ನವದೆಹಲಿ: ಪ್ರಸ್ತುತ 12 ಬಿಲಿಯನ್ ಡಾಲರ್ ಮೌಲ್ಯ ಹೊಂದಿರುವ ಭಾರತದ ಡಿಜಿಟಲ್ ಮಾಧ್ಯಮ ಮತ್ತು ಮನರಂಜನಾ ಉದ್ಯಮವು 2030ರ ವೇಳೆಗೆ ಗಾತ್ರದಲ್ಲಿ ಮೂರು ಪಟ್ಟು ಹೆಚ್ಚಾಗುವ ಸಾಧ್ಯತೆಯಿದೆ ಎಂದು ವರದಿಯೊಂದು ಬುಧವಾರ ತೋರಿಸಿದೆ.ಭಾರತದ ಡಿಜಿಟಲ್ ಮಾಧ್ಯಮ ಮತ್ತು ಮನರಂಜನಾ ಉದ್ಯಮ ಕೆಲ ವರ್ಷಗಳಲ್ಲಿ ಮೂರು ಪಟ್ಟು ಬೆಳವಣಿಗೆಯಾಗುವ ಸಾಧ್ಯತೆಯಿದೆ ಎಂದು ರೆಡ್ ಸೀರ್ ರಿಸರ್ಚ್ ವರದಿ ಹೇಳಿದೆ.

ಕಳೆದ ಎರಡು ವರ್ಷಗಳಲ್ಲಿ, ನಾನ್-ರಿಯಲ್ ಮನಿ ಗೇಮಿಂಗ್ (ಆರ್ ಎಂಜಿ) ಮತ್ತು ಒಟಿಟಿ ವೀಡಿಯೊದ ಹೆಚ್ಚಿದ ಬಳಕೆಯು ಡಿಜಿಟಲ್ ಜಾಹೀರಾತು ವೆಚ್ಚದ ಮಂದಗತಿಯ ಹೊರತಾಗಿಯೂ ಕ್ಷೇತ್ರದ ಬೆಳವಣಿಗೆಗೆ ಪ್ರಮುಖ ಕೊಡುಗೆ ನೀಡಿದೆ. ಹಣಕಾಸು ವರ್ಷ 22-23 ರ ನಡುವೆ, ಡಿಜಿಟಲ್ ಮಾಧ್ಯಮ ಮತ್ತು ಮನರಂಜನೆಯ ಎಲ್ಲ ವಿಭಾಗಗಳಲ್ಲಿ ಪೇಡ್ ಬಳಕೆದಾರರ ಪ್ರಮಾಣ ಹೆಚ್ಚಾಗಿದೆ. ಒಟಿಟಿ ಆಡಿಯೊ ಅತ್ಯಧಿಕ ಪೇಡ್​ ಬಳಕೆದಾರರನ್ನು ಪಡೆದುಕೊಂಡಿದೆ.

ರೆಡ್ ಸೀರ್ ರಿಸರ್ಚ್ ಪ್ರಕಾರ, ಇಂಟರ್ನೆಟ್ ಬಳಕೆದಾರರ ಹೆಚ್ಚುತ್ತಿರುವ ಪ್ರಬುದ್ಧತೆ ಮತ್ತು ಡಿಜಿಟಲ್ ಮಾಧ್ಯಮದ ಮೇಲೆ ಜನ ಹೆಚ್ಚುವರಿ ಖರ್ಚು ಮಾಡಲು ಮುಂದಾಗಿರುವುದರಿಂದ ಈ ವಲಯ ಬಲವಾಗಲಿದೆ ಎಂದು ನಿರೀಕ್ಷಿಸಲಾಗಿದೆ.

