ಹಸಿದು ಹಲಸು ಅನ್ನೋ ಜನಪ್ರಿಯ ಮಾತಿದೆ. ಹಲಸಿನ ಹಣ್ಣು ಅಂದ್ರೆ ಯಾರಿಗೆ ತಾನೇ ಇಷ್ಟವಿಲ್ಲ. ಇದು ಪೋಷಕಾಂಶಗಳ ಭಂಡಾರವಾಗಿದ್ದು, ಜೀರ್ಣಕ್ರಿಯೆ ಸುಧಾರಿಸಲು ಸಹಾಯಕ. ಹಾಗೇ ರೋಗನಿರೋಧಕ ಶಕ್ತಿ ಹೆಚ್ಚಿಸುವುದು ಹಾಗೂ ಹೃದಯದ ಆರೋಗ್ಯ ಕಾಪಾಡಲು ಸಹಕಾರಿಯಾಗಿದೆ. ಆದರೆ ಹಲಸು ತಿಂದ ತಕ್ಷಣ ಕೆಲವು ಆಹಾರಗಳನ್ನು ಸೇವಿಸಿದರೆ ಅಜೀರ್ಣ, ಹೊಟ್ಟೆ ಉಬ್ಬರ ಮತ್ತು ಇತರ ಆರೋಗ್ಯ ಸಮಸ್ಯೆಗಳು ಉಂಟಾಗುವ ಸಾಧ್ಯತೆ ಇದೆ ಎಂದು ತಜ್ಞರು ಎಚ್ಚರಿಸುತ್ತಾರೆ.

ಹಲಸು ತಿಂದ ಬಳಿಕ ಯಾವ ಆಹಾರಗಳನ್ನು ತಪ್ಪಿಸಬೇಕು?

ಹಾಲು ಮತ್ತು ಹಾಲಿನ ಉತ್ಪನ್ನಗಳು:
ಹಲಸು ತಿಂದ ತಕ್ಷಣ ಹಾಲು ಅಥವಾ ಹಾಲಿನ ಉತ್ಪನ್ನಗಳನ್ನು ಸೇವಿಸುವುದರಿಂದ ಕೆಲವರಿಗೆ ಅಜೀರ್ಣ, ಹೊಟ್ಟೆ ಅಸ್ವಸ್ಥತೆ ಹಾಗೂ ಚರ್ಮದ ಸಮಸ್ಯೆಗಳು ಕಾಣಿಸಿಕೊಳ್ಳಬಹುದು.

ಪಪ್ಪಾಯಿ:
ಪಪ್ಪಾಯಿ ಮತ್ತು ಹಲಸು ಎರಡೂ ಜೀರ್ಣಕ್ರಿಯೆಯ ಮೇಲೆ ಪರಿಣಾಮ ಬೀರುವ ಗುಣ ಹೊಂದಿರುವುದರಿಂದ ಒಟ್ಟಿಗೆ ಸೇವಿಸಿದರೆ ಅಸಿಡಿಟಿ ಅಥವಾ ಹೊಟ್ಟೆ ತೊಂದರೆ ಉಂಟಾಗುವ ಸಾಧ್ಯತೆ ಇದೆ.

ಜೇನುತುಪ್ಪ:
ಹಲಸಿನಲ್ಲೇ ಸಹಜ ಸಕ್ಕರೆ ಪ್ರಮಾಣ ಹೆಚ್ಚಿರುವುದರಿಂದ ಅದರ ಬಳಿಕ ಜೇನುತುಪ್ಪ ಸೇವಿಸುವುದು ರಕ್ತದಲ್ಲಿನ ಸಕ್ಕರೆಯ ಮಟ್ಟವನ್ನು ಹೆಚ್ಚಿಸಬಹುದು, ವಿಶೇಷವಾಗಿ ಮಧುಮೇಹಿಗಳಲ್ಲಿ ಎಚ್ಚರಿಕೆ ಅಗತ್ಯ.

ಮೀನು ಮತ್ತು ಮಾಂಸಾಹಾರ:
ಹಲಸು ಸೇವಿಸಿದ ತಕ್ಷಣ ಭಾರವಾದ ಮಾಂಸಾಹಾರ ಅಥವಾ ಮೀನು ಸೇವಿಸಿದರೆ ಜೀರ್ಣಕ್ರಿಯೆಗೆ ಹೆಚ್ಚಿನ ಒತ್ತಡ ಬಿದ್ದು ಹೊಟ್ಟೆ ಉಬ್ಬರ ಅಥವಾ ಅಸ್ವಸ್ಥತೆ ಕಾಣಿಸಿಕೊಳ್ಳಬಹುದು.

ಬೆಂಡೆಕಾಯಿ:
ಜನಪ್ರಿಯ ನಂಬಿಕೆಗಳ ಪ್ರಕಾರ ಹಲಸು ಮತ್ತು ಬೆಂಡೆಕಾಯಿಯನ್ನು ಒಟ್ಟಿಗೆ ಸೇವಿಸುವುದನ್ನು ಕೆಲವರು ತಪ್ಪಿಸಲು ಸಲಹೆ ನೀಡುತ್ತಾರೆ. ಆದರೆ ಇದಕ್ಕೆ ಬಲವಾದ ವೈಜ್ಞಾನಿಕ ಸಾಕ್ಷ್ಯಗಳು ಸೀಮಿತವಾಗಿವೆ.

ಗಮನದಲ್ಲಿರಲಿ…

ಹಲಸು ತಿಂದ ಬಳಿಕ ಹಾಲು, ಪಪ್ಪಾಯಿ, ಜೇನುತುಪ್ಪ, ಮೀನು-ಮಾಂಸಾಹಾರ ಇತ್ಯಾದಿ ಸೇವಿಸಬಾರದು ಎಂಬ ಹಲವು ಸಲಹೆಗಳು ಜನಪ್ರಿಯವಾಗಿದ್ದರೂ, ಎಲ್ಲದರಿಗೂ ಸ್ಪಷ್ಟ ವೈಜ್ಞಾನಿಕ ಪುರಾವೆಗಳು ಲಭ್ಯವಿಲ್ಲ. ಆದರೂ ಜೀರ್ಣಕ್ರಿಯೆ ಸಮಸ್ಯೆ ಇರುವವರು ಅಥವಾ ಅಲರ್ಜಿ ಪ್ರವೃತ್ತಿಯವರು ಎಚ್ಚರಿಕೆ ವಹಿಸುವುದು ಉತ್ತಮ. ಮಿತವಾಗಿ ಹಲಸು ಸೇವಿಸುವುದೇ ಆರೋಗ್ಯಕರ ಆಯ್ಕೆಯಾಗಿದೆ.