ಇತ್ತೀಚಿನ ದಿನಗಳಲ್ಲಿ ಬೇಕರಿ ತಿಂಡಿ-ತಿನಿಸುಗಳಿಂದ ಹಿಡಿದು, ದಿನನಿತ್ಯ ಬಳಕೆಯ ಹಲವು ಅಡಿಗೆಗೆಳಲ್ಲೂ ಮೈದಾ ಬಳಕೆ ಹೆಚ್ಚಾಗುತ್ತಿದೆ. ಹೋಟೆಲ್ ಗಳಲ್ಲಿ, ಸಮಾರಂಭದ ಅಡುಗೆಗಳಲ್ಲಿ ಅಷ್ಟೇ ಏಕೆ ಮನೆಗಳಲ್ಲೂ ರುಚಿಕರ ಹಾಗೂ ಸುಲಭ ಎಂದು ಮೈದಾ ಬಳಸಿದ ಅಡುಗೆಗಳು ತಯಾರಾಗುತ್ತವೆ. ಆದರೆ ಮೈದಾ ಹೇಗೆ ತಯಾರಾಗುತ್ತದೆ, ಆರೋಗ್ಯಕ್ಕೆ ಇದರಿಂದಾಗುವ ಹಾನಿಯ ಕುರಿತು ತಿಳಿದು ಮತ್ತೆ ಮೈದಾ ಬಳಸುವುದು ಉತ್ತಮ.
ಮೈದಾ ಹೇಗೆ ತಯಾರಾಗುತ್ತದೆ?
ಮೈದಾ ಹಿಟ್ಟನ್ನು ಗೋಧಿಯ ಒಳಗಿನ ಬಿಳಿ ಭಾಗವನ್ನು (Endosperm) ಮಾತ್ರ ಬಳಸಿಕೊಂಡು ತಯಾರಿಸಲಾಗುತ್ತದೆ. ಗೋಧಿ ಕಾಳಿನ ನಾರುಯುಕ್ತ ತವುಡು ಮತ್ತು ಭ್ರೂಣವನ್ನು ಬೇರ್ಪಡಿಸಿ, ಅದನ್ನು ನುಣ್ಣಗೆ ಪುಡಿಮಾಡಿ, ರಾಸಾಯನಿಕ ಬಳಸಿ ಬಿಳುಪಾಗಿಸುತ್ತಾರೆ (bleaching). ಈ ಪ್ರಕ್ರಿಯೆಯು ನೈಸರ್ಗಿಕ ಹಳದಿ ಬಣ್ಣದ ಗೋಧಿಯನ್ನು ಅತ್ಯಂತ ಬಿಳಿಯಾದ, ಮೃದುವಾದ ಮೈದಾ ಹಿಟ್ಟನ್ನಾಗಿ ಮಾಡುತ್ತದೆ. ಬೆಂಜೈಲ್ ಪೆರಾಕ್ಸೈಡ್, ಕ್ಲೋರಿನ್ ಅನಿಲ ಮುಂತಾದ ರಾಸಾಯನಿಕಗಳನ್ನು ಬಳಸಿ ತ್ವರಿತವಾಗಿ ಬಿಳುಚಿಸಲಾಗುತ್ತದೆ. ಮೈದಾ ಹಿಟ್ಟು ಹೆಚ್ಚಿನ ಗ್ಲೈಸೆಮಿಕ್ ಇಂಡೆಕ್ಸ್ (High GI) ಹೊಂದಿದ್ದು, ಆರೋಗ್ಯದ ಮೇಲೆ ಪ್ರತಿಕೂಲ ಪರಿಣಾಮ ಬೀರುತ್ತದೆ.
ಮೈದಾ ಹಿಟ್ಟು ಆರೋಗ್ಯಕ್ಕೆ ಒಳ್ಳೆಯದೇ?
ಮೈದಾ ಹಿಟ್ಟು ಆರೋಗ್ಯಕ್ಕೆ ಸೀಮಿತ ಪ್ರಮಾಣದಲ್ಲಿ ಮಾತ್ರ ಬಳಸಬಹುದಾದ ಆಹಾರವಾಗಿದೆ.
- ಮೈದಾ ತಯಾರಿಸುವಾಗ ಗೋಧಿಯ ಹೊಟ್ಟು (fiber) ಮತ್ತು ಬಹುಪಾಲು ವಿಟಮಿನ್, ಖನಿಜಗಳು ತೆಗೆದುಹಾಕಲಾಗುತ್ತದೆ ಆದ್ದರಿಂದ ಇದರಲ್ಲಿ ಪೋಷಕಾಂಶಗಳು ಇರುವುದಿಲ್ಲ.
- ಫೈಬರ್ ಅಂಶ ಕಡಿಮೆ ಇರುವುದರಿಂದ ಜೀರ್ಣಕ್ರಿಯೆ ನಿಧಾನವಾಗುತ್ತದೆ.
- ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ತ್ವರಿತವಾಗಿ ಹೆಚ್ಚಿಸಬಹುದು.
- ಅತಿಯಾಗಿ ಮೈದಾ ತಿನ್ನುವುದರಿಂದ ತೂಕದಲ್ಲಿ ಹೆಚ್ಚಳ, ಜೀರ್ಣಕ್ರಿಯೆಯಲ್ಲಿ ಸಮಸ್ಯೆಗಳು ಉಂಟಾಗಬಹುದು.
ಹಾಗಾದರೆ ಸಂಪೂರ್ಣವಾಗಿ ಕೆಟ್ಟದ್ದಾ?
- ಕೆಲ ಸಂದರ್ಭಗಳಲ್ಲಿ (ಸಮೋಸಾ, ಪೇಸ್ಟ್ರಿ, ಬ್ರೆಡ್) ಅವಶ್ಯಕ ಪ್ರಮಾಣದಲ್ಲಿ ಮಾತ್ರ ಬಳಸಬಹುದು
- ದೈನಂದಿನ ಆಹಾರವಾಗಿ ಬಳಸುವುದು ಉತ್ತಮವಲ್ಲ
