ಉಡುಪಿ: ಸಹಾಯ ಹಸ್ತ ಮಣಿಪಾಲ ಲಯನ್ಸ್ ಚಾರಿಟೇಬಲ್ ಫೌಂಡೇಶನ್ ಇದರ ಪ್ರಾಯೋಜಕತ್ವದಲ್ಲಿ ಹೊಸತೊಂದು ಕಾರ್ಯಕ್ರಮವನ್ನು ಆಯೋಜಿಸಲಾಗಿದೆ. ಅದುವೇ ಹಾಡು ನೀ ಹಾಡು ಸೀಸನ್ ಒನ್ ಸಿಂಗಿಂಗ್ ರಿಯಾಲಿಟಿ ಶೋ. ಪ್ರತಿಭಾವಂತ ಗಾಯಕ-ಗಾಯಕಿ ಮಕ್ಕಳಿಗೆ ಇದು ದೊಡ್ಡ ವೇದಿಕೆಯಾಗಿದೆ. ಉಡುಪಿ ಮತ್ತು ದಕ್ಷಿಣ ಕನ್ನಡದ ಗ್ರಾಮೀಣ ಭಾಗದ ಪ್ರತಿಭಾವಂತ ಗಾಯಕ-ಗಾಯಕಿ ಮುದ್ದು ಪುಟಾಣಿಗಳಿಗೆ ಇಲ್ಲಿ ಹಾಡುವ ಅವಕಾಶ ಸಿಕ್ಕಿದೆ. ಈಗಾಗಲೇ 40 ಅಭ್ಯರ್ಥಿಗಳ ಮೆಗಾ ಆಡಿಷನ್ ನಡೆದಿದ್ದು, ಕಾರ್ಯಕ್ರಮದ ರಿಯಲ್ ಗೇಮ್ ಶುರುವಾಗಿದೆ. 30 ಮುದ್ದು ಪುಟಾಣಿ ಸ್ವರ ಗಾನ ಕೋಗಿಲೆಗಳಿಂದ ಹಾಡು ನೀ ಹಾಡು ಸಿಂಗಿಂಗ್ ಶೋ ಹೊಸ ಪ್ರತಿಭೆಗಳೊಂದಿಗೆ ಶುಭಾರಂಭಗೊಂಡಿದೆ. ಈ ರಿಯಾಲಿಟಿ ಶೋ ಡಿ. 10 ರಿಂದ ಪ್ರತಿ ಶನಿವಾರ ಮತ್ತು ಭಾನುವಾರ ರಾತ್ರಿ 8 ಗಂಟೆಗೆ ವಿ4 ನ್ಯೂಸ್ ಕರ್ನಾಟಕ ಚಾನೆಲ್ ನಲ್ಲಿ ಪ್ರಸಾರವಾಗಲಿದೆ. ತಪ್ಪದೆ ವೀಕ್ಷಿಸಿ. ಉಡುಪಿ ಮತ್ತು ದಕ್ಷಿಣ ಕನ್ನಡದ ಹಾಡುವ ಮುದ್ದು ಪ್ರತಿಭೆಗಳಿಗೆ ಪ್ರೋತ್ಸಾಹ ನೀಡಿ.