ಉಡುಪಿ: ಪರ್ಯಾಯ ಶ್ರೀ ಕೃಷ್ಣಾಪುರ ಮಠದ ಆಶ್ರಯದಲ್ಲಿ, ಕಿದಿಯೂರು ಹೋಟೆಲ್ ಪ್ರಾಯೋಜಕತ್ವದಲ್ಲಿ ಗೀತಾ ಜಯಂತಿ ಪ್ರಯುಕ್ತ 26 ನೇ ವರ್ಷದ ಪ್ರವಚನ ಕಾರ್ಯಕ್ರಮವು ವಿದ್ವಾನ್ ಬ್ರಹ್ಮಣ್ಯಾಚಾರ್ಯ ಇವರಿಂದ ಡಿ.10 ರಿಂದ 27 ರವರೆಗೆ 18 ದಿನಗಳ ಕಾಲ ಪ್ರತಿದಿನ ಸಂಜೆ 6 ರಿಂದ 7ರ ವರಗೆ ಶ್ರೀಕೃಷ್ಣಮಠದ ರಾಜಾಂಗಣದಲ್ಲಿ ನಡೆಯಲಿದೆ.

ಪರ್ಯಾಯ ಶ್ರೀಕೃಷ್ಣಾಪುರ ಮಠಾಧೀಶರಾದ ಶ್ರೀವಿದ್ಯಾಸಾಗರತೀರ್ಥ ಸ್ವಾಮೀಜಿಗಳು ದೀಪ ಬೆಳಗಿಸಿ ಕಾರ್ಯಕ್ರಮವನ್ನು ಉದ್ಘಾಟಿಸಿ, ಜೀವನ ಪಾವನವಾಗಲು ಗೀತೆ ಸಹಕಾರಿ. ಇಂತಹ ಪ್ರವಚನಗಳ ಮೂಲಕ ಶ್ರೀಕೃಷ್ಣನ ಸಂದೇಶ ಎಲ್ಲರ ಮನೆ ಬೆಳಗಲಿ ಎಂದು ಅನುಗ್ರಹಿಸಿದರು.

ಕಿದಿಯೂರು ಹೋಟೆಲಿನ ಮಾಲಕ ಭುವನೇಂದ್ರ ಕಿದಿಯೂರು, ಯುವರಾಜ್ ಮಸ್ಕತ್ , ಜಿತೇಶ್ ಕಿದಿಯೂರು, ಮದುಸೂಧನ್ ಪೂಜಾರಿ ಕೆಮ್ಮಣ್ಣು, ಪುರಂದರ ಕಿದಿಯೂರು, ವಿಲಾಸ ಕುಮಾರ್, ಮಠದ ದಿವಾನ ವರದರಾಜ ಭಟ್ ಉಪಸ್ಥಿತರಿದ್ದರು.