ಕಾರ್ಕಳ : ಪ್ರಜಾಪಿತ ಬ್ರಹ್ಮಾಕುಮಾರಿ ಈಶ್ವರೀಯ ವಿಶ್ವ ವಿದ್ಯಾಲಯದ ಶಿವ ಧ್ಯಾನ ಮಂದಿರದಲ್ಲಿ ಹೆಬ್ರಿ ಸರಕಾರಿ ಪದವಿ ಪೂರ್ವ ಕಾಲೇಜಿನ ಪ್ರೌಢ ಶಾಲಾ ವಿದ್ಯಾರ್ಥಿಗಳು ತಯಾರಿಸಿದ ಶುದ್ಧ ಜೇಡಿ ಮಣ್ಣಿನ, ಬಣ್ಣ ರಹಿತ, ಪರಿಸರ ಸ್ನೇಹಿ ಪುಟ್ಟ 15 ಗಣಪತಿ ವಿಗ್ರಹಗಳನ್ನು ಪ್ರದರ್ಶನಕ್ಕಿಡಲಾಗಿದೆ. ಅಸಂಖ್ಯಾತ ಭಕ್ತಾಭಿಮಾನಿಗಳು ಇದರ ಲಾಭ ಪಡೆದರು. ಬಹು ಜನರ ಅಪೇಕ್ಷೆ ಮೇರೆಗೆ ಬುಧವಾರವೂ ಈ ಪ್ರದರ್ಶನವನ್ನು ಮುಂದುವರಿಸಲಾಗುವುದಾಗಿ ಸೇವಾಕೇಂದ್ರದ ಸಂಚಾಲಕಿ ರಾಜಯೋಗಿನಿ ಬ್ರಹ್ಮಾಕುಮಾರಿ ವಸಂತಿಯವರು ತಿಳಿಸಿದ್ದಾರೆ.