ಬ್ರಹ್ಮಾವರ: ತಾಲೂಕಿನ ಕೋಟ ಪೊಲೀಸ್ ಠಾಣಾ ವ್ಯಾಪ್ತಿಯ ಕಲ್ಮರ್ಗಿ ಶಿರಿಯಾರ ಶ್ರೀ ರಾಮ ಮಂದಿರದ ಎದುರಿನಲ್ಲಿ ಜ.2 ರಂದು ಬೆಳಿಗ್ಗೆ 10.30 ಕ್ಕೆ ದನ ಕಳ್ಳತನ ನಡೆದಿರುವ ಬಗ್ಗೆ ವರದಿಯಾಗಿದೆ.

ಬಿಳಿ ಬಣ್ಣದ ವಿಐಪಿ ಕಾರಿನಲ್ಲಿ ಬಂದಿದ್ದ ಮುಸುಕುಧಾರಿ ದೃಢಕಾಯದ ವ್ಯಕ್ತಿ ಕಾರಿನಲ್ಲಿ ದನವನ್ನು ಹಾಕುತ್ತಿದ್ದ ಶಬ್ದಕ್ಕೆ ಎಚ್ಚೆತ್ತ ಸ್ಥಳೀಯ ಮನೆಯವರು ಎದ್ದು ಕ್ಯಾಮರಾದಲ್ಲಿ ಫೋಟೋ ತೆಗೆದ ಕೂಡಲೇ ವ್ಯಕ್ತಿ ಪರಾರಿಯಾದ ಘಟನೆ ನಡೆದಿದೆ.

ಸ್ಥಳೀಯ ಜನರು ಠಾಣೆಗೆ ಯಾವುದೇ ದೂರನ್ನು ನೀಡಿಲ್ಲ. ಜನತೆಗೆ ಪೊಲೀಸರಿಂದ ನ್ಯಾಯ ದೊರಕುವ ಬಗ್ಗೆ ವಿಶ್ವಾಸವಿಲ್ಲದಿರುವುದರಿಂದ ಜನರು ದೂರು ನೀಡಲು ಮುಂದಾಗುತ್ತಿಲ್ಲ ಎಂದು ಸ್ಥಳೀಯ ಸಾಮಾಜಿಕ ಕಾರ್ಯಕರ್ತ ಶಿರಿಯಾರ ಕಲ್ಮರ್ಗಿ ಪ್ರಭಾಕರ್ ನಾಯಕ್ ತಿಳಿಸಿದ್ದಾರೆ.