ಕಾರ್ಕಳ: ಎಣ್ಣೆಹೊಳೆ ರಾಧಾ ನಾಯಕ್ ಸರಕಾರಿ ಪ್ರೌಢ ಶಾಲೆಯ ಚಿತ್ರಕಲಾ ಶಿಕ್ಷಕ ಗಣೇಶ್ ಇವರ “ಗೀತೋಪದೇಶ” ಸಾರುವ ಚಿತ್ರ ವಿನ್ಯಾಸ ಈ ಬಾರಿಯ ಉಡುಪಿ ಪುತ್ತಿಗೆ ಪರ್ಯಾಯದ ಆಮಂತ್ರಣ ಪತ್ರಿಕೆಗೆ ಆಯ್ಕೆಯಾಗಿದೆ.
ಗಣೇಶ್ ಒಬ್ಬ ಅದ್ಭುತ ಕಲಾವಿದ. ಚಿಂತನಾಶೀಲ ಶಿಕ್ಷಕ. ಸಮಾಜದ ಆಗುಹೋಗುಗಳನ್ನು ಸೂಕ್ಷ್ಮವಾಗಿ ಗ್ರಹಿಸಬಲ್ಲವರು. ಮಿತಭಾಷಿ ಸ್ನೇಹಜೀವಿ. ರಾಧಾ ನಾಯಕ್ ಸರಕಾರಿ ಪ್ರೌಢ ಶಾಲೆಯ ವಿದ್ಯಾರ್ಥಿಗಳ ಪಾಲಿನ ಪ್ರೀತಿಯ ಪ್ರತಿಭಾನ್ವಿತ ಶಿಕ್ಷಕ. ವಿವಿಧ ಪ್ರಾಕಾರಗಳ ಸಂಗೀತ, ಸಾಹಿತ್ಯ, ಚಿತ್ರಕಲೆ, ವಿನ್ಯಾಸ, ತಾಂತ್ರಿಕ ಕೌಶಲ್ಯ ಎಲ್ಲವೂ ಗಣೇಶ್ ಅವರ ಶಕ್ತಿಯಾಗಿದೆ.
