ಇದು ಸ್ಮಾರ್ಟ್ ಫೋನ್ (Smart Phone) ಹಿಡಿದು ಕಾಡಿನ ಕಡೆ ಪ್ರವಾಸ ಹೋಗುವ ಪ್ರತಿಯೊಬ್ಬರಿಗೂ ಇದು ಎಚ್ಚರಿಕೆಯ ಗಂಟೆ. ಇನ್ಸ್ಟಾಗ್ರಾಂನಲ್ಲಿ ರೀಲ್ಸ್ (Reels) ಮಾಡೋರಿಗೆ, ಯುಟ್ಯೂಬ್ನಲ್ಲಿ ವ್ಲಾಗ್ ಮಾಡೋರಿಗೆ ಹಾಗೂ ಲೈಕ್ ಗಳಿಗಾಗಿ ಸೋಶಿಯಲ್ ಮೀಡಿಯಾದಲ್ಲಿ ಏನೇನೋ ವಿಡಿಯೋ ಹಾಕುವವರಿಗೆ ಅರಣ್ಯ ಇಲಾಖೆ ಈಗ ಭಾರಿ ದೊಡ್ಡ ಶಾಕಿಂಗ್ ನ್ಯೂಸ್ ಒಂದನ್ನು ಕೊಟ್ಟಿದೆ. ಇನ್ಮುಂದೆ ನೀವು ಕಾಡಿಗೆ ಹೋಗಿ, ವನ್ಯಜೀವಿಗಳ ಫೋಟೋ ಅಥವಾ ವಿಡಿಯೋಗಳನ್ನು ಇಲಾಖೆಯ ಪೂರ್ವಾನುಮತಿ ಇಲ್ಲದೆ ಜಾಲತಾಣಗಳಲ್ಲಿ ಅಪ್ಲೋಡ್ ಮಾಡಿದರೆ, ನಿಮ್ಮ ವಿರುದ್ಧ ಕಠಿಣ ಕಾನೂನು ಕ್ರಮ ಗ್ಯಾರಂಟಿ!

ಅಷ್ಟಕ್ಕೂ ಇದರ ಹಿಂದಿನ ಕಾರಣ ಏನು?

ಇತ್ತೀಚಿನ ದಿನಗಳಲ್ಲಿ ಸೋಶಿಯಲ್ ಮೀಡಿಯಾ ಹುಚ್ಚು ಎಷ್ಟರಮಟ್ಟಿಗೆ ಹೋಗಿದೆ ಎಂದರೆ, ಕಾಡಾನೆ, ಹುಲಿ, ಚಿರತೆಗಳನ್ನು ಸೆರೆ ಹಿಡಿಯುವ ಕಾರ್ಯಾಚರಣೆಯ ಅತ್ಯಂತ ಸೂಕ್ಷ್ಮ ವಿಡಿಯೋಗಳು ಕೂಡ ಡಿಜಿಟಲ್ ವೇದಿಕೆಗಳಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿವೆ.

ಕೇವಲ ತಮ್ಮ ವೈಯಕ್ತಿಕ ಪ್ರಸಿದ್ಧಿಗಾಗಿ ಮತ್ತು ಸಬ್ಸ್ಕ್ರೈಬರ್ಸ್ ಹೆಚ್ಚಿಸಿಕೊಳ್ಳಲು, ಜನರು ಇಂತಹ ದೃಶ್ಯಾವಳಿಗಳನ್ನು ಇಲಾಖೆಯ ಅನುಮತಿ ಇಲ್ಲದೆ ಬಳಸಿಕೊಳ್ಳುತ್ತಿದ್ದರು.

ಇದರಿಂದ ಆಗುವ ಅನಾಹುತಗಳಾದರೂ ಏನು ಗೊತ್ತಾ?

1. ಇಂತಹ ವಿಡಿಯೋಗಳನ್ನು ಎಲ್ಲೆಂದರಲ್ಲಿ ಶೇರ್ ಮಾಡುವುದರಿಂದ ಅಪರೂಪದ ವನ್ಯಜೀವಿಗಳು ಇರುವ ನಿಖರವಾದ ಜಾಗ (Location) ಜಗತ್ತಿಗೆ ತಿಳಿಯುತ್ತದೆ.

2. ಇದರಿಂದ ಕಾಡುಗಳ್ಳರಿಗೆ ಹಾಗೂ ಅಕ್ರಮ ಶಿಕಾರಿ ಮಾಡುವವರಿಗೆ ಪ್ರಾಣಿಗಳನ್ನು ಬೇಟೆಯಾಡಲು ನೀವೇ ದಾರಿ ಮಾಡಿಕೊಟ್ಟಂತೆ ಆಗುತ್ತದೆ.

3. ಜೊತೆಗೆ, ರಕ್ಷಣಾ ಕಾರ್ಯಾಚರಣೆಯ ರಹಸ್ಯ ಮತ್ತು ಗೌಪ್ಯತೆ ಸಂಪೂರ್ಣವಾಗಿ ಬಯಲಾಗುತ್ತದೆ.

