ನವದೆಹಲಿ:ಯಾವುದೇ ಮೆಸೇಜ್​​ಗಳು ಬರದೇ ಟ್ವಿಟರ್​ ಖಾತೆದಾರರು ಕಿರಿಕಿರಿ ಅನುಭವಿಸಿದರು. ಯಾವುದೇ ಸಂದೇಶಗಳು ಟ್ವಿಟರ್ ಪರದೆ ಮೇಲೆ ಕಾಣಿಸದೇ ದಿಕ್ಕು ತೋಚದಂತಹ ಪರಿಸ್ಥಿತಿ ಕೂಡಾ ಎದುರಿಸಿದರು.
ವಿಶ್ವದ ಅತ್ಯಂತ ಜನಪ್ರಿಯ ಮೈಕ್ರೋ – ಬ್ಲಾಗಿಂಗ್ ಪ್ಲಾಟ್‌ಫಾರ್ಮ್ ಟ್ವಿಟರ್ ಶನಿವಾರ ತನ್ನ ಕಾರ್ಯವನ್ನು ನಿಲ್ಲಿಸಿತ್ತು.

ಮೈಕ್ರೋ – ಬ್ಲಾಗಿಂಗ್ ಪ್ಲಾಟ್‌ಫಾರ್ಮ್ ಟ್ವಿಟರ್ ವಿಶ್ವಾದ್ಯಂತ ಸಮಸ್ಯೆಗೆ ಒಳಗಾಗಿತ್ತು. ಟ್ವಿಟರ್ ಗ್ರಾಹಕರು ಟ್ವಿಟರ್ ಸೇವೆಯಲ್ಲಿನ ಅಡೆತಡೆಯಿಂದ ಭಾರಿ ಸಂಕಷ್ಟಕ್ಕೆ ಒಳಗಾದರು.

ಇದು ನಮ್ಮ- ನಿಮ್ಮ ಸಮಸ್ಯೆ ಮಾತ್ರವಲ್ಲ ಜಾಗತಿಕವಾಗಿ ಕಂಡು ಬಂದ ಸಮಸ್ಯೆ ಎಂದು ನಂತರ ತಿಳಿದು ಬಂದಿದೆ. ಟ್ವೀಟ್ ಅನ್ನು ವೀಕ್ಷಿಸಲು ಅಥವಾ ಪೋಸ್ಟ್ ಮಾಡಲು ಪ್ರಯತ್ನಿಸಿದಾಗ ಈ ಸಮಸ್ಯೆ ಅರಿವಿಗೆ ಬಂದಿದೆ. ಯಾವುದೇ ಸಂದೇಶ ಟ್ವಿಟರ್​ ಪರದೇ ಮೇಲೆ ಕಾಣಿಸಲಿಲ್ಲ, ಹಾಗೂ ಪೋಸ್ಟ್​ ಕೂಡಾ ಮಾಡಲು ಆಗದೇ ಪರದಾಟ ನಡೆಸಿದರು. ಅಲ್ಲದೇ ರಿಫ್ರೆಸ್​ ಸಹ ಮಾಡಲು ಆಗದೇ ಇನ್​ ಕನ್ವಿನೆನ್ಸ್ ಎಂಬ ಸಂದೇಶವನ್ನು ಪಡೆದುಕೊಂಡಿದ್ದಾರೆ.

ಔಟ್ಟೇಜ್ ಮಾನಿಟರ್ ವೆಬ್‌ಸೈಟ್ ‘ಡೌನ್ ಡಿಟೆಕ್ಟರ್’ ಟ್ವಿಟರ್​​ ನಲ್ಲಿ ಆದ ಸಮಸ್ಯೆ ಬಗ್ಗೆ ಸುದ್ದಿ ಮಾಡಿದೆ. ಅವರು ಹೇಳುವ ಪ್ರಕಾರ , ಖಾತೆದಾರರು ತಾವು ಎದುರಿಸಿದ ಸಮಸ್ಯೆಗಳ ಬಗ್ಗೆ ವರದಿ ಮಾಡಿದ್ದಾರೆ. ಸುಮಾರು 4000 ಸಾವಿರ ಮಂದಿ ಈ ಬಗ್ಗೆ ದೂರು ನೀಡಿದ್ದಾರೆ ಎಂದು ವರದಿ ಮಾಡಿದೆ.

