ದಾಕ್ಷಾಯಣಿ ಟಾಕೀಸ್ ಪ್ರಸ್ತುತಪಡಿಸುತ್ತಿರುವ “ಅಜ್ಞಾತವಾಸಿ” ಚಿತ್ರದ ಅಧಿಕೃತ ಟೀಸರ್ ಬಿಡುಗಡೆಯಾಗಿದ್ದು, ಕುತೂಹಲಕಾರಿಯಾಗಿದೆ. ಗೋಧಿ ಬಣ್ಣ ಸಾಧಾರಣ ಮೈಕಟ್ಟು, ಕವಲುದಾರಿ ಮತ್ತು ಸಪ್ತಸಾಗರದಾಚೆ ಎಲ್ಲೋ ತಯಾರಕರಿಂದ ಮತ್ತೊಂದು ಸಸ್ಪೆನ್ಸ್ ಥ್ರಿಲ್ಲರ್ ಮಾದರಿಯ ಅಜ್ಞಾತವಾಸಿ ಚಿತ್ರದ ಟೀಸರ್ ಚಿತ್ರದ ಬಗ್ಗೆ ನಿರೀಕ್ಷೆಗಳನ್ನು ಹೆಚ್ಚಿಸುತ್ತಿದೆ.
ರಂಗಾಯಣ ರಘು, ಪಾವನ, ರವಿಶಂಕರ್ ತಾರಾಗಣವಿದ್ದು, ಗುಲ್ಟೂ ಚಿತ್ರ ನಿರ್ದೇಶಿಸಿದ್ದ ಜನಾರ್ಧನ್ ಚಿಕ್ಕಣ್ಣ ಆಕ್ಷನ್ ಕಟ್ ಹೇಳಿದ್ದಾರೆ. ಚಿತ್ರವನ್ನು ಹೇಮಂತ್ ಎಂ ರಾವ್, ಪ್ರಚುರ ಪಿ ಪಿ, ಜಯಲಕ್ಷ್ಮಿ ನಿರ್ಮಿಸಿದ್ದಾರೆ. ಕೃಷ್ಣರಾಜ್ ಚಿತ್ರಕಥೆ ಇದೆ. ಚಿತ್ರದ ಎಲ್ಲಾ ಟ್ರ್ಯಾಕ್ ಗಳನ್ನು ಚರಣ್ ರಾಜ್ ಕಂಪೋಸ್ ಮಾಡಿದ್ದು ಭರತ್ ಎಂಸಿ ಸಂಕಲನ ಹಾಗೂ ಅದ್ವೈತ್ ಗುರುಮೂರ್ತಿ ಛಾಯಾಗ್ರಹಣ ವಿಭಾಗದಲ್ಲಿ ದುಡಿದಿದ್ದಾರೆ.
ನಿಗೂಢ ಪಟ್ಟಣದ ಕೊಲೆ ತನಿಖೆಯ ಸುತ್ತ ಈ ಚಿತ್ರ ಸುತ್ತುತ್ತಿದ್ದು, ಟೀಸರ್ ನಿಂದಲೇ ಕುತೂಹಲ ಕೆಣಕುತ್ತಿದೆ.
