ಕೋವಿಡ್ ಸೋಂಕು ಹರಡುವಿಕೆಯನ್ನು ನಿಯಂತ್ರಿಸಲು ವಿಶ್ವದ ಬಹುತೇಕ ದೇಶಗಳು ಲಸಿಕೆಯ ಮೊರೆ ಹೋಗಿವೆ. ಈ ಮಧ್ಯೆ ಅಮೆರಿಕದ ಪೆನ್ಸಿಲ್ವೇನಿಯಾ ವಿಶ್ವವಿದ್ಯಾಲಯದ ವಿಜ್ಞಾನಿಗಳು ಕೊರೊನಾ ಹಬ್ಬುವಿಕೆ ಕಡಿಮೆ ಮಾಡುವ ಚ್ಯುಯಿಂಗ್ ಗಮ್ ಅನ್ನು ಅಭಿವೃದ್ಧಿಪಡಿಸುತ್ತಿದ್ದಾರೆ.
ಇದು ಹೇಗೆ ಕಾರ್ಯನಿರ್ವಹಿಸಲಿದೆ:
ಕೊರೊನಾ ವೈರಸ್ ನಮ್ಮ ಲಾಲಾರಸ ಗ್ರಂಥಿಗಳಲ್ಲಿ ಉಳಿದುಕೊಳ್ಳುತ್ತವೆ. ಹೀಗಾಗಿ ಯಾರಾದರೂ ಸೀನಿದಾಗ, ಕೆಮ್ಮಿದಾಗ ಅಥವಾ ಮಾತನಾಡಿದಾಗ ಹನಿಗಳ ಮೂಲಕ ಬಹಳ ಸುಲಭವಾಗಿ ಸೋಂಕು ಹರಡುತ್ತದೆ. ಈ ಚ್ಯುಯಿಂಗ್ ಗಮ್ ಅಗೆಯುವಾಗ ನಮ್ಮ ಎಂಜಲು ಅಥವಾ ಲಾಲಾರಸದಲ್ಲಿ ನಿಲ್ಲುವ ವೈರಸ್ ಅನ್ನು ತಟಸ್ಥಗೊಳಿಸಲು ಅವಕಾಶ ನೀಡುತ್ತದೆ. ಇದು ರೋಗ ಹರಡುವ ಮೂಲವನ್ನು ಕಟ್ಟಿಹಾಕುವುದರಿಂದ ಪ್ರಸರಣವನ್ನು ಸಂಭಾವ್ಯವಾಗಿ ತಗ್ಗಿಸುತ್ತದೆ ಎಂದು ಯೂನಿವರ್ಸಿಟಿಯ ಸಂಶೋಧಕ ಹೆನ್ರಿ ಡೇನಿಯಲ್ ಮಾಹಿತಿ ನೀಡಿದ್ದಾರೆ.
