ನವದೆಹಲಿ : ಹೊಸ ಶ್ರೇಣಿಯ ಡೆಸ್ಕ್ ಟಾಪ್ ಗಳಲ್ಲಿ ASUS S500SE, ASUS S501ME ಮತ್ತು ಗೇಮಿಂಗ್-ಕೇಂದ್ರಿತ ROG DT G22 ಮತ್ತು AIO M3402 ಗಳು ಸೇರಿವೆ.ತೈವಾನ್ ಮೂಲದ ತಂತ್ರಜ್ಞಾನ ಕಂಪನಿ ಆಸುಸ್ ಭಾರತದ ಮಾರುಕಟ್ಟೆಗೆ ತನ್ನ ಹೊಸ ಪಿಸಿ ಮತ್ತು ಲ್ಯಾಪ್ಟಾಪ್ಗಳನ್ನು ಬಿಡುಗಡೆ ಮಾಡಿದೆ. 37,990 ರೂ.ಗಳ ಆರಂಭಿಕ ಬೆಲೆಗಳಲ್ಲಿ ಇವು ಲಭ್ಯವಿವೆ.ಆಸುಸ್ ಭಾರತದಲ್ಲಿ ತನ್ನ ಹೊಸ ಶ್ರೇಣಿಯ ಲ್ಯಾಪ್ಟಾಪ್ ಮತ್ತು ಪಿಸಿಗಳನ್ನು ಬಿಡುಗಡೆ ಮಾಡಿದೆ.
ಹೊಸ ROG DT 22 ಇದು 1,99,990 ರೂ. ಆರಂಭಿಕ ಬೆಲೆಯಲ್ಲಿ ಮತ್ತು ಗ್ರಾಹಕ ಡೆಸ್ಕ್ ಟಾಪ್ ಗಳಾದ ASUS S500SE & S501ME ಗಳು ಕ್ರಮವಾಗಿ 41,990, 37,990 ರೂ. ಮತ್ತು M3402 49,990 ರೂ.ಗಳ ಆರಂಭಿಕ ಬೆಲೆಗಳಲ್ಲಿ ಲಭ್ಯವಿವೆ. ಹೊಸ ಶ್ರೇಣಿಯ ಪಿಸಿ ಮತ್ತು ಲ್ಯಾಪ್ಟಾಪ್ಗಳನ್ನು ಈಗ ಕಂಪನಿಯ ಅಧಿಕೃತ ವೆಬ್ಸೈಟ್ ಅಥವಾ ಆನ್ಲೈನ್ ಮತ್ತು ಆಫ್ಲೈನ್ ಮಳಿಗೆಗಳಿಂದ ಖರೀದಿಸಬಹುದು.
“ಎಐಒ ಮತ್ತು ಡೆಸ್ಕ್ಟಾಪ್ ಶ್ರೇಣಿಯನ್ನು ವಿಸ್ತರಿಸುವ ನಮ್ಮ ಯೋಜನೆಯು ಅತ್ಯಾಧುನಿಕ ತಂತ್ರಜ್ಞಾನ ಅಳವಡಿಸಿಕೊಳ್ಳುವ ಮತ್ತು ಬಳಕೆದಾರರಿಗೆ ಅತ್ಯುತ್ತಮ ಅನುಭವಗಳನ್ನು ತಲುಪಿಸುವ ಆಸುಸ್ನ ಬದ್ಧತೆಗೆ ಉದಾಹರಣೆಯಾಗಿದೆ. ಬಳಕೆದಾರರಿಗೆ ಶಕ್ತಿಯುತ ಮತ್ತು ತಡೆರಹಿತ ಕಂಪ್ಯೂಟಿಂಗ್ ಪರಿಹಾರಗಳನ್ನು ಒದಗಿಸುವ ಮೂಲಕ ಈ ಹಿಂದಿಗಿಂತ ಉತ್ತಮವಾದುದನ್ನು ತಲುಪಿಸುವ ಗುರಿಯನ್ನು ನಾವು ಹೊಂದಿದ್ದೇವೆ” ಎಂದು ಆಸುಸ್ ಇಂಡಿಯಾದ ಪಿಸಿ ಮತ್ತು ಗೇಮಿಂಗ್ ವ್ಯವಹಾರದ ಉಪಾಧ್ಯಕ್ಷ ಅರ್ನಾಲ್ಡ್ ಸು ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ಕಂಪನಿಯ ಪ್ರಕಾರ, ROG DT G22 ಇದೊಂದು ಗೇಮಿಂಗ್ ಮತ್ತು ಕಂಟೆಂಟ್ ಕ್ರಿಯೇಶನ್ಗಾಗಿ ಬಳಸಬಹುದಾದ ಶಕ್ತಿಯುತ ಕಂಪ್ಯೂಟರ್ ಆಗಿದ್ದು, 30M Cache ಯೊಂದಿಗೆ Intel Core I 7-13700 ಎಫ್ ಪ್ರೊಸೆಸರ್ ಅನ್ನು ಒಳಗೊಂಡಿದೆ. ಇದು ಕಾಂಪ್ಯಾಕ್ಟ್ ಸಾಧನವಾಗಿದ್ದು, ಸಣ್ಣ ಡೆಸ್ಕ್ ಗಳ ಮೇಲೆ ಇಟ್ಟು ಕೆಲಸ ಮಾಡಬಹುದು.
ತೈವಾನ್ನಲ್ಲಿ ಪ್ರಧಾನ ಕಚೇರಿಯನ್ನು ಹೊಂದಿರುವ ಆಸುಸ್ ಕಂಪ್ಯೂಟರ್ ಹಾರ್ಡ್ವೇರ್ ಮತ್ತು ಗ್ರಾಹಕ ಎಲೆಕ್ಟ್ರಾನಿಕ್ಸ್ ಕಂಪನಿಯಾಗಿದ್ದು, 1989 ರಲ್ಲಿ ಟಿ ಎಚ್ ತುಂಗ್, ಟೆಡ್ ಹ್ಸು, ವೇಯ್ನ್ ಹ್ಸೀಹ್ ಮತ್ತು ಎಂ ಟಿ ಲಿಯಾವೊ ಸ್ಥಾಪಿಸಿದರು. ಈ ಮೂವರೂ ಇದಕ್ಕೂ ಮೊದಲು ಏಸರ್ನಲ್ಲಿ ಎಂಜಿನಿಯರುಗಳಾಗಿದ್ದರು.
ಆರಂಭದಲ್ಲಿ ಕಂಪ್ಯೂಟರ್ ಮದರ್ಬೋರ್ಡ್ಗಳನ್ನು ತಯಾರಿಸುತ್ತಿದ್ದ ಕಂಪನಿಯು, ಈಗ ಡೆಸ್ಕ್ಟಾಪ್ ಕಂಪ್ಯೂಟರ್ಗಳು, ನೋಟ್ ಬುಕ್ಗಳು, ನೆಟ್ವರ್ಕಿಂಗ್ ಉಪಕರಣಗಳು, ಮಾನಿಟರ್ಗಳು, ಗ್ರಾಫಿಕ್ ಕಾರ್ಡ್ಗಳು, ಆಪ್ಟಿಕಲ್ ಶೇಖರಣಾ ಸಾಧನಗಳು, ವೈ-ಫೈ ರೂಟರ್ಗಳು, ಸರ್ವರ್ಗಳು ಮತ್ತು ಟ್ಯಾಬ್ಲೆಟ್ಗಳನ್ನು ಉತ್ಪಾದಿಸುತ್ತದೆ.
ಇದು 16 ಜಿಬಿ ರ್ಯಾಮ್ ಹೊಂದಿದ್ದು, GeForce RTX 4070 4070 ಗ್ರಾಫಿಕ್ ಕಾರ್ಡ್ ಇದರಲ್ಲಿದೆ. 32 ಜಿಬಿ ವರೆಗೆ ವಿಸ್ತರಿಸಬಹುದು. ಅಲ್ಲದೇ ಆಸುಸ್ S500SE ಮತ್ತು S501ME ಇವು 13 ನೇ ಜೆನ್ ಸಿಪಿಯು ಹೊಂದಿದ್ದು, ಹಲವಾರು ಕೆಲಸಗಳನ್ನು ಏಕಕಾಲದಲ್ಲಿ ನಿಭಾಯಿಸಲು ಶಕ್ತವಾಗಿದೆ. ಇದು ಲ್ಯಾಗ್-ಫ್ರೀ ಮಲ್ಟಿಟಾಸ್ಕಿಂಗ್ಗಾಗಿ 64 ಜಿಬಿ ರ್ಯಾಮ್ ಅನ್ನು ಹೊಂದಿದೆ.
