ಟೆಕ್ಸಾಸ್: ನಾಲ್ಕು ವರ್ಷಗಳ ವಿಳಂಬದ ಮತ್ತು ಹಲವಾರು ಬದಲಾವಣೆಗಳ ನಂತರ, ಟೆಸ್ಲಾ ದ ಬಹುನಿರೀಕ್ಷಿತ ಸೈಬರ್ ಟ್ರಕ್ ಗಳು ಅಂತಿಮವಾಗಿ ರಸ್ತೆಗಿಳಿದಿದೆ.

ಟೆಸ್ಲಾ ಸಿಇಒ ಏಲಾನ್ ಮಸ್ಕ್ ತಮ್ಮ ಟೆಕ್ಸಾಸ್‌ನ ಆಸ್ಟಿನ್‌ನಲ್ಲಿರುವ ಕಂಪನಿಯ ಕಾರ್ಖಾನೆಯಲ್ಲಿ ವಿತರಣಾ ಕಾರ್ಯಕ್ರಮವನ್ನು ಆಯೋಜಿಸಿದ್ದರು. ಸೈಬರ್ ಟ್ರಕ್ ನ ಟೋಯಿಂಗ್ ಸಾಮರ್ಥ್ಯಗಳು, ಬುಲೆಟ್‌ಪ್ರೂಫ್ ಬಾಗಿಲುಗಳು ಮತ್ತು ವಿಲಕ್ಷಣ ಲೈಟ್ ಗಳು ಹಾಗೂ ಸ್ಪೀಡ್ ಬಗ್ಗೆ ವಿವರಿಸಿದ ಅವರು ಗ್ರಾಹಕರಿಗೆ ಟ್ರಕ್ ಗಳನ್ನು ವಿತರಿಸಿದರು.

ಈವೆಂಟ್‌ನಲ್ಲಿ ಹಲವಾರು ಗ್ರಾಹಕರು ತಮ್ಮ ಸೈಬರ್‌ಟ್ರಕ್‌ಗಳನ್ನು ಪಡೆದರು.

ಅಗ್ಗದ ರೇರ್-ವ್ಹೀಲ್ ಡ್ರೈವ್ ಮಾದರಿಯು 2025 ರವರೆಗೆ ಲಭ್ಯವಿರುವುದಿಲ್ಲ. ಬೆಲೆಯು $60,990 (ರಿಯಾಯಿತಿಗಳನ್ನು ಅನ್ವಯಿಸುವ ಮೊದಲು) ರಿಂದ ಪ್ರಾರಂಭವಾಗುತ್ತದೆ. ಟಾಪ್-ಆಫ್-ಲೈನ್ “ಸೈಬರ್‌ಬೀಸ್ಟ್” $99,990 ಬೆಲೆಯನ್ನು ಹೊಂದಿದೆ ಮತ್ತು ಅಂದಾಜು 320 ಮೈಲುಗಳ ವ್ಯಾಪ್ತಿಯನ್ನು ನೀಡಲಿದೆ.

ಉತ್ಪಾದನೆಯು ಮೂಲತಃ 2021 ರ ಕೊನೆಯಲ್ಲಿ ಪ್ರಾರಂಭವಾಗಲಿದೆ ಆದರೆ ಪೂರೈಕೆ ಸರಪಳಿಯ ಕೊರತೆ ಮತ್ತು ಉತ್ಪಾದನಾ ತೊಡಕುಗಳಿಂದ ವಿಳಂಬವಾಯಿತು. ಕಂಪನಿಯು ಆರಂಭದಲ್ಲಿ ಸಣ್ಣ ಸಂಖ್ಯೆಯ ಉತ್ಪಾದನೆಯನ್ನು ಮಾತ್ರ ಮಾಡುವ ನಿರೀಕ್ಷೆಯಿದ್ದು ಬೇಡಿಕೆಗನುಗುಣವಾಗಿ ಉತ್ಪಾದನೆಯನ್ನು ಹೆಚ್ಚಿಸುವ ಸಾಧ್ಯತೆ ಇದೆ.