ದಿನನಿತ್ಯ ಮದ್ಯಪಾನ ಮಾಡುವ ಅಭ್ಯಾಸ ಶೇ.50 ರಷ್ಟು ಮಂದಿಗೆ ಇದೆ ಎನ್ನಲಾಗಿದೆ. ಮದ್ಯಪಾನದಿಂದ ಗಂಭೀರವಾದ ಆರೋಗ್ಯ ಸಮಸ್ಯೆಗಳು ಸಂಭವಿಸುತ್ತೆ ಎನ್ನುವ ಸತ್ಯ ಗೊತ್ತಿದ್ದರೂ ತುಂಬಾ ಮಂದಿ ಮದ್ಯಪಾನದತ್ತ ಆಕರ್ಷಿತರಾಗುತ್ತಾರೆ. ನಾವಿಲ್ಲಿ ಬರೀ ಒಂದು ದಿನ ಮದ್ಯಪಾನ ಬಿಟ್ಟರೆ ಏನೆಲ್ಲಾ ಒಳ್ಳೆಯ ಬದಲಾವಣೆಗಳು ನಮ್ಮ ದೇಹದ ಮೇಲಾಗುತ್ತದೆ? ಆಮೇಲೆ ಒಂದು ತಿಂಗಳು, ಮೂರು ತಿಂಗಳು, ಒಂದು ವರ್ಷ ಬಿಡುವುದರಿಂದ ಯಾವೆಲ್ಲಾ ಒಳ್ಳೆಯ ಬದಲಾವಣೆಗಳು ನಮ್ಮ ದೇಹದ ಮೇಲಾಗುತ್ತದೆ ಎನ್ನುವುದನ್ನು ವಿವರಿಸುತ್ತೇವೆ.

24 ಗಂಟೆಯಲ್ಲಿ ನೀವು ಮದ್ಯಪಾನ ಮಾಡುವುದನ್ನು ನಿಲ್ಲಿಸಿದ ಕೂಡಲೇ ನಿಮ್ಮ ದೇಹದಲ್ಲಿ ನೀರಿನ ಮಟ್ಟ ಉತ್ತಮಗೊಳ್ಳುತ್ತೆ.ಯಕೃತ್ತು ತನ್ನನ್ನು ತಾನು ಶುದ್ಧೀಕರಿಸುವ ಪ್ರಕ್ರಿಯೆಯನ್ನು ಪ್ರಾರಂಭಿಸುತ್ತದೆ, ಇದು ದೇಹದಿಂದ ವಿಷವನ್ನು ಹೊರಹಾಕಲು ಸಹಾಯ ಮಾಡುತ್ತದೆ

ಒಂದರಿಂದ ಎರಡು ವಾರಗಳಲ್ಲಿ ಆಗೋ ಛೇಂಜ್ ಇದು : ಆಲ್ಕೋಹಾಲ್ ತ್ಯಜಿಸಿದ ಸಮಯದಲ್ಲಿ ನಿಮ್ಮ ನಿದ್ರೆಯ ಗುಣಮಟ್ಟ ಸುಧಾರಿಸುತ್ತದೆ. ಮದ್ಯಪಾನವು ನಿದ್ರೆಗೆ ಅಡ್ಡಿಯನ್ನುಂಟು ಮಾಡುತ್ತದೆ. ಹಾಗಾಗಿ ಮದ್ಯಪಾನ ತ್ಯಜಿಸುವುದರಿಂದ ನೀವು ಹೆಚ್ಚು ಚೆನ್ನಾಗಿ ಮತ್ತು ಆಳವಾಗಿ ನಿದ್ರಿಸಲು ಸಹಾಯ ಮಾಡುತ್ತದೆ. ಇದು ಹೆಚ್ಚು ಉಲ್ಲಾಸ ಮತ್ತು ಶಕ್ತಿಯುತ ಭಾವನೆಯಿಂದ ಬೆಳಗ್ಗೆ ಹೊತ್ತು ನಿದ್ರೆಯಿಂದ ಎಚ್ಚರಗೊಳ್ಳಲು ಅನುವು ಮಾಡಿಕೊಡುತ್ತೆ

