ಆಹಾ! ಜೇನುತುಪ್ಪ ಎನ್ನುತ್ತಿದ್ದಂತೇ ಬಾಯಲ್ಲಿ ನೀರೂರುತ್ತದೆ. ತಿಳಿ ಹಳದಿ, ಚಿನ್ನದ ಬಣ್ಣದ ಜೇನುತುಪ್ಪ ತಿನ್ನಲು ಅದೆಷ್ಟು ರುಚಿಯೋ ಹಾಗೇ ಅಷ್ಟೇ ಆರೋಗ್ಯಕರವೂ ಹೌದು. ಆದರೆ ಈ ಜೇನುತುಪ್ಪ ಹೇಗೆ ತಯಾರಾಗುತ್ತದೆ ಅನ್ನುವುದರ ಬಗ್ಗೆ ಹಲವರಿಗೆ ಕುತೂಹಲವಿರುತ್ತದೆ. ಅದನ್ನೀಗ ತಿಳಿದುಕೊಳ್ಳೋಣ. ಜೇನುತುಪ್ಪ ವನ್ನು ಜೇನುನೊಣಗಳು ಪ್ರಕೃತಿಯಲ್ಲಿ ಸ್ವಾಭಾವಿಕವಾಗಿ ತಯಾರಿಸುತ್ತವೆ.
ಹೂವಿನ ಮಕರಂದ ಹೀರುವ ಜೇನುಹುಳಗಳು ಅದನ್ನು ತುಪ್ಪವನ್ನಾಗಿ ಪರಿವರ್ತಿಸುವ ಪ್ರಕ್ರಿಯೆ ಇಲ್ಲಿದೆ.
- ಮಧು ಸಂಗ್ರಹಣೆ
ಕೆಲಸಗಾರ ಜೇನುನೊಣಗಳು ಹೂವುಗಳಿಂದ ಮಕರಂದವನ್ನು ತಮ್ಮ ಟೊಳ್ಳಾದ ನಾಲಿಗೆಯಿಂದ (pro-boscis) ಹೀರಿ, ತಮ್ಮ ವಿಶೇಷ “ಜೇನು ಹೊಟ್ಟೆಯಲ್ಲಿ” (honey crop) ಸಂಗ್ರಹಿಸುತ್ತವೆ. - ದೇಹದೊಳಗಿನ ಪರಿವರ್ತನೆ
ನೊಣಗಳ ಲಾಲಾರಸ ಗ್ರಂಥಿಗಳು ‘ಇನ್ವರ್ಟೇಸ್’ (invertase) ಎಂಬ ಕಿಣ್ವವನ್ನು ಸ್ರವಿಸುತ್ತವೆ. ಇದು ಸಂಕೀರ್ಣ ಸಕ್ಕರೆಯನ್ನು ಗ್ಲೂಕೋಸ್ ಮತ್ತು ಫ್ರಕ್ಟೋಸ್ ಆಗಿ ವಿಭಜಿಸುತ್ತದೆ. - ಗೂಡಿಗೆ ತರುವಿಕೆ
ನಂತರ ಜೇನುನೊಣಗಳು ಆ ಮಧುವನ್ನು ಗೂಡಿಗೆ ತಂದು, ಇತರ ಜೇನುನೊಣಗಳಿಗೆ ಹಂಚುತ್ತವೆ. - ನೀರಿನ ಭಾಗ ಕಡಿಮೆ ಮಾಡುವುದು
ಜೇನುಗೂಡಿಗೆ ಮರಳಿದ ನಂತರ, ಮೇವು ಸಂಗ್ರಹಿಸಿದ ನೊಣವು ಮಕರಂದವನ್ನು ಇತರ ಕೆಲಸಗಾರ ನೊಣಗಳಿಗೆ ಬಾಯಿಯಿಂದ ಬಾಯಿಗೆ ವರ್ಗಾಯಿಸುತ್ತದೆ. ಈ ಪ್ರಕ್ರಿಯೆಯು ಮಕರಂದದ ನೀರಿನ ಅಂಶವನ್ನು (ಸುಮಾರು 70-80% ರಿಂದ 20% ಕ್ಕೆ) ಕಡಿಮೆ ಮಾಡುತ್ತದೆ. - ಕೋಷಗಳಲ್ಲಿ ಸಂಗ್ರಹ
ಅಂತಿಮವಾಗಿ ಅದನ್ನು ಜೇನು ಕೋಷ, ಜೇನುಹಲ್ಲೆಗಳಲ್ಲಿ (honeycomb cells) ತುಂಬುತ್ತದೆ. ಇದನ್ನೇ ನಾವು ಜೇನುತುಪ್ಪ ಎಂದು ಬಳಸುತ್ತೇವೆ. - ಪಕ್ವಗೊಳಿಸುವಿಕೆ (Ripening): ನೊಣಗಳು ತಮ್ಮ ರೆಕ್ಕೆಗಳನ್ನು ಜೋರಾಗಿ ಬೀಸುವ ಮೂಲಕ ಗಾಳಿಯನ್ನು ಪರಿಚಲನೆ ಮಾಡಿ, ಉಳಿದ ತೇವಾಂಶವನ್ನು ಹೊರಹಾಕುತ್ತವೆ. ಮಕರಂದವು ಸರಿಯಾದ ಸಾಂದ್ರತೆಗೆ ಬಂದಾಗ, ನೊಣಗಳು ಕೋಶವನ್ನು ಮೇಣದ ಮುಚ್ಚಳದಿಂದ (wax cap) ಮುಚ್ಚುತ್ತವೆ.
ಪ್ರಕೃತಿಯಿಂದ ದೊರೆಯುವ ಪ್ರಕೃತಿ ಸಹಜವಾದ ಅಧಿಕ ಪೋಷಕಾಂಶವುಳ್ಳ ಜೇನುತುಪ್ಪ ತುಂಬಾ ಆರೋಗ್ಯಕರ. ಜೇನುನೊಣಗಳು ಇದನ್ನು ತಮ್ಮ ಆಹಾರ ಸಂಗ್ರಹಕ್ಕಾಗಿ ಮಾಡುತ್ತವೆ ಇದು ದೀರ್ಘ ಕಾಲ ಹಾಳಾಗದೆ ಬಾಳಿಕೆ ಬರುತ್ತದೆ.
