ನೆಗಡಿ, ಕೆಮ್ಮು, ಜ್ವರದಂತಹ ತೊಂದರೆಗಳು ಈಗೀಗ ನಮ್ಮಲ್ಲಿ ಹೆಚ್ಚಾಗಿ ಕಾಣಿಸಿಕೊಳ್ಳುತ್ತವೆ. ಆದ್ದರಿಂದ ಈ ಸಮಯದಲ್ಲಿ ನಮ್ಮ ದೇಹದ ರೋಗನಿರೋಧಕ ಶಕ್ತಿಯನ್ನು ಬಲಪಡಿಸುವುದು ಬಹಳ ಮುಖ್ಯ. ಅದಕ್ಕಾಗಿ ಪೋಷಕಾಂಶಗಳಿಂದ ಸಮೃದ್ಧವಾದ ಆಹಾರಗಳನ್ನು ಸೇವಿಸುವುದು ಅಗತ್ಯ. ನಮಗೆ ಸುಲಭವಾಗಿ ದೊರೆಯುವ ಮತ್ತು ಅತ್ಯಂತ ಉಪಯುಕ್ತವಾದ ಸೂಪರ್‌ಫುಡ್ ಎಂದರೆ ನೆಲ್ಲಿಕಾಯಿ. ವಿಟಮಿನ್ ಸಿ ಸಮೃದ್ಧವಾಗಿರುವ ನೆಲ್ಲಿಕಾಯಿ ದೇಹದ ಪ್ರತಿರೋಧಕ ಶಕ್ತಿಯನ್ನು ಹೆಚ್ಚಿಸಲು ನೆರವಾಗುತ್ತದೆ. ಇದರಲ್ಲಿ ಇರುವ ಆಂಟಿಆಕ್ಸಿಡೆಂಟ್‌ಗಳು ದೇಹವನ್ನು ಸೋಂಕುಗಳಿಂದ ರಕ್ಷಿಸುತ್ತವೆ ಹಾಗೂ ಜೀರ್ಣಕ್ರಿಯೆಯನ್ನು ಸುಧಾರಿಸುತ್ತವೆ.

ನಮ್ಮ ದೇಹಕ್ಕೆ ನೆಲ್ಲಿಕಾಯಿ ಯಾಕೆ ಅಗತ್ಯ?

         ರೋಗ ನಿರೋಧಕ ಶಕ್ತಿ ಹೆಚ್ಚಿಸುತ್ತದೆ

• ನೆಲ್ಲಿಕಾಯಿ ವಿಟಮಿನ್ C ಯ ಸಮೃದ್ಧ ಮೂಲ.
• ದೇಹದ ಪ್ರತಿರಕ್ಷಣಾ ವ್ಯವಸ್ಥೆಯನ್ನು ಬಲಪಡಿಸುತ್ತದೆ.
• ಶೀತ, ಕೆಮ್ಮು, ಜ್ವರದಂತಹ ಕಾಲೋಚಿತ ಕಾಯಿಲೆಗಳ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತದೆ.
• ಬಿಳಿ ರಕ್ತಕಣಗಳ ಉತ್ಪಾದನೆಯನ್ನು ಹೆಚ್ಚಿಸುತ್ತದೆ.

        ಒತ್ತಡ ನಿರ್ವಹಣೆಗೆ ಸಹಕಾರಿ

• ನೆಲ್ಲಿಕಾಯಿ “ಅಡಾಪ್ಟೋಜೆನ್” ಆಗಿ ಕೆಲಸ ಮಾಡುತ್ತದೆ.
• ದೇಹವು ಹವಾಮಾನ ಬದಲಾವಣೆ ಹಾಗೂ ಒತ್ತಡವನ್ನು ಸಮತೋಲನದಿಂದ ನಿಭಾಯಿಸಲು ಸಹಾಯ ಮಾಡುತ್ತದೆ.
• ಚಳಿಗಾಲದ ಶಾರೀರಿಕ-ಮಾನಸಿಕ ಒತ್ತಡವನ್ನು ಕಡಿಮೆ ಮಾಡುತ್ತದೆ.

