ಮಣಿಪಾಲ: ಇತ್ತೀಚಿಗೆ ನಿಧನರಾದ ಖ್ಯಾತ ಚಲನಚಿತ್ರ ನಿರ್ದೇಶಕ ಜೀನ್-ಲುಕ್ ಗೊಡಾರ್ಡ್ ಅವರ ಗೌರವಾರ್ಥವಾಗಿ ಅವರ ಪ್ರಸಿದ್ಧ ಚಲನಚಿತ್ರ ‘ಬ್ರೆಥ್ ಲೆಸ್’ ಪ್ರದರ್ಶನ ಮತ್ತು ಗೊಡಾರ್ಡ್ ಕುರಿತ ವಿಶೇಷ ಸಂವಾದವು ಮಾಹೆಯ ಗಾಂಧಿಯನ್ ಸೆಂಟರ್ ಫಾರ್ ಫಿಲಾಸಫಿಕಲ್ ಆರ್ಟ್ಸ್ ಅಂಡ್ ಸೈನ್ಸಸ್ (ಜಿಸಿಪಿಎಎಸ್), ಆಶ್ರಯದಲ್ಲಿ ಸೆಪ್ಟೆಂಬರ್ 24, ಶನಿವಾರ ಬೆಳಿಗ್ಗೆ 10.00 ಗಂಟೆಗೆ ಮಣಿಪಾಲದ ಹಳೆಯ ಟ್ಯಾಪ್ಮಿ ಕಟ್ಟಡದ ತರಗತಿ ಕೊಠಡಿ-2ರಲ್ಲಿ ನಡೆಯಲಿದೆ.

ಲೇಖಕರು ಮತ್ತು ಉಡುಪಿ ಚಿತ್ರ ಸಮಾಜದ ಮತ್ತು ಸಂಚಾಲಕರಾದ ಪ್ರೊ.ಫಣಿರಾಜ್ ಅವರು ಚಿತ್ರವನ್ನು ಪರಿಚಯಿಸಿ ಮಾತನಾಡಲಿದ್ದಾರೆ ಎಂದು ಜಿಸಿಪಿಎಎಸ್ ಮುಖ್ಯಸ್ಥ ಪ್ರೊ.ವರದೇಶ್ ಹಿರೇಗಂಗೆ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಜೀನ್-ಲುಕ್ ಗೊಡಾರ್ಡ್ ಅವರು ಫ್ರೆಂಚ್-ಸ್ವಿಸ್ ಚಲನಚಿತ್ರ ನಿರ್ದೇಶಕ, ಚಿತ್ರಕಥೆಗಾರ ಮತ್ತು ಚಲನಚಿತ್ರ ವಿಮರ್ಶಕರಾಗಿದ್ದು, ಇತ್ತೀಚೆಗೆ ನಿಧನರಾದರು. ಅವರು 1960 ರ ಫ್ರೆಂಚ್ ನ್ಯೂ ವೇವ್ ಚಲನಚಿತ್ರ ಚಳುವಳಿಯ ಪ್ರವರ್ತಕರಾಗಿ ಪ್ರಾಮುಖ್ಯತೆಯನ್ನು ಪಡೆದರು. ‘ಬ್ರೆಥ್‌ಲೆಸ್’ ಅನ್ನು ಅವರ ಒಂದು ಮೇರುಕೃತಿ ಎಂದು ಪರಿಗಣಿಸಲಾಗುತ್ತದೆ.