ಉಡುಪಿ: ಶ್ರೀ ಅಬ್ಬಗ ಧಾರಗ ವೀರಭದ್ರ ಮತ್ತು ಶನೈಶ್ಚರ ದೇವಸ್ಥಾನ ಟ್ರಸ್ಟ್ ಕಾಡುಬೆಟ್ಟು ಉಡುಪಿ ಇದರ ವಾರ್ಷಿಕ ಮಹೋತ್ಸವ (ವರ್ಧಂತಿ) ಧಾರ್ಮಿಕ ಪೂಜಾ ಕಾರ್ಯಕ್ರಮವನ್ನು ಕೊರಂಗ್ರಪಾಡಿ ವಿದ್ವಾನ್ ಕೆ.ಪಿ. ಕುಮಾರ್, ಗುರು ತಂತ್ರಿ, ಮಾರ್ಗದರ್ಶನದಲ್ಲಿ ಶ್ರೀ ದೇವರ ದಿವ್ಯ ಸನ್ನಿಧಿಯಾದ ಸಹಪಾರಿವಾರ ಗರ್ಭಿತ ಶ್ರೀ ವೀರಭದ್ರ ದೇವರ ಸನ್ನಿಧಿಯಲ್ಲಿ ಸಾಮೂಹಿಕ ಪ್ರಾಥನೆ, ನವಕ ಕಲಾಭಿಷೇಕ, ಗಣಪತಿ ಪ್ರೀತ್ಯರ್ಥ ಗಣಯಾಗ, ಶ್ರೀ ನಾಗದೇವರಿಗೆ ಪವಮಾನ ಕಲಶಾಭಿಷೇಕ ನೆಡೆಯಿತು.
ಶ್ರೀ ಶನೈಶ್ಚರ ದೇವರರಿಗೆ ಪ್ರಧಾನ ಕಲಾಭಿಷೇಕ, ಸಾನಿಧ್ಯ ಹೋಮ ಮತ್ತು ಮಹಾಪೂಜೆ ಬಳಿಕ ಪಲ್ಲ ಪೂಜೆ ನಡೆಯಿತು.
ದೇವರಿಗೆ ವಿಶೇಷ ಅಲಂಕಾರ, ಭಜನಾ ಕಾರ್ಯಕ್ರಮ ಜರಗಿತು.
ಅರ್ಚಕ ವೃಂದ ಹಾಗೂ ದೇವಳದ ಟ್ರಸ್ಟಿನ ಅಧ್ಯಕ್ಷರು, ವಿಶ್ವಸ್ಥ ಮಂಡಳಿಯ ಸದಸ್ಯರು ಮತ್ತು ನೂರಾರು ಭಕ್ತರೂ ಸಾರ್ವಜನಿಕ ಅನ್ನಸಂತರ್ಪಣೆಯಲ್ಲಿ ಭೋಜನ ಪ್ರಸಾದ ಸ್ವೀಕರಿಸಿದರು.
