ದ.ಅಮೇರಿಕಾದ ಪೆರು ಸರ್ಕಾರವು ಹುವಾನುಕೊ ಪ್ರದೇಶದ 124 ವರ್ಷದ ಮಾರ್ಸೆಲಿನೊ ಅಬಾದ್ ಪ್ರಪಂಚದ ಅತ್ಯಂತ ಹಿರಿಯ ವ್ಯಕ್ತಿ ಎಂದು ಹೇಳಿಕೊಂಡಿದೆ. ಇದಕ್ಕಾಗಿ ಸರ್ಕಾರವು ಎಲ್ಲ ದಾಖಲೆಗಳನ್ನು ಪರಿಶೀಲಿಸಿದೆ. ಇದು ನಿಜವಾದಲ್ಲಿ ಪೆರುವಿನ ಆಂಡಿಸ್ ಪರ್ವತಗಳು ದೀರ್ಘಾಯುಷ್ಯದ ರಹಸ್ಯವನ್ನು ಹೊಂದಿರಬಹುದು ಎನ್ನಲಾಗುತ್ತಿದೆ.

1900 ರಲ್ಲಿ ಜನಿಸಿದ 124 ವರ್ಷದ ಮಾರ್ಸೆಲಿನೊ ಅಬಾದ್ ಇದುವರೆಗೆ ಸ್ವತಂತ್ರವಾಗಿ ಪರಿಶೀಲಿಸಲ್ಪಟ್ಟ ಅತ್ಯಂತ ಹಳೆಯ ವ್ಯಕ್ತಿ ಎಂದು ಅಲ್ಲಿನ ಸರ್ಕಾರ ಹೇಳಿದೆ.

“ಹುವಾನುಕೊದ ಸಸ್ಯ ಮತ್ತು ಪ್ರಾಣಿಗಳ ಶಾಂತತೆ ಯವಾತಾವರಣದಲ್ಲಿ, ಮಾರ್ಸೆಲಿನೊ ಅಬಾದ್ ಟೊಲೆಂಟಿನೊ ಅಥವಾ ‘ಮಶಿಕೊ’ ಆರೋಗ್ಯಕರ ಜೀವನ ವಿಧಾನ ಮತ್ತು ಆಂತರಿಕ ಶಾಂತಿಯನ್ನು ಅಭಿವೃದ್ಧಿಪಡಿಸಿದರು, ಇದು ಅವರ ಉತ್ತಮ ಆರೋಗ್ಯ ಮತ್ತು ಸ್ನೇಹಪರ ವ್ಯಕ್ತಿತ್ವದಲ್ಲಿ ಪ್ರತಿಫಲಿಸುತ್ತದೆ, ”ಎಂದು ಸರ್ಕಾರ ಹೇಳಿಕೆಯಲ್ಲಿ ತಿಳಿಸಿದೆ.

ಇದು ಸ್ಥಿತಿಸ್ಥಾಪಕತ್ವ ಮತ್ತು ಕೌಶಲ್ಯದಿಂದ 12 ದಶಕಗಳ ಜೀವನವನ್ನು ಜಯಿಸಲು ಅವರಿಗೆ ಅವಕಾಶ ಮಾಡಿಕೊಟ್ಟಿತು ಮತ್ತು ಏಪ್ರಿಲ್ 5 ರಂದು ಅವರು ಹುಟ್ಟುಹಬ್ಬವನ್ನಾಚರಿಕೊಂಡರು ಎಂದು ಹೇಳಿಕೆ ತಿಳಿಸಿದೆ. ಸರ್ಕಾರದ ಅಧಿಕಾರಿಗಳು ಗಿನ್ನಿಸ್ ಬುಕ್ ಆಫ್ ವರ್ಲ್ಡ್ ರೆಕಾರ್ಡ್ ನಲ್ಲಿ ಮಾರ್ಸೆಲಿನೊ ಹೆಸರು ದಾಖಲಿಸಲು ಸಹಾಯ ಮಾಡುತ್ತಿದ್ದಾರೆ ಎಂದು ವರದಿ ಹೇಳಿದೆ.