ಮಲ್ಪೆ: ಇಲ್ಲಿನ ಸಮುದ್ರದಲ್ಲಿ ನೀರಾಟವಾಡಲು ನೀರಿಗೆ ಇಳಿದಿದ್ದ ಪ್ರವಾಸಿಗರು ಕಡಲಿನ ಅಲೆಯ ಸೆಳೆತಕ್ಕೆ ಸಿಲುಕಿದ್ದು, ಇದರಲ್ಲಿ ಓರ್ವ ಮೃತಪಟ್ಟಿದ್ದು, 6 ಮಂದಿಯನ್ನು ರಕ್ಷಿಸಲಾಗಿದೆ.

ಬೆಂಗಳೂರಿನ ಅಬ್ರಾರ್ ಎನ್ನುವವರು ಮೃತಪಟ್ಟವರು. ಮೈಸೂರಿನ ತೊಸಿಬ್, ತಮಿಳುನಾಡಿನ ಸೆಂಥಿಲ್, ಬಿಜಾಪುರದ ಬಸವರಾಜು, ನಮಾಜ್, ಸೋಹಮ್ ಮತ್ತು ಬೆಂಗಳೂರಿನ ಸಲಾಂ ಚೆರ್ರಿ ಎನ್ನುವವರನ್ನು ರಕ್ಷಿಸಲಾಗಿದೆ.

ಮಂಗಳವಾರ ಮಧ್ಯಾಹ್ನ ಮಲ್ಪೆ ಬೀಚ್ ನಲ್ಲಿ ಮೈಸೂರು ಮೂಲದ ತೊಸಿಬ್ ಎಂಬಾತ ಆತ್ಮಹತ್ಯೆಗೆ ಯತ್ನಿಸಿದ್ದು, ಈತನನ್ನು ಮಲ್ಪೆ ಅಭಿವೃದ್ದಿ ಸಮಿತಿಯ ಜೀವರಕ್ಷಕ ದಳದ ಸಿಬ್ಬಂದಿಗಳು ರಕ್ಷಿಸಿದ್ದಾರೆ. ಆದರೆ ಅಬ್ರಾರ್ ಎನ್ನುವವರ ಸ್ಥಿತಿ ಚಿಂತಾಜನಕವಾಗಿದ್ದು, ಅವರನ್ನು ಆಸ್ಪತ್ರೆಗೆ ದಾಖಲಿಸಲಿತ್ತಾಗಿದ್ದರೂ ಬದುಕುಳಿಯಲಿಲ್ಲ.

ಘಟನೆ ಬಗ್ಗೆ ಮಾಹಿತಿ ತಿಳಿದ ಈಶ್ವರ್ ಮಲ್ಪೆ ತಕ್ಷಣ ಸ್ಥಳಕ್ಕೆ ಧಾವಿಸಿ ರಕ್ಷಿಸಲ್ಪಟ್ಟವರನ್ನು ಆಸ್ಪತ್ರೆಗೆ ಸಾಗಿಸಲು ತಮ್ಮ ಆಂಬ್ಯುಲನ್ಸ್ ನೀಡಿ ಸಹಕರಿಸಿದ್ದಾರೆ ಎನ್ನಲಾಗಿದೆ.