ಮಣಿಪಾಲ: ಮಾಯಾ ಕಾಮತ್ ಈಶ್ವರ ನಗರ ಮಣಿಪಾಲ ಇವರ ಸಂಯೋಜನೆಯಲ್ಲಿ ಮಹಾ ಮಾಯಾ ಭಜನೆ ಮಂಡಳಿಯ 15ನೇ ವಾರ್ಷಿಕೋತ್ಸವದ ಪ್ರಯುಕ್ತ ಸೋಮವಾರದಂದು ಸಂಜೆ 4 ಗಂಟೆಯಿಂದ 6ಗಂಟೆ ತನಕ ವಿಶ್ರಾಂತಿಧಾಮ ಆಶ್ರಮ ಆದರ್ಶ್ ನಗರ ಮಣಿಪಾಲದಲ್ಲಿ ಭಜನೆ ಕಾರ್ಯಕ್ರಮ ನಡೆಯಿತು.

ಆಶ್ರಮದ ಪ್ರಮುಖರಾದ ಗಣಪತಿ ನಾಯಕ್ ಮಂಚಿ ಇವರು ಕಾರ್ಯಕ್ರಮವನ್ನು ಉದ್ಘಾಟಿಸಿ ಶುಭ ಹಾರೈಸಿದರು.

ಮುಖ್ಯ ಅತಿಥಿಯಾಗಿ ನಗರಸಭಾಧ್ಯಕ್ಷೆ ಸುಮಿತ್ರ ನಾಯಕ್, ರಾಷ್ಟ್ರಿಯ ಮಹಿಳಾ ಆಯೋಗ ಮಾಜಿ ಸದಸ್ಯೆ ಶ್ರೀಮತಿ ಶಾಮಲಾ ಕುಂದರ್ , ಈಶ್ವರ ನಗರ ನಗರಸಭಾ ಸದಸ್ಯೆ ಮಂಜುನಾಥ್ ಮಣಿಪಾಲ, ಕೊಡವೂರು ನಗರಸಭಾ ಸದಸ್ಯ ವಿಜಯ ಕೊಡವೂರು, ಜಿಲ್ಲಾ ವರ್ತಕ ಸಂಘದ ಅಧ್ಯಕ್ಷ ಸಹನಶೀಲ ಪೈ, ಮಹಾಮಯಾ ಭಜನಾ ಮಂಡಳಿಯ ಸ್ಥಾಪನಾ ಅಧ್ಯಕ್ಷೆ ಶ್ರೀಮತಿ ಮೋಹಿನಿ ಭಟ್ ಮಂಜೇಶ್ವರ ಭಾಗವಹಿಸಿದ್ದರು.

ಕ್ರೀಡೆಯಲ್ಲಿ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪಡೆದ ಶ್ರೀಮತಿ ಅರುಣಕಲಾ ಎಸ್. ರಾವ್ ಬೊಮ್ಮರಬೆಟ್ಟು ಹಿರಿಯಡ್ಕ, ನಾದಸ್ವರ ವದನದಲ್ಲಿ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪಡೆದ ನೀಲಾಧರ ಶೇರಿಗಾರ್ ಕಾಪು, ಆಶಾ ಕಾರ್ಯಕರ್ತೆ ಶ್ರೀಮತಿ ಮಾಲಿನಿ ಸುವರ್ಣ ಉಪ್ಪೂರು, ಶ್ರೀಮತಿ ಶೋಭಾ ಪ್ರಭಾಕರ್ ಕಾಪು ಇವರನ್ನು ಸನ್ಮಾನಿಸಲಾಯಿತು.

ವಿದ್ಯಾ ಶರ್ಮಾ,ಸುಮಾನಾಯಕ್, ಗೀತಾ ಕಾಪು,ಜ್ಯೋತಿ ನಾಯಕ್, ಜ್ಯೋತಿ, ಮಾಧವಿ, ಕಿಶೋರ್, ಪ್ರಸಾದ್ ಉಪಸ್ಥಿತರಿದ್ದರು.

ಶ್ರೀಮತಿ ಸವಿತಾ ಶೆಟ್ಟಿ ಮಣಿಪಾಲ ನಿರೂಪಿಸಿದರು.