ಖಾತೆದಾರರೊಬ್ಬರು ಸಮಸ್ಯೆ ಬಗ್ಗೆ ಅರಿಯಲು ಟ್ವಿಟರ್​ ಓಪನ್​ ಮಾಡಿದಾಗ, ಟ್ವಿಟರ್ ಖಾತೆ ಕೆಲಸ ಮಾಡಲಿಲ್ಲ #TwitterDown” ಎಂದು ಬೇರೆ ಬೇರೆ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದ್ದಾರೆ.
ಎಲಾನ್​ ಮಸ್ಕ್​​​​​ ಇತ್ತೀಚೆಗೆ ಟ್ವಿಟರ್​ ಖರೀದಿಸಿದ್ದರು. ಇದಾದ ಬಳಿಕ ಟ್ವಿಟರ್​​ನ ಸಂಸ್ಥಾಪಕರು, ಅದರ ಭಾರತೀಯ ಮೂಲದ ಸಿಇಒ ಸೇರಿದಂತೆ ಎಲ್ಲರೂ ಟ್ವಿಟರ್ ತೊರೆದಿದ್ದರು. ಮಸ್ಕ್​ ತೆಕ್ಕೆಗೆ ಬರುತ್ತಿದ್ದಂತೆ ಟ್ವಿಟರ್​ನಲ್ಲಿ ಭಾರಿ ಬದಲಾವಣೆ ಮಾಡಲಾಗಿತ್ತು. ಇತ್ತೀಚೆಗಷ್ಟೇ ಟ್ವಿಟರ್​ಗೆ ಹೊಸ ಸಿಇಒ ಕೂಡಾ ನೇಮಕಗೊಂಡಿದ್ದಾರೆ.

ಬಳಕೆದಾರರು ಈ ಬಗ್ಗೆ ಹಲವು ಕಾಮೆಂಟ್ ಗಳನ್ನು ಮಾಡಿದ್ದಾರೆ: “ಟ್ವಿಟರ್ ಡೌನ್ ಆಗಿದೆಯೇ? ಯಾರಾದರೂ ಅದೇ ಸಮಸ್ಯೆಯನ್ನು ಎದುರಿಸುತ್ತಿದ್ದಾರೆಯೇ? ಕಾಮೆಂಟ್‌ಗಳ ವಿಭಾಗವನ್ನು ತೆರೆಯಲು ಸಾಧ್ಯವಾಗುತ್ತಿಲ್ಲ” ಎಂಬ ಸಂದೇಶಗಳನ್ನು ಬೇರೆ ಬೇರೆ ಸಂದೇಶ ವಾಹಕಗಳ ಮೂಲಕ ತಮಗೆ ಆದ ಸಮಸ್ಯೆಯನ್ನು ವಿವರಿಸುತ್ತಿದ್ದಾರೆ.ಒಟ್ಟಿನಲ್ಲಿ ಟ್ವಿಟರ್​ ಹಲವು ಗಂಟೆಗಳ ಕಾಲ ತನ್​ ಕೆಲಸವನ್ನು ನಿಲ್ಲಿಸಿತ್ತು. ಇದರಿಂದಾಗಿ ವಿಶ್ವಾದ್ಯಂತ ಕೋಟ್ಯಂತರ ಬಳಕೆದಾರರು ಸಂಕಷ್ಟ ಎದುರಿಸಿದ್ದಂತೂ ಸುಳ್ಳಲ್ಲ.”ಟ್ವಿಟರ್ ಇಂಜಿನಿಯರ್‌ಗಳು ಈ ಸಮಸ್ಯೆಯನ್ನು ಪರಿಹರಿಸಲು ಕೆಲಸ ಮಾಡುತ್ತಿದ್ದಾರೆ ಎಂದು ಇನ್ನೊಬ್ಬ ಬಳಕೆದಾರರು ತಮ್ಮ ಅನಿಸಿಕೆ ವ್ಯಕ್ತಪಡಿಸಿದ್ದಾರೆ ಎಂದು ಔಟ್ಟೇಜ್ ಮಾನಿಟರ್ ವೆಬ್‌ಸೈಟ್​ ವರದಿ ಮಾಡಿದೆ.