ಮೀರ್‌ಪುರ್ (ಬಾಂಗ್ಲಾದೇಶ): ಢಾಕಾದ ಶೇರ್ -ಎ- ಬಾಂಗ್ಲಾ ರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ಮಳೆ ಕಾರಣ ಡಿಎಲ್​ಎಸ್​ ಅನ್ವಯ 44 ಓವರ್​ಗಳಿಗೆ ಏಕದಿನ ಪಂದ್ಯವನ್ನು ಸೀಮಿತಗೊಳಿಸಲಾಗಿತ್ತು. ಟಾಸ್​ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಬಾಂಗ್ಲಾ ತಂಡ 34 ಓವರ್​ಗಳಲ್ಲಿ 152 ರನ್​ ಗಳಿಸಿ ಆಲೌಟ್​ ಆಗಿತ್ತು. ಈ ಸಾಧಾರಣ ಮೊತ್ತದ ಗುರಿ ತಲುಪುವಲ್ಲಿ ಭಾರತೀಯ ತಂಡ ವಿಫಲವಾಗಿದೆ. 35.5 ಓವರ್​ಗಳಲ್ಲಿ ಕೇವಲ 113 ರನ್​ಗಳಿಗೆ ಸರ್ವಪತನ ಕಂಡಿದೆ. ಈ ಗೆಲುವಿನ ಮೂಲಕ ಬಾಂಗ್ಲಾ ಮಹಿಳಾ ತಂಡವು ಐತಿಹಾಸ ನಿರ್ಮಿಸಿದೆ. ಇದು ಭಾರತದ ವಿರುದ್ಧ ಬಾಂಗ್ಲಾ ಕಂಡ ಮೊದಲ ಏಕದಿನ ಪಂದ್ಯದ ಜಯವಾಗಿದೆಏಕದಿನ ಮಾದರಿ ಕ್ರಿಕೆಟ್​ನಲ್ಲಿ ಬಾಂಗ್ಲಾದೇಶದ ವಿರುದ್ಧ ಭಾರತೀಯ ವನಿತೆಯರ ತಂಡ ಮೊದಲ ಬಾರಿಗೆ ಸೋಲು ಕಂಡಿದೆ. ಭಾರತ ಮತ್ತು ಬಾಂಗ್ಲಾ ನಡುವಿನ ಮೂರು ಪಂದ್ಯಗಳ ಏಕದಿನ ಸರಣಿಯ ಮೊದಲ ಪಂದ್ಯದಲ್ಲಿ ಹರ್ಮನ್‌ಪ್ರೀತ್ ಕೌರ್ ಬಳಗ ಬ್ಯಾಟಿಂಗ್​ ವೈಫಲ್ಯ ಅನುಭವಿಸಿದ್ದು, 40 ರನ್​ಗಳಿಂದ ಸೋಲಿಗೆ ಶರಣಾಗಿದೆ.ಭಾರತ ಮತ್ತು ಬಾಂಗ್ಲಾದೇಶ ನಡುವಿನ ಮೂರು ಪಂದ್ಯಗಳ ಏಕದಿನ ಸರಣಿಯಲ್ಲಿ ಬಾಂಗ್ಲಾ ಮಹಿಳಾ ತಂಡವು ಐತಿಹಾಸ ನಿರ್ಮಿಸಿದೆ.