4. ಇದರಿಂದ ವನ್ಯಜೀವಿಗಳ ಜೀವಕ್ಕೆ ಭಾರಿ ಅಪಾಯವಿದೆ ಎಂದು ವನ್ಯಜೀವಿ ಹೋರಾಟಗಾರರು ಇಲಾಖೆಗೆ ಗಂಭೀರವಾದ ದೂರುಗಳನ್ನು ನೀಡಿದ್ದರು. ಈ ಹಿನ್ನೆಲೆಯಲ್ಲಿ ಎಚ್ಚೆತ್ತ ಅರಣ್ಯ ಇಲಾಖೆಯ ಉನ್ನತಾಧಿಕಾರಿಗಳು ಸುದೀರ್ಘ ಚರ್ಚೆ ನಡೆಸಿ ಈ ಕಟ್ಟುನಿಟ್ಟಿನ ಆದೇಶವನ್ನು ಹೊರಡಿಸಿದ್ದಾರೆ.

5. ಕ್ಯಾಂಪ್ಗಳಿಗೂ ಇದೆ ರೂಲ್ಸ್!

6. ಕೇವಲ ಕಾಡಿನ ಕಾರ್ಯಾಚರಣೆ ಮಾತ್ರವಲ್ಲದೆ, ಇಲಾಖೆಯ ವ್ಯಾಪ್ತಿಗೆ ಬರುವ ದುಬಾರೆ, ಮತ್ತಿಗೋಡುವಿನಂತಹ ಪ್ರಮುಖ ಆನೆ ಕ್ಯಾಂಪ್ಗಳಿಗೆ ಹೋದಾಗಲೂ ಎಚ್ಚರವಿರಬೇಕು. ಅಲ್ಲಿರುವ ಆನೆಗಳ ದಿನಚರಿ, ಸ್ನಾನ ಮಾಡಿಸುವ ದೃಶ್ಯ ಸೇರಿದಂತೆ ಯಾವುದೇ ಛಾಯಾಚಿತ್ರಗಳನ್ನು ಇನ್ಮುಂದೆ ಅನುಮತಿ ಇಲ್ಲದೆ ತೆಗೆಯುವಂತಿಲ್ಲ ಮತ್ತು ಅಪ್ಲೋಡ್ ಮಾಡುವಂತಿಲ್ಲ.

7. ಇಲಾಖೆಯ ಸಿಬ್ಬಂದಿಗೂ ಇದು ಅನ್ವಯ!

8. ನೀವು ಅಂದುಕೊಳ್ಳಬಹುದು, “ನಮ್ಮ ಪರಿಚಯದ ಫಾರೆಸ್ಟ್ ಗಾರ್ಡ್ ಇದ್ದಾರೆ, ಅವರಿಂದ ವಿಡಿಯೋ ತರಿಸಿಕೊಂಡು ಹಾಕೋಣ” ಅಂತ. ಆದರೆ, ಈ ಹೊಸ ನಿಯಮ ಕೇವಲ ಸಾರ್ವಜನಿಕರಿಗೆ ಮಾತ್ರವಲ್ಲ, ಸ್ವತಃ ಅರಣ್ಯ ಇಲಾಖೆಯ ಸಿಬ್ಬಂದಿಗಳಿಗೂ ಅನ್ವಯವಾಗಲಿದೆ!

9. ಯಾವುದೇ ಅರಣ್ಯ ಸಿಬ್ಬಂದಿ ಮೇಲಾಧಿಕಾರಿಗಳ ಅನುಮತಿ ಇಲ್ಲದೆ ಮಾಧ್ಯಮಗಳಿಗೆ ಅಥವಾ ಸಾರ್ವಜನಿಕರಿಗೆ ಪ್ರಾಣಿಗಳ ಸೂಕ್ಷ್ಮ ಮಾಹಿತಿ ಮತ್ತು ದೃಶ್ಯಗಳನ್ನು ನೀಡುವಂತಿಲ್ಲ. ಒಂದು ವೇಳೆ ಸಿಬ್ಬಂದಿಗಳು ಮಾಹಿತಿ ಸೋರಿಕೆ ಮಾಡಿದರೆ, ಅದನ್ನು ಸೇವಾ ನಿಯಮಗಳ ಉಲ್ಲಂಘನೆ ಎಂದು ಪರಿಗಣಿಸಿ ಇಲಾಖೆಯಿಂದಲೇ ಅವರ ವಿರುದ್ಧ ಕಠಿಣ ಶಿಸ್ತು ಕ್ರಮ ಜರುಗಿಸಲಾಗುತ್ತದೆ.

10. ನೀವು ಕೂಡ ಕಾಡಿನ ಕಡೆ ಸಫಾರಿಗೆ ಹೋದರೆ, ಹುಲಿ, ಆನೆ ಕಂಡಾಗ ಸುಮ್ಮನೆ ಕಣ್ತುಂಬಿಕೊಳ್ಳಿ. ಅದನ್ನೇ ವಿಡಿಯೋ ಮಾಡಿ ವೀರೋಚಿತವಾಗಿ ಮ್ಯೂಸಿಕ್ ಹಾಕಿ ರೀಲ್ಸ್ ಮಾಡಲು ಹೋದರೆ, ವನ್ಯಜೀವಿ ಸಂರಕ್ಷಣಾ ಕಾಯ್ದೆಯಡಿ ಜೈಲು ಕಂಬಿ ಎಣಿಸಬೇಕಾದೀತು ಎಚ್ಚರ. ಕೆಲವು ಲೈಕ್ಸ್ಗಳಿಗಾಗಿ ನಿಮ್ಮ ಭವಿಷ್ಯವನ್ನು ಹಾಳು ಮಾಡಿಕೊಳ್ಳಬೇಡಿ