ಮಂಗಳೂರು: ಎಂಸಿಸಿ ಬ್ಯಾಂಕ್ ತನ್ನ ಆಡಳಿತ ಕಚೇರಿಯಲ್ಲಿ ಆ.15 ರಂದು 77 ನೇ ಸ್ವಾತಂತ್ರ‍್ಯ ದಿನವನ್ನು ಅತ್ಯಂತ ಉತ್ಸಾಹದಿಂದ ಆಚರಿಸಿತು.
ಈ ಸಂದರ್ಭದಲ್ಲಿಅವರ್ ಲೇಡಿ ಆಫ್ ಮಿಲಾಗ್ರಿಸ್‌ ಚರ್ಚ್ನ ಧರ್ಮ ಗುರು ರೆ| ಫಾ| ಬೋನವೆಂಚರ್ ನಜರೆತ್‌ ಅವರು ಪವಿತ್ರ ಬಲಿದಾನವನ್ನು ನೆರವೇರಿಸಿದರು.
ಬಳಿಕ ಕ್ಯಾರೆನ್‌ ಕ್ರಾಸ್ತಾ ಮತ್ತು ತಂಡದ ನೇತೃತ್ವದಲ್ಲಿ ಪ್ರಾರ್ಥನಾ ಗೀತೆಯೊಂದಿಗೆ ಸ್ವಾತಂತ್ರ‍್ಯ ದಿನಾಚರಣೆ ಕಾರ್ಯಕ್ರಮವು ಪ್ರಾರಂಭವಾಯಿತು.
ಸಭೆಯನ್ನು ಸ್ವಾಗತಿಸಿ ಮಾತನಾಡಿದ ಅಧ್ಯಕ್ಷ ಅನಿಲ್ ಲೋಬೊ, ಕಳೆದ ವರ್ಷ ಬ್ಯಾಂಕ್ ಮೊದಲ ಬಾರಿಗೆ ಸ್ವಾತಂತ್ರ‍್ಯ ದಿನಾಚರಣೆಯನ್ನು ಆಚರಿಸಿತು. ರಾಷ್ಟ್ರದ ಸ್ವಾತಂತ್ರ‍್ಯಕ್ಕಾಗಿ ಪ್ರಾಣತೆತ್ತ ಲಕ್ಷಾಂತರ ಸ್ವಾತಂತ್ರ‍್ಯ ಹೋರಾಟಗಾರರನ್ನು ಸ್ಮರಿಸುವ ಮತ್ತು ಗೌರವಿಸುವ ದಿನವಾದ ಸ್ವಾತಂತ್ರ‍್ಯ ದಿನಾಚರಣೆಯನ್ನುಆಚರಿಸುವ ಸಂಪ್ರದಾಯವನ್ನು ಬ್ಯಾಂಕ್ ಮುಂದುವರಿಸುತ್ತಿದೆ. ಬ್ಯಾಂಕ್ ತನ್ನ 110 ವರ್ಷಗಳ ಸೇವೆಯನ್ನು ಪೂರ್ಣಗೊಳಿಸಿದ ಸಂದರ್ಭದಲ್ಲಿ ರಾಷ್ಟ್ರದ ಜವಾಬ್ದಾರಿಯುತ ಹಣಕಾಸು ಸಂಸ್ಥೆಯಾಗಿ, ದೀನದಲಿತರಿಗೆ ಮತ್ತು ಸೌಲಭ್ಯ ವಂಚಿತರಿಗೆ ಸಹಾಯ ಮಾಡಿದೆ ಎಂದು ಹೇಳಿದರು.
ಸುನೀಲ್‌ ಕುಮಾರ್ ಬಜಾಲ್‌ ಧ್ವಜಾರೋಹಣ ನೆರವೇರಿಸಿ ಮಾತನಾಡಿ, ಸ್ವಾತಂತ್ರ‍್ಯೋತ್ಸವದ ಸಂಭ್ರಮಾಚರಣೆಯಲ್ಲಿ ಪ್ರಮುಖ ಸಹಕಾರಿ ಬ್ಯಾಂಕ್ ಒಂದರ ಆಡಳಿತ ಮಂಡಳಿ ಮತ್ತು ಸಿಬ್ಬಂದಿಯೊಂದಿಗೆ ಭಾಗವಹಿಸಲು ಸಂತೋಷವಾಗುತ್ತಿದೆ. ಅವಿಭಜಿತ ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ವಿವಿಧತೆಯಲ್ಲಿ ಏಕತೆಯ ಸಂಸ್ಕೃತಿಯನ್ನು ಹೊಂದಿರುವ ಈ ಮಹಾನ್‌ ರಾಷ್ಟ್ರದ ನಾಗರಿಕರಲ್ಲಿ ಏಕತೆಯ ಅಗತ್ಯವನ್ನುಒತ್ತಿ ಹೇಳಿದರು. ವಿಶೇಷವಾಗಿ ಯುವಕರು ಸಂವಿಧಾನದ ಪಾವಿತ್ರ‍್ಯತೆಯನ್ನು ಕಾಪಾಡಬೇಕು ಮತ್ತು ಸ್ವಾತಂತ್ರ‍್ಯದ ನೈಜ ಸಾರವನ್ನು ಸಾಧಿಸಲು ಸಮಾಜದ ಬಡ ಮತ್ತು ಅಂಚಿನಲ್ಲಿರುವ ವರ್ಗಗಳ ಮೇಲೆತ್ತಲು ಶ್ರಮಿಸಬೇಕು ಎಂದುಅವರು ಸಭೆಯನ್ನು ಒತ್ತಾಯಿಸಿದರು.
ಆಗಸ್ಟ್ ತಿಂಗಳಲ್ಲಿ ತಮ್ಮ ಹುಟ್ಟು ಹಬ್ಬವನ್ನು ಆಚರಿಸುತ್ತಿರುವ ಡೇವಿಡ್‌ ಡಿಸೋಜಾ, ಹೆರಾಲ್ಡ್ ಮೊಂತೇರೊ, ಜೆ.ಪಿ.ರೊಡ್ರಿಗಸ್ ಇವರನ್ನು ಸನ್ಮಾನಿಸಲಾಯಿತು. ಆಗಸ್ಟ್ 14 ರಂದು ತಮ್ಮ ಜನ್ಮ ದಿನವನ್ನು ಆಚರಿಸಿದ ಮ್ಯಾಕ್ಸಿಮ್ ಲಸ್ರಾದೊ ಅವರನ್ನು ಸಹ ಗೌರವಿಸಲಾಯಿತು. ಈ ಸಂದರ್ಭದಲ್ಲಿ ಸಿಬ್ಬಂದಿ ವರ್ಗದವರು ದೇಶಭಕ್ತಿ ಗೀತೆಗಳನ್ನು ಹಾಡಿದರು.
ಉಪಾಧ್ಯಕ್ಷ ಜೆರಾಲ್ಡ್ ಜೂಡ್ ಡಿಸಿಲ್ವಾ, ನಿರ್ದೇಶಕ ಡಾ.ಜೆರಾಲ್ಡ್ ಪಿಂಟೊ, ಆಂಡ್ರ‍್ಯೂ ಡಿಸೋಜಾ, ಅನಿಲ್ ಪತ್ರಾವೊ, ಎಲ್ರಾಯ್‌ ಕಿರಣ್‌ ಕ್ರಾಸ್ಟೊ, ರೋಶನ್‌ ಡಿಸೋಜಾ, ಮಾರ್ಸೆಲ್‌ ಡಿಸೋಜಾ ಮತ್ತುಐರಿನ್‌ ರೆಬೆಲ್ಲೊ, ವೃತ್ತಿಪರ ನಿರ್ದೇಶಕ ಸುಶಾಂತ್ ಸಲ್ಡಾನ್ಹಾ ಮತ್ತುಕ್ಲೆ ಮೆಂಟ್ ಪಿಂಟೋ, ಆಡಳಿತ ಮಂಡಳಿಯ ಸದಸ್ಯರಾದ ಶರ್ಮಿಳಾ ಮಿನೇಜಸ್, ಫೆಲಿಕ್ಸ್ಡಿಕ್ರೂಜ್ ಉಪಸ್ಥಿತರಿದ್ದರು.
ಕಾರ್ಕಳ ಶಾಖಾ ಪ್ರಬಂಧಕ ರಾಯನ್ ಪ್ರವೀಣ್ ಕೆ. ನಿರೂಪಿಸಿದರು. ಪ್ರಧಾನ ವ್ಯವಸ್ಥಾಪಕ ಸುನಿಲ್ ಮಿನೇಜಸ್ ವಂದಿಸಿದರು.
