ಕೊಲಂಬೊ (ಶ್ರೀಲಂಕಾ): ನೀಲಾಕಾಶದ ಅಡಿಯಲ್ಲಿ ಆರಂಭವಾದ ಭಾರತ ಮತ್ತು ಪಾಕಿಸ್ತಾನ ಪಂದ್ಯಕ್ಕೆ ಒಮ್ಮೆಗೆ ಮಳೆ ಕಾಡಿದೆ. 25ನೇ ಓವರ್​ ವೇಳೆ ಜೋರಾಗಿ ಆರಂಭವಾದ ಮಳೆ ಸುಮಾರು ಎರಡು ಗಂಟೆಗಳ ಕಾಲ ಎಡೆಬಿಡಲದೇ ಸುರಿದಿದೆ.
ವಾರದ ಹಿಂದೆ ನಡೆದ ಲೀಗ್ ಹಂತದ ಪಂದ್ಯಕ್ಕೂ ಮಳೆ ಅಡ್ಡಿಪಡಿಸಿತ್ತು. ಈಗ ಸೂಪರ್​ ಫೋರ್​ ಹಂತದ ಪಂದ್ಯಕ್ಕೂ ವರುಣ ಅಡ್ಡಿಯಾಗಿದ್ದಾನೆ.​

ಟಾಸ್​ ಸೋತು ಮೊದಲು ಬ್ಯಾಟಿಂಗ್​ಗಿಳಿದ ಭಾರತ ಉತ್ತಮ ಆರಂಭವನ್ನು ಪಡೆದುಕೊಂಡಿತ್ತು. ಏಷ್ಯಾಕಪ್​ನ ಲೀಗ್​ ಹಂತದ ಪಂದ್ಯದಲ್ಲಿ ಪಾಕ್​ ಬೌಲರ್​​ಗಳಿಗೆ ನಲುಗಿದ್ದ ಗಿಲ್ ಇಂದು ಹೆಚ್ಚು ಭರವಸೆಯಲ್ಲಿ ಕಂಡು ಬಂದರು. ಬೌಂಡರಿಗಳ ಸಹಾಯದಿಂದಲೇ ರನ್​ ಕಲೆಹಾಕಿದರು. ರೋಹಿತ್ ಶರ್ಮಾ ಇಂದು ಮೊದಲ ಕೆಲ ಓವರ್​ಗಳಲ್ಲಿ ಅಷ್ಟು ಉತ್ತಮ ಬ್ಯಾಟಿಂಗ್​ ಮಾಡಲಿಲ್ಲ. ನಂತರ ಪಾಕ್​ ವಿರುದ್ಧ ಲಯ ಕಂಡುಕೊಂಡರು.ಭಾರತ ಈ ವೇಳೆ ಆರಂಭಿಕರಾದ ರೋಹಿತ್ ಶರ್ಮಾ (56) ಮತ್ತು ಶುಭಮನ್​ ಗಿಲ್ (58)​ ವಿಕೆಟ್​ ಕಳೆದುಕೊಂಡು 147 ರನ್​ ಕಲೆ ಹಾಕಿದೆ. ಕ್ರೀಸ್​ನಲ್ಲಿ ವಿರಾಟ್​ ಕೊಹ್ಲಿ ಮತ್ತು ಕೆಎಲ್ ರಾಹುಲ್​ ಇದ್ದಾರೆ​.

ರೋಹಿತ್​ ಶರ್ಮಾ ಅವರನ್ನು ಪಾಕ್​ನ ಸ್ವಿಂಗ್​ ಸ್ಪೆಶಾಲಿಷ್ಟ್​​ ನಸೀಮ್​ ಕಾಡಿದರು. ಅವರ ಸ್ವಿಂಗ್​ ಬಾಲ್​ಗೆ ನಾಯಕ ರೋಹಿತ್​ ವಿಕೆಟ್​ ಕಾಯ್ದುಕೊಳ್ಳಲು ಪರದಾಡಿಸರು. ಇದರಿಂದ 20 ಬಾಲ್​ ಅಡಿದ ರೋಹಿತ್​ ಕೇವಲ 10 ರನ್​ ಗಳಿಸಿದ್ದರು. ಆದರೆ ಪವರ್​ ಪ್ಲೇ ನಂತರ ಸ್ಪಿನ್ನರ್​ಗಳಿಗೆ ಚಳಿ ಬಿಡಿಸಿದರು. ಒಂದೇ ಓವರ್​ನಲ್ಲಿ 15ಕ್ಕೂ ಹೆಚ್ಚು ರನ್​ ಗಳಿಸಿ ಕಮ್​ಬ್ಯಾಕ್​ ಮಾಡಿದರು.

ಶತಕದ ಜೊತೆಯಾಟ: ಗಿಲ್​ ಮತ್ತು ರೋಹಿತ್​ ಶರ್ಮಾ 14ನೇ ಓವರ್​ನಲ್ಲಿ ತಂಡದ ಮೊತ್ತವನ್ನು ನೂರರ ಗಡಿ ದಾಟಿಸುವ ಮೂಲಕ ಶತಕದ ಜೊತೆಯಾಟ ಆಡಿದರು. ಇಬ್ಬರು 121 ರನ್​ನ ಜೊತೆಯಾಟವನ್ನು ಶಾಬಾದ್​ ಖಾನ್​ ಬ್ರೇಕ್​ ಮಾಡಿದರು. 56 ರನ್​ ಗಳಿಸಿ ಆಡುತ್ತಿದ್ದ ರೋಹಿತ್​ ಶರ್ಮಾ ಶಾಬಾದ್​ ಬೌಲ್​ನಲ್ಲಿ ಸಿಕ್ಸ್​ಗೆ ಕಳಿಸುವ ಭರದಲ್ಲಿ ಕ್ಯಾಚಿತ್ತು ಪೆವಿಲಿಯನ್​ಗೆ ಮರಳಿದರು. ಅವರ ಬೆನ್ನಲ್ಲೇ ಯುವ ಆಟಗಾರ ಶುಭಮನ್​ ಗಿಲ್​ 58 ರನ್​​ ಗಳಿಸಿ ವಿಕೆಟ್​ ಒಪ್ಪಿಸಿದರು.

ಭಾರತ ಮಳೆ ಆರಂಭಕ್ಕೂ ಮುನ್ನ ಎರಡು ವಿಕೆಟ್​ ನಷ್ಟಕ್ಕೆ 147 ರನ್​ ಗಳಿಸಿದೆ. ವಿರಾಟ್​ 8 ಮತ್ತು ಕೆಎಲ್​ ರಾಹುಲ್​ 17 ರನ್​ ಗಳಿಸಿ ಕ್ರೀಸ್​ನಲ್ಲಿದ್ದಾರೆ. ಪಾಕಿಸ್ತಾನದ ಶಾಬಾದ್ ಖಾನ್​ ಮತ್ತು ಶಾಹೀನ್​ ಅಫ್ರಿದಿ ತಲಾ ಒಂದು ವಿಕೆಟ್​ ಪಡೆಯುವಲ್ಲಿ ಯಶಸ್ವಿ ಆಗಿದ್ದಾರೆ.ಗಿಲ್​ ಆರಂಭದಿಂದಲೇ ಅಬ್ಬರಿಸುತ್ತಾ ಬ್ಯಾಟಿಂಗ್​ ಮಾಡಿದರು. ಶಾಹೀನ್​ ಅಫ್ರಿದಿಯ ಬೌಲಿಂಗ್​ನ್ನು ಸರಿಯಾಗಿ ಅರಿತ ಗಿಲ್​ ಕಟ್​, ಪುಲ್​ ಶಾಟ್​ಗಳನ್ನು ಲೀಲಾಜಾಲವಾಗಿ ಆಡಿದರು. ಇದರಿಂದ ಭಾರತ 10 ಓವರ್​ಗೆ ವಿಕೆಟ್ ನಷ್ಟವಿಲ್ಲದೇ 61 ರನ್​ ಗಳಿಸಿತ್ತು. 13ನೇ ಓವರ್​ನ್ನು ಶಾಬಾದ್​ ಖಾನ್​ ಮಾಡಿದರು. ಇಲ್ಲಿ ರೋಹಿತ್​ ಸ್ಕೋರ್​ಗೆ ಸ್ವಲ್ಪ ಆಕ್ಸಿಲರೇಟ್​ ಮಾಡಿದರು. ಖಾನ್​ ಓವರ್​ನಲ್ಲಿ 2 ಸಿಕ್ಸ್​ ಮತ್ತು ಒಂದು ಬೌಂಡರಿ ಗಳಿಸಿ 19 ರನ್​ ಕಲೆಹಾಕಿದರು.