“ಹಣಕಾಸು ವರ್ಷ 23 ರಲ್ಲಿ ಮಾಧ್ಯಮ ಮತ್ತು ಮನರಂಜನಾ ಉದ್ಯಮವು ಪೇಡ್ ಬಳಕೆದಾರರ ಸಂಖ್ಯೆಯಲ್ಲಿ ತ್ವರಿತ ಬೆಳವಣಿಗೆ ಕಂಡಿದೆ ಮತ್ತು ಅದಕ್ಕೆ ಪ್ರತಿಯಾಗಿ ಪೇಡ್ ಬಳಕೆದಾರರಿಂದ ಬರುವ ಸರಾಸರಿ ಆದಾಯ (ಎಆರ್​ಪಿಆರ್​ಪಿಯು) ಕೂಡ ಹೆಚ್ಚಾಗಿದೆ. ಎಂ &ಇ ವಿಭಾಗಗಳಲ್ಲಿ ಪೇಡ್ ಬಳಕೆದಾರರ ಪ್ರಮಾಣ 2023 ರ ಹಣಕಾಸು ವರ್ಷದಲ್ಲಿ ಶೇಕಡಾ 90 ಕ್ಕೆ ಏರಿದೆ” ಎಂದು ವರದಿ ತಿಳಿಸಿದೆ.

ಡಿಜಿಟಲ್ ಮಾಧ್ಯಮ ಎಂಬುದು ಡಿಜಿಟಲ್ ಸಾಧನ ಅಥವಾ ಪರದೆಯ ಮೂಲಕ ಹಂಚಿಕೊಳ್ಳುವ ಮಾಹಿತಿಯಾಗಿದೆ. ಮೂಲಭೂತವಾಗಿ ಇದು ಅದರ ರಚನೆ, ವಿತರಣೆ, ವೀಕ್ಷಣೆ ಮತ್ತು ಸಂಗ್ರಹಣೆಗಾಗಿ ಎಲೆಕ್ಟ್ರಾನಿಕ್ ಸಾಧನವನ್ನು ಅವಲಂಬಿಸಿರುವ ಯಾವುದೇ ರೀತಿಯ ಮಾಧ್ಯಮವಾಗಿದೆ. ಕಂಪನಿಗಳು ತಮ್ಮ ವ್ಯವಹಾರಗಳು ಮತ್ತು ಬ್ರಾಂಡ್​ಗಳನ್ನು ಜಾಹೀರಾತು ಮಾಡಲು ಈ ಮಾಧ್ಯಮವನ್ನು ಹೆಚ್ಚಾಗಿ ಬಳಸುತ್ತವೆ.

ಹೆಚ್ಚಿನ ಸಿಎಸಿ ಮತ್ತು ಬಳಕೆದಾರರು ದೂರ ಹೋಗದಂತೆ ಕಾಪಾಡಿಕೊಳ್ಳುವ ಮೂಲಕ ಒಟಿಟಿ ವಿಡಿಯೋ ವಲಯವು ಮುಂದಿನ 3-5 ವರ್ಷಗಳಲ್ಲಿ ಲಾಭದಾಯಕತೆಯನ್ನು ಸಾಧಿಸುವ ನಿರೀಕ್ಷೆಯಿದೆ ಎಂದು ವರದಿ ತಿಳಿಸಿದೆ. 2030 ರ ವೇಳೆಗೆ ಭಾರತದ ಪ್ರಬುದ್ಧ ಇಂಟರ್ನೆಟ್ ಬಳಕೆದಾರರ ಪ್ರಮಾಣವು ಅಮೆರಿಕವನ್ನೂ ಅನ್ನು ಮೀರಿಸುತ್ತದೆ ಎಂದು ಸಂಶೋಧನೆ ಅಂದಾಜಿಸಿದೆ. ಭಾರತವು ಪ್ರಸ್ತುತ 2023 ರಲ್ಲಿ 150 ಮಿಲಿಯನ್ ನಷ್ಟು ಮಧ್ಯಮ-ಕೋರ್ ಅಥವಾ ಕೋರ್ ಗೇಮರ್​ಗಳನ್ನು ಹೊಂದಿದೆ.