ಮೊದಲು ಟಾಸ್​ ಗೆದ್ದು ಬೌಲಿಂಗ್​ ಆಯ್ಕೆ ಮಾಡಿಕೊಂಡ ಹರ್ಮನ್‌ಪ್ರೀತ್ ಕೌರ್ ಪಡೆ ಉತ್ತಮವಾದ ಬೌಲಿಂಗ್​ ಪ್ರರ್ದಶಿಸಿತ್ತು. ಆದರೆ, ಸ್ಥಿರ ಬ್ಯಾಟಿಂಗ್​ ಮಾಡುವಲ್ಲಿ ಆಟಗಾರ್ತಿಯರಿಗೆ ಸಾಧ್ಯವಾಗಲಿಲ್ಲ. ಪಂದ್ಯದ ಉದ್ದಕ್ಕೂ ತಂಡದ ರನ್​ ರೇಟ್​ಗೆ ಯಾವುದೇ ಕೊರತೆ ಇರಲಿಲ್ಲ. ನಿರಂತರವಾಗಿ ವಿಕೆಟ್‌ಗಳನ್ನು ಕಳೆದುಕೊಂಡು ಆಘಾತಕ್ಕೆ ಸಿಲುಕಿತು. ದೀಪ್ತಿ ಶರ್ಮಾ ಭಾರತ ಪರವಾಗಿ ವೈಯಕ್ತಿಕ ಗರಿಷ್ಠ 20 ರನ್​ ಗಳಿಸಲು ಶಕ್ತರಾದರು.
ಮೂರನೇ ಕ್ರಮಾಂಕದಲ್ಲಿ ಬಂದಿದ್ದ ಯಾಸ್ತಿಕಾ ಭಾಟಿಯಾ (15) ಅವರನ್ನು ರಬೇಯಾ ಖಾನ್ ಬೌಲ್ಡ್​ ಮಾಡಿದರು. ನಂತರ ಜೆಮಿಮಾ ರಾಡ್ರಿಗಸ್ (10) ಸಹ ರಬೇಯಾ ಖಾನ್ ಬೌಲಿಂಗ್​ನಲ್ಲಿ ಕ್ಯಾಚಿತ್ತು ನಿರ್ಮಿಸಿದರು. ಈ ಮೂಲಕ 61 ರನ್​ಗೆ ಭಾರತ ಪ್ರಮುಖ ಐದು ವಿಕೆಟ್​ಗಳನ್ನು ಕಳೆದುಕೊಂಡಿತು. ಇದರ ನಡುವೆ ದೀಪ್ತಿ ಶರ್ಮಾ ಮತ್ತು ಅಮನ್‌ಜೋತ್ ಕೌರ್ ಜೋಡಿ ತಂಡಕ್ಕೆ ಆಸರೆಯಾಗುವ ಮನ್ಸೂಚನೆ ನೀಡಿತ್ತು. 6ನೇ ವಿಕೆಟ್‌ಗೆ 30 ರನ್‌ಗಳ ಜೊತೆಯಾಟ ನೀಡಿತ್ತು. ಆದರೆ, ತಂಡದ ಮೊತ್ತ 91 ರನ್​ ಆಗಿದ್ದಾಗ ಮಾರುಫಾ ಅಕ್ಟರ್‌ ಹಾಗೂ ರಬೇಯಾ ಖಾನ್ ಮತ್ತೆ ಭಾರತಕ್ಕೆ ಶಾಕ್​ ನೀಡಿದರು. ಈ ಇಬ್ಬರ ಬೌಲಿಂಗ್​ನಲ್ಲಿ ಭಾರತ ಹ್ಯಾಟ್ರಿಕ್​ ವಿಕೆಟ್​ ಕಳೆದುಕೊಂಡಿತು.
ಮಾರುಫಾ ಅಕ್ಟರ್‌ ಹಾಗೂ ರಬೇಯಾ ಖಾನ್ ಮಿಂಚು: ಬಾಂಗ್ಲಾ ಬೌಲರ್​​​ಗಳಾದ ಮಾರುಫಾ ಅಕ್ಟರ್‌ ಹಾಗೂ ರಬೇಯಾ ಖಾನ್ ಅವರು ಭಾರತೀಯ ಬ್ಯಾಟರ್​ಗಳನ್ನು ಕಾಡಿದರು. ಮಾರುಫಾ ಅಕ್ಟರ್‌ ಅವರು ಆರಂಭಿಕರಾದ ಸ್ಮೃತಿ ಮಂಧಾನ (11), ಪ್ರಿಯಾ ಪೂನಿಯಾ (10) ಅವರನ್ನು ಬೇಗ ಕಟ್ಟಿ ಹಾಕಿದರು. ನಾಲ್ಕನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್​ ಇಳಿದ ನಾಯಕಿ ಹರ್ಮನ್‌ಪ್ರೀತ್ ಕೌರ್ 5 ರನ್​ಗೆ ನಹಿದಾ ಆಕ್ಟರ್ ಬೌಲಿಂಗ್​ನಲ್ಲಿ ಎಲ್​ಬಿ ಬಲೆಗೆ ಸಿಲುಕಿ ಪೆವಿಲಿಯನ್​ ಸೇರಿದರು.

