ಉಡುಪಿ: ಇಲ್ಲಿನ ಅಜ್ಜರಕಾಡು ಸರಕಾರಿ ಆಸ್ಪತ್ರೆಯನ್ನು ಮೇಲ್ದರ್ಜೆಗೇರಿಸಬೇಕೆಂದು ಆಗ್ರಹಿಸಿ ಯುವಶಕ್ತಿ ಕರ್ನಾಟಕದ ವತಿಯಿಂದ ಇಂದು ಬೆಳ್ಳಿಗೆ 7 ರಿಂದ ಅಜ್ಜರಕಾಡಿನಲ್ಲಿ ಉಪವಾಸ ಸತ್ಯಾಗ್ರಹ ಆರಂಭಗೊಂಡಿದೆ.
ಸರ್ಕಾರ ಆಸ್ಪತ್ರೆಯನ್ನು ಮೇಲ್ದರ್ಜೆಗೇರಿಸಲು ಕೂಡಲೇ ಕ್ರಮಗೈಗೊಳ್ಳಬೇಕು. ನಿರ್ಲಕ್ಷ ವಹಿಸಿದ್ದಲ್ಲಿ ಉಗ್ರ ಹೋರಾಟದ ಹಾದಿ ಹಿಡಿಯಬೇಕಾಗುತ್ತದೆ ಎಂದು ಯುವ ಶಕ್ತಿ ಕರ್ನಾಟಕ ಸಮಿತಿ ಎಚ್ಚರಿಸಿದೆ.
ಮನೋವೈದ್ಯ ಡಾ ಪಿ. ವಿ ಭಂಡಾರಿ ಉಪವಾಸ ಸತ್ಯಾಗ್ರಹಕ್ಕೆ ಚಾಲನೆ ನೀಡಿ, ಸರಕಾರಿ ಆಸ್ಪತ್ರೆಯ ಅವಶ್ಯಕತೆಯ ಬಗ್ಗೆ ಮಾತನಾಡಿದರು.
ಸತ್ಯಾಗ್ರಹದಲ್ಲಿ ಯುವಶಕ್ತಿ ಕರ್ನಾಟಕ ಇದರ ರಾಜ್ಯಾಧ್ಯಕ್ಷ ಪ್ರಮೋದ್ ಉಚ್ಚಿಲ್, ಉಪಾಧ್ಯಕ್ಷರಾದ ಬೆಳ್ಕಳೆ ಶರತ್ ಶೆಟ್ಟಿ, ಹಬೀಬ್ ಉಡುಪಿ, ಸಜ್ಜನ್ ಶೆಟ್ಟಿ, ಅಜಯ್ ಕಪ್ಪೆಟ್ಟು, ಹಮ್ಮದ್, ಶಾಹೀದ್ ರಝಾ, ಕರಾವಳಿ ಯೂತ್ ಕ್ಲಬ್ ಜಿಲ್ಲಾಧ್ಯಕ್ಷ ಅಶೋಕ್ ಹಾಗೂ ಸದಸ್ಯರು ಉಪಸ್ಥಿತಿದ್ದರು.