        ಆಂಟಿಆಕ್ಸಿಡೆಂಟ್ ಶಕ್ತಿ

• ಪಾಲಿಫಿನಾಲ್‌ಗಳು ಮತ್ತು ಫ್ಲೇವನಾಯ್ಡ್‌ಗಳಂತಹ ಉತ್ಕರ್ಷಣ ನಿರೋಧಕಗಳಿವೆ.
• ಆಕ್ಸಿಡೇಟಿವ್ ಒತ್ತಡ ಹಾಗೂ ಉರಿಯೂತವನ್ನು ಕಡಿಮೆ ಮಾಡುತ್ತದೆ.
• ಸೆಲ್ಯುಲಾರ್ ಆರೋಗ್ಯವನ್ನು ಕಾಪಾಡುತ್ತದೆ.

        ಜೀರ್ಣಕ್ರಿಯೆ ಸುಧಾರಣೆ

• ನಾರು (ಫೈಬರ್) ಸಮೃದ್ಧವಾಗಿದೆ.
• ಮಲಬದ್ಧತೆ ತಡೆಯುತ್ತದೆ.
• ಜೀರ್ಣಾಂಗ ವ್ಯವಸ್ಥೆಯನ್ನು ಶುದ್ಧೀಕರಿಸಲು ಸಹಾಯ ಮಾಡುತ್ತದೆ.

        ಸೌಂದರ್ಯಕ್ಕೂ ಲಾಭಗಳು

• ನೆಲ್ಲಿಕಾಯಿ + ಅರಿಶಿಣ ಹಚ್ಚಿದರೆ ಅನಗತ್ಯ ಕೂದಲು ಕಡಿಮೆಯಾಗಲು ಸಹಕಾರಿ.
• ನೆಲ್ಲಿಕಾಯಿ ಜ್ಯೂಸ್ ಸ್ನಾನದ ನೀರಲ್ಲಿ ಬೆರೆಸಿದರೆ ಬೆವರು ವಾಸನೆ ಕಡಿಮೆಯಾಗುತ್ತದೆ.
• ನೆಲ್ಲಿಕಾಯಿ ಪುಡಿ ಕೂದಲಿಗೆ ಹಚ್ಚಿದರೆ ಕೂದಲು ಕಾಂತಿಯುತವಾಗುತ್ತದೆ.
• ಮೊಸರು ಜೊತೆ ಮಿಶ್ರಣ ಮಾಡಿ ಹಚ್ಚಿದರೆ ತಲೆಹೊಟ್ಟು ಸಮಸ್ಯೆ ಕಡಿಮೆಯಾಗುತ್ತದೆ.

  ನೆಲ್ಲಿಕಾಯಿ ಹೇಗೆ ತಿನ್ನಬೇಕು?

·  ತಾಜಾ ನೆಲ್ಲಿಕಾಯಿ ನೇರವಾಗಿ ಸೇವಿಸಬಹುದು.

·  ಚಟ್ನಿ, ಜಾಮ್, ಪುಡಿ, ಜ್ಯೂಸ್ ರೂಪದಲ್ಲಿ ಬಳಸಬಹುದು.

·  2–3 ನೆಲ್ಲಿಕಾಯಿ ತುಂಡು ಮಾಡಿ ಜೀರಿಗೆ, ಕರಿಮೆಣಸು, ಶುಂಠಿ ಸೇರಿಸಿ ರಸ ಮಾಡಿ ಖಾಲಿ ಹೊಟ್ಟೆಯಲ್ಲಿ ಸೇವಿಸಿದರೆ ಚೈತನ್ಯ ಹೆಚ್ಚುತ್ತದೆ.

·  ಪ್ರತಿದಿನ ಸಾಧ್ಯವಿಲ್ಲದಿದ್ದರೆ ವಾರಕ್ಕೊಮ್ಮೆ ಆದರೂ ತಿನ್ನಿ.