ಪಾದಾರ್ಪಣೆ ಪಂದ್ಯದಲ್ಲಿ 4 ಟಿಕೆಟ್​ ಕಿತ್ತಿದ್ದ ಅಮನ್‌ಜೋತ್ ಕೌರ್: ಮತ್ತೊಂದೆಡೆ, ಭಾರತ ತಂಡ ಸೋತರೂ ಪಾದಾರ್ಪಣೆ ಪಂದ್ಯದಲ್ಲೇ ಅಮನ್‌ಜೋತ್ ಕೌರ್ ಬೌಲಿಂಗ್​ನಲ್ಲಿ ಗಮನ ಸೆಳೆದರು. ತಮ್ಮ ಚೊಚ್ಚಲ ಪಂದ್ಯದಲ್ಲಿ ಅಮನ್‌ಜೋತ್ ಕೌರ್ 4 ಟಿಕೆಟ್​ ಕಬಳಿಸಿದರು. 9 ಓವರ್​ ಬೌಲ್​ ಮಾಡಿದ 23 ವರ್ಷದ ಯುವ ಆಟಗಾರ್ತಿ 2 ಮೇಡಿನ್​ಗಳೊಂದಿಗೆ 31 ರನ್​ ನೀಡಿ 4 ವಿಕೆಟ್​ ಪಡೆದರು. ಆದರೆ, 9 ವೈಡ್​ಗಳನ್ನು ಕೌರ್​ ಎಸೆದರು.
28ನೇ ಓವರ್​ ಎಸೆದ ಮಾರುಫಾ ಅಕ್ಟರ್‌ ಕೊನೆಯ ಎರಡು ಬಾಲ್​ಗಳಲ್ಲಿ ಅಮನ್‌ಜೋತ್ ಕೌರ್ (15) ಹಾಗೂ ಸ್ನೇಹಾ ರಾಣಾ (0) ವಿಕೆಟ್​ ಕಿತ್ತಿದರು. ನಂತರದ ಓವರ್​ನಲ್ಲಿ ಬೌಲಿಂಗ್ ಮಾಡಿದ ರಬೇಯಾ ಖಾನ್ ಮೊದಲ ಎಸತೆದಲ್ಲಿ ದೀಪ್ತಿ ಶರ್ಮಾ ವಿಕೆಟ್​ ಉರುಳಿಸಿದರು. ಇದರಿಂದ ಭಾರತ ದಿಢೀರ್​ ಕುಸಿತ ಕಂಡು ಸೋಲಿನ ಸುಳಿಗೆ ಸಿಲುಕಿತು. ಕೊನೆಯಲ್ಲಿ ಪೂಜಾ ವಸ್ತ್ರಕರ್ 7 ರನ್​ ಹಾಗೂ ಬಾರೆಡ್ಡಿ ಅನುಷಾ 2 ರನ್​ ಹಾಗೂ ದೇವಿಕಾ ವೈದ್ಯ ಅಜೇಯ 10 ರನ್​ಗೆ ಸೀಮಿತವಾದರು. ಬಾಂಗ್ಲಾ ಪರ ಮಾರುಫಾ ಅಕ್ಟರ್‌ 29 ರನ್​ಗೆ 4 ವಿಕೆಟ್​ ಪಡೆದರೆ, ರಬೇಯಾ ಖಾನ್ 30 ರನ್​ಗೆ 3 ವಿಕೆಟ್​ ಪಡೆದು ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದರು.