರಕರ್ತರ ಮನವಿಗೆ ಸ್ಪಂದಿಸಿ ಕೇವಲ ಆರು ಮಂದಿ ಪತ್ರಕರ್ತರಿಗೆ‌ ಮಾತ್ರ ಅವಕಾಶ ಕಲ್ಪಿಸಿಕೊಟ್ಟಿತ್ತು. ಆದರೆ ಇದೀಗ ಶ್ರೀಲಂಕಾ‌ ಹೈ ಕಮಿಶನ್ ಪತ್ರಕರ್ತರಿಗೆ ಫೋಟೋ ಹಾಗೂ ವಿಡಿಯೋ ತೆಗೆಯದಂತೆ ಸೂಚನೆ‌ ನೀಡಿದೆ.