ಒಂದು ತಿಂಗಳ ನಂತರ ಹೀಗಾಗುತ್ತೆ : ಒಂದು ತಿಂಗಳ ನಂತರ ನಿಮ್ಮ ಚರ್ಮದಲ್ಲಿ ಬದಲಾವಣೆಗಳು ಆಗುವುದನ್ನು ನೀವು ಕಾಣಲು ಪ್ರಾರಂಭಿಸುತ್ತೀರಿ. ಆಲ್ಕೋಹಾಲ್ ಚರ್ಮವನ್ನು ಒಣಗಿಸುತ್ತದೆ ಮತ್ತು ಸುಕ್ಕುಗಳನ್ನು ಹೆಚ್ಚಿಸುತ್ತದೆ, ಆದರೆ ಇದನ್ನು ತ್ಯಜಿಸುವುದರಿಂದ ನಿಮ್ಮ ಚರ್ಮಕ್ಕೆ ನೈಸರ್ಗಿಕ ಹೊಳಪು ಸಿಗುತ್ತದೆ. ಹೊಟ್ಟೆ ಉಬ್ಬುವಿಕೆಯನ್ನು ಕಡಿಮೆ ಆಗುತ್ತೆ. ಜೀರ್ಣಕ್ರಿಯೆ ಉತ್ತಮವಾಗುತ್ತೆ.

ಮೂರರಿಂದ ಆರು ತಿಂಗಳಲ್ಲಿ ಹೀಗೆಲ್ಲಾ ಆಗುತ್ತೆ: ಈ ಅವಧಿಯಲ್ಲಿ ನೀವು ತೂಕ ಇಳಿಸಿಕೊಳ್ಳಲು ಪ್ರಾರಂಭಿಸುತ್ತೀರಿ. ಆಲ್ಕೋಹಾಲ್ ಹೆಚ್ಚಿನ ಕ್ಯಾಲೋರಿಗಳನ್ನು ಹೊಂದಿರುತ್ತದೆ, ಇದು ತೂಕ ಹೆಚ್ಚಳಕ್ಕೆ ಕಾರಣವಾಗುತ್ತದೆ. ಇದನ್ನು ತ್ಯಜಿಸುವುದರಿಂದ ತೂಕ ಇಳಿಸಿಕೊಳ್ಳಲು ಸಹಾಯವಾಗುತ್ತದೆ. ಅಲ್ಲದೇ, ನಿಮ್ಮ ಯಕೃತ್ತಿನ ಕಾರ್ಯವು ಗಂಭೀರವಾಗಿ ಸುಧಾರಿಸುತ್ತದೆ.ಇದು ಆರೋಗ್ಯ ಸುಧಾರಿಸೋ ಲಕ್ಷಣ.

ಒಂದು ವರ್ಷ ಆರೋಗ್ಯ ಬದಲಾವಣೆಯ ಹರ್ಷ : ಒಂದು ವರ್ಷ ಮದ್ಯಪಾನದಿಂದ ದೂರವಿರುವುದರಿಂದ, ನಿಮ್ಮ ಹೃದ್ಗೋಗ ಕಾಯಿಲೆಯ ಅಪಾಯವು ಗಮನಾರ್ಹವಾಗಿ ಕಡಿಮೆಯಾಗುತ್ತದೆ. ಯಕೃತ್ತಿನ ಆರೋಗ್ಯವು ಸಂಪೂರ್ಣವಾಗಿ ಸುಧಾರಿಸುತ್ತದೆ ಮತ್ತು ಅದು ಮತ್ತೆ ಉತ್ತಮ ರೀತಿಯಲ್ಲಿ ಕಾರ್ಯ ನಿರ್ವಹಿಸುತ್ತದೆ. ರೋಗನಿರೋಧಕ ಶಕ್ತಿಯನ್ನು ಬಲಗೊಳಿಸುತ್ತದೆ. ಇಷ್ಟು ಮಾತ್ರವಲ್ಲ, ಮದ್ಯಪಾನ ತ್ಯಜಿಸುವುದರಿಂದ ನಿಮ್ಮ ಮಾನಸಿಕ ಆರೋಗ್ಯ ಸುಧಾರಿಸುತ್ತದೆ. ಕಿರಿಕಿರಿ ಕಡಿಮೆಯಾಗುತ್ತದೆ, ಮನಸ್ಸು ಶಾಂತವಾಗಿರುತ್ತದೆ. ಖಿನ್ನತೆ ಮತ್ತು ಆತಂಕ ಕಡಿಮೆಯಾಗುತ್ತದೆ. ನೀವು ಹೆಚ್ಚು ಸಕಾರಾತ್ಮಕ ಮತ್ತು ಸಂತೋಷವಾಗಿರುತ್ತೀರಿ.ಬದುಕಲ್ಲಿ ಮದ್ಯಪಾನ ತಾತ್ಕಾಲಿಕ ಖುಷಿ ಕೊಡಬಹುದು. ಆದರೆ ಪರ್ಮನೆಂಟ್ ಖುಷಿ ಬೇಕೆಂದರೆ ಮದ್ಯಪಾನ ತ್ಯಜಿಸಿ ಕುಟುಂಬದೊಂದಿಗೆ ಮಾತಾಡುತ್ತ ಸಮಯ ಕಳೆಯಿರಿ.