ಉಡುಪಿ: ಕರ್ನಾಟಕ ರಾಜ್ಯ ಕ್ರಿಕೆಟ್ ಸಂಸ್ಥೆಯ ಪ್ರತಿಷ್ಠಿತಾ ಟ್ರೋಫಿ ಗಳಲ್ಲಿ ಒಂದಾದ ಮಹಾರಾಜಾ ಟ್ರೋಫಿ 2024 ನೇ ಸೀಸನ್ ನ ಕ್ರಿಕೆಟ್ ಆಟಗಾರರ ಹರಾಜಿನಲ್ಲಿ ಉಡುಪಿ ಶಿರಿಬೀಡುವಿನ ಯುವ ಕ್ರಿಕೆಟ್ ಆಟಗಾರ ನಿಶ್ಚಿತ್ ನಾಗರಾಜ್ ಪೈ ಯವರು ಪಂದ್ಯಾವಳಿಯ ಬಲಿಷ್ಠ ತಂಡಗಳಲ್ಲಿ ಒಂದಾದ ಹುಬ್ಬಳ್ಳಿ ಟೈಗರ್ಸ್ ತಂಡಕ್ಕೆ ಆಯ್ಕೆಯಾಗಿದ್ದಾರೆ. ಇವರು ಉಡುಪಿ ಶಿರಿಬೀಡು ವಾರ್ಡಿನ ಶ್ರೀ ನಾಗರಾಜ ಪೈ ಮತ್ತು ಶ್ರೀಮತಿ ಉಜ್ವಲ ಕಿರಣ್ ಪೈ ದಂಪತಿಗಳ ದ್ವಿತೀಯ ಸುಪುತ್ರ. ಮುಂದೆ ಇವರು I. P. L ಹಾಗೂ ಭಾರತ ಕ್ರಿಕೆಟ್ ತಂಡಕ್ಕೆ ಆಯ್ಕೆಯಾಗಲಿ ಎಂದು ಸಾರ್ವಜನಿಕರು ಶುಭಹಾರೈಸಿದ್ದಾರೆ.