ಒಲಿಂಪಿಕ್ ಚಾಂಪಿಯನ್ ನೀರಜ್ ಚೋಪ್ರಾ ಭಾನುವಾರ ಮತ್ತೊಮ್ಮೆ ಇತಿಹಾಸ ಬರೆದಿದ್ದು, ಪುರುಷರ ಜಾವೆಲಿನ್ ಫೈನಲ್‌ನಲ್ಲಿ 88.17 ಮೀಟರ್ ದೂರ ಎಸೆದು ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್‌ಶಿಪ್‌ನಲ್ಲಿ ಚಿನ್ನದ ಪದಕ ಗೆದ್ದ ಮೊದಲ ಭಾರತೀಯ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.

ಪದಕ ಸಮಾರಂಭದ ನಂತರ, ಚೋಪ್ರಾ ಜೂಮ್ ನಲ್ಲಿ ತಡರಾತ್ರಿ ಪತ್ರಿಕಾಗೋಷ್ಠಿಯನ್ನು ಉದ್ದೇಶಿಸಿ ಮಾತನಾಡಿದರು. ತಾವು ಶ್ರೇಷ್ಠ ಕ್ರೀಡಾಪಟುವೇ ಎಂದು ಮಾಧ್ಯಮದವರು ಕೇಳಿದಾಗ, ಅವರು ವಿಶ್ವ ದಾಖಲೆ ಹೊಂದಿರುವ ಜಾನ್ ಜೆಲೆಜ್ನಿ ಹೆಸರನ್ನು ಉಲ್ಲೇಖಿಸಿ, “ನಾನು ಸಾರ್ವಕಾಲಿಕ ಶ್ರೇಷ್ಠ ಎಂದು ಹೇಳುವುದಿಲ್ಲ. ನಾನು ಇನ್ನಷ್ಟು ಸುಧಾರಿಸಬೇಕು. ಜಾವೆಲಿನ್ ವಿಷಯಕ್ಕೆ ಬಂದಾಗ ಜಾನ್ ಜೆಲೆಜ್ನಿ ಸಾರ್ವಕಾಲಿಕ ಶ್ರೇಷ್ಠ ಆಟಗಾರ ಎಂದು ಚೋಪ್ರಾ ಹೇಳಿದರು.

ಮತ್ತೊಂದು ಪಂದ್ಯದಲ್ಲಿ, ಭಾರತೀಯರಾದ ಕಿಶೋರ್ ಜೆನಾ (84.77 ಮೀ) ಮತ್ತು ಡಿಪಿ ಮನು (84.14 ಮೀ) ಕ್ರಮವಾಗಿ ಐದು ಮತ್ತು ಆರನೇ ಸ್ಥಾನಗಳೊಂದಿಗೆ ಅಗ್ರ ಎಂಟರಲ್ಲಿ ಸ್ಥಾನ ಪಡೆದಿದ್ದಾರೆ. ಹಿಂದೆಂದೂ ಮೂರು ಭಾರತೀಯರು ವಿಶ್ವ ಚಾಂಪಿಯನ್‌ಶಿಪ್‌ನ ಸ್ಪರ್ಧೆಗಳಲ್ಲಿ ಅಗ್ರ ಎಂಟರಲ್ಲಿ ಸ್ಥಾನ ಪಡೆದಿರಲಿಲ್ಲ.