ಹಾಲಿವುಡ್​ ನಟ ಮಾರ್ಕ್​ ಮಾರ್ಗೋಲಿಸ್​ ಅವರು ವಯೋಸಹಜ ಕಾಯಿಲೆಯಿಂದ ಗುರುವಾರ ನ್ಯೂಯಾರ್ಕ್​ ನಗರದ ಮೌಂಟ್​ ಸಿನಾಯ್​ ಆಸ್ಪತ್ರೆಯಲ್ಲಿ ನಿಧನರಾದರುಅವರಿಗೆ 83 ವರ್ಷ ವಯಸ್ಸಾಗಿತ್ತು. ನಟ ‘ಬ್ರೇಕಿಂಗ್​ ಬ್ಯಾಡ್’​ ಮತ್ತು ‘ಬೆಟರ್​ ಕಾಲ್​ ಸಾಲ್’​ ಶೋನ ಹೆಕ್ಟರ್​ ಸಲಾಮಾಂಕಾ ಪಾತ್ರಕ್ಕೆ ಹೆಸರು ವಾಸಿಯಾಗಿದ್ದಾರೆ. ಮಾರ್ಕ್ ಮಾರ್ಗೋಲಿಸ್​ ನಿಧನದ ಸುದ್ದಿಯನ್ನು ಅವರ ಮಗ ಮಾರ್ಗನ್​ ಮಾರ್ಗೋಲಿಸ್​ ಮಾಧ್ಯಮಕ್ಕೆ ತಿಳಿಸಿದ್ದಾರೆ..83 ವರ್ಷದ ಹಾಲಿವುಡ್​ ನಟ ಮಾರ್ಕ್​ ಮಾರ್ಗೋಲಿಸ್ ಅವರು ಗುರುವಾರ ನ್ಯೂಯಾರ್ಕ್​ ನಗರದ ಮೌಂಟ್​ ಸಿನಾಯ್​ ಆಸ್ಪತ್ರೆಯಲ್ಲಿ ನಿಧನರಾದರು.

ಮೊದಲಿಗೆ ರಂಗಭೂಮಿಯಲ್ಲಿ ತಮ್ಮನ್ನು ತಾವು ತೊಡಗಿಸಿಕೊಂಡರು. ‘ಇನ್​ಫಿಡೆಲ್​ ಸೀಸರ್’​ನಂತಹ ಮ್ಯೂಸಿಕಲ್ಸ್​ನಲ್ಲಿ ಪಾತ್ರಗಳನ್ನು ಪಡೆದರು. ಬಳಿಕ ‘ಅಂಕಲ್​ ಸ್ಯಾಮ್​’ ಮತ್ತು ‘ದಿ ಗೊಲೆಮ್’​ ಸೇರಿದಂತೆ ಸುಮಾರು 50 ಕ್ಕೂ ಹೆಚ್ಚು ಆಫ್​ ಬ್ರಾಡ್​ವೇ ನಿರ್ಮಾಣಗಳಲ್ಲಿ ಕಾಣಿಸಿಕೊಂಡರು. ‘ಬ್ರೇಕಿಂಗ್​ ಬ್ಯಾಡ್’​ ಮತ್ತು ‘ಬೆಟರ್​ ಕಾಲ್​ ಸಾಲ್’​ ಶೋಗಾಗಿ ಮಾರ್ಕ್​ ಮಾರ್ಗೋಲಿಸ್ ಹೆಚ್ಚು ಫೇಮಸ್​ ಆಗಿದ್ದಾರೆ.

ಮಾರ್ಕ್​ ಮಾರ್ಗೋಲಿಸ್ ಫೇಮಸ್​ ನಟ: ಹಾಲಿವುಡ್​ ಚಿತ್ರರಂಗಕ್ಕೆ ಮಾರ್ಕ್​ ಮಾರ್ಗೋಲಿಸ್ ಕೊಡುಗೆ ಅಪಾರ. ಸಾಕಷ್ಟು ಅದ್ಭುತ ಚಿತ್ರಗಳನ್ನು ನೀಡಿದ್ದಾರೆ. 2012 ರಲ್ಲಿ ಅವರು ‘ಬ್ರೇಕಿಂಗ್​ ಬ್ಯಾಡ್’ ಚಿತ್ರಕ್ಕಾಗಿ ಎಮ್ಮಿಗೆ ನಾಮ ನಿರ್ದೇಶನಗೊಂಡಿದ್ದರು. ಮಾರ್ಕ್​ ಮಾರ್ಗೋಲಿಸ್​ ಅವರು 1939 ರಲ್ಲಿ ಫಿಲಡೆಲ್ಫಿಯಾದಲ್ಲಿ ಜನಿಸಿದರು. ನಟನೆಯಲ್ಲಿ ಮುಂದುವರೆಯಲು ಆಸಕ್ತಿ ಹೊಂದಿದ್ದ ಅವರು, ಚಿಕ್ಕ ವಯಸ್ಸಿನಲ್ಲಿಯೇ ನ್ಯೂಯಾರ್ಕ್​ಗೆ ಪ್ರಯಾಣ ಬೆಳೆಸಿದರು.

ಮಾರ್ಕ್ ಮಾರ್ಗೋಲಿಸ್​ ‘ಬ್ರೇಕಿಂಗ್​ ಬ್ಯಾಡ್’​ ಮತ್ತು ‘ಬೆಟರ್​ ಕಾಲ್​ ಸಾಲ್’​ ಮಾತ್ರವಲ್ಲದೇ, ‘ದಿ ಈಕ್ವಲೈಜರ್’​, ‘ಓಜ್’​, ‘ಕಿಂಗ್ಸ್​’ ಮತ್ತು ‘ಅಮೆರಿಕನ್​ ಹಾರರ್​ ಸ್ಟೋರಿ: ಅಸಿಲಮ್’​ ಸೇರಿದಂತೆ ಅನೇಕ ದೂರದರ್ಶನ ಸರಣಿಗಳಲ್ಲಿ (ಧಾರಾವಾಹಿ) ಅಭಿನಯಿಸಿದ್ದಾರೆ. ಜೊತೆಗೆ ‘ಕ್ಯಾಪಿಫೋರ್ನಿಕೇಷನ್’, ‘ಗೋಥಮ್’​, ‘ಕ್ರಾಸಿಂಗ್​ ಜೋರ್ಡಾನ್​’ ಮತ್ತು ‘ದಿ ಅಫೇರ್​’ನಲ್ಲಿ ಅತಿಥಿ ಪಾತ್ರದಲ್ಲಿ ನಟಿಸಿದ್ದಾರೆ.ಬ್ರಿಯಾನ್​ ಕಾನ್ಸ್​ಟನ್ ಸಂತಾಪ: ‘ಬ್ರೇಕಿಂಗ್​ ಬ್ಯಾಡ್’ ಚಿತ್ರದ ಪ್ರಮುಖ ನಟ ಬ್ರಿಯಾನ್​ ಕಾನ್ಸ್​ಟನ್​ ಅವರು ಮಾರ್ಕ್​ ಮಾರ್ಗೋಲಿಸ್ ನಿಧನಕ್ಕೆ ಸಂತಾಪ ಸೂಚಿಸಿದ್ದಾರೆ. ಇನ್​ಸ್ಟಾದಲ್ಲಿ ಫೋಟೋ ಹಂಚಿಕೊಂಡಿರುವ ಅವರು, “ಗೆಳೆಯನ ಅಗಲಿಕೆಯ ಸುದ್ದಿ ತಿಳಿದು ಬಹಳ ನೋವಾಗಿದೆ. ಮಾರ್ಕ್​ ಮಾರ್ಗೋಲಿಸ್​ ಒಬ್ಬ ಅದ್ಭುತ ನಟ ಹಾಗೂ ತುಂಬಾ ಒಳ್ಳೆಯ ಮನುಷ್ಯ. ಬ್ರೇಕಿಂಗ್​ ಬ್ಯಾಡ್​ ಮತ್ತು ಯುವರ್​ ಓನರ್​ ಸೆಟ್​ನಲ್ಲಿ ಅವನು ಮಾಡುತ್ತಿದ್ದ ಮೋಜು, ಹಾಸ್ಯ ತುಂಬಾ ಚೆನ್ನಾಗಿತ್ತು. ಹಾಸ್ಯದ ಮೂಲಕ ಇತರರಿಗೆ ನಗುವನ್ನು ಉಣಬಡಿಸುತ್ತಿದ್ದನು. ನಾನು ಈಗಾಗಲೇ ಅವನನ್ನು ಮಿಸ್​ ಮಾಡಿಕೊಳ್ಳುತ್ತಿದ್ದೇನೆ.” ಎಂದು ಬರೆದುಕೊಂಡಿದ್ದಾರೆ.