ಉಡುಪಿ:ಕೊಡವೂರು ವಾರ್ಡ್ ಅಭಿವೃದ್ದಿ ಸಮಿತಿ ಮತ್ತು ಶಿವಾಜಿ ಪಾರ್ಕ್ ನಿರ್ವಹಣಾ ಸಮಿತಿ ಗರ್ಡೆ ಲಕ್ಷ್ಮೀ ನಗರ ವತಿಯಿಂದ ಕೊಡವೂರು ವಾರ್ಡಿನಲ್ಲಿ ಮಳೆ ಗಾಳಿಯನ್ನು ಲೆಕ್ಕಿಸದೆ ದಿನ ರಾತ್ರಿ ಕೆಲಸವನ್ನು ಮಾಡಿ ನಮಗೆ ವಿದ್ಯುತ್ ನೀಡುವ ಲೈನ್ ಮ್ಯಾನ್ ಗಳ ಕಷ್ಟವನ್ನು ಗಮನಿಸಿ ಗೌರವಿಸುವ ಕಾರ್ಯವು ನಗರ ಸಭಾ ಸದಸ್ಯರಾದ ಕೆ ವಿಜಯ್ ಕೊಡವೂರು ಇವರ ಮುಂದಾಳತ್ವದಲ್ಲಿ ಜುಲೈ 17 ರಂದು ಶಿವಾಜಿ ಪಾರ್ಕ್ ನಲ್ಲಿ ನಡೆಯಿತು.

ಈ ಸಂದರ್ಭದಲ್ಲಿ ಮಾತನಾಡಿದ ವಿಜಯ್ ಕೊಡವೂರು ದೇಶಕ್ಕೆ ಮತ್ತು ನಾಗರಿಕರಿಗೆ ಪೂರಕವಾಗಿ ನಿಸ್ವಾರ್ಥವಾಗಿ ಸೇವೆ ಮಾಡುವುದೇ ದೇಶ ಸೇವೆ ಎಂದರು. ಲೈನ್ ಮ್ಯಾನ್  ಮೃತುಂಜಯ ರಿತ್ತಿ ಮಠ, ಶಿವಣ್ಣ ಇವರ ತಂಡವನ್ನು ಗೌರವಿಸಲಾಯಿತು.

ಈ ಸಂದರ್ಭದಲ್ಲಿ ಶಿವಾಜಿ ಪಾರ್ಕ್ ಅಧ್ಯಕ್ಷರಾದ ಮೋಹನ್ ಸುವರ್ಣ, ಅಶೋಕ್ ಶೆಟ್ಟಿಗಾರ್, ಶ್ರೀಮತಿ ಯಶೋದ ಕೇಶವ್ ತುಳುನಾಡ ಧ್ವನಿ ಪತ್ರಿಕೆ ಪ್ರಮುಖರು, ಮೃತ್ಯುಂಜಯ ರಿತ್ತಿ ಮಠ, ಪುತ್ತೂರು ಶಾಖಾಧಿಕಾರಿ
ಶಿವಣ್ಣ, ಯಂತ್ರ ಕರ್ಮಿ ರಾಜೇಂದ್ರ ಇನ್ನಿತರರು ಉಪಸ್ಥಿತರಿದ್